Don't Miss!
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- News ഖത്തര് കടുത്ത തീരുമാനത്തിലേക്ക്; പശ്ചിമേഷ്യ കൂടുതല് വെട്ടിലാകും, ഹമാസ് ഓഫീസ് മാറ്റുമെന്ന് സൂചന
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
- Automobiles പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
കമ്മട്ടിപ്പാടം താരം അനില് നെടുമങ്ങാട് മുങ്ങിമരിച്ചു, ദാരുണാന്ത്യം മലങ്കര ഡാമില്, ആദരാഞ്ജലികളോടെ സിനിമാലോകം
കമ്മട്ടിപ്പാടം, അയ്യപ്പനും കോശിയും തുടങ്ങിയ സിനിമകളിലൂടെ ശ്രദ്ധേയനായ നടന് അനില് നെടുമങ്ങാട് മുങ്ങിമരിച്ചു. സുഹൃത്തുക്കളോടൊപ്പം മലങ്കര ഡാമില് കുളിക്കാന് ഇറങ്ങിയപ്പോള് കയത്തില്പ്പെടുകയായിരുന്നു താരം. ഷൂട്ടിംഗിന് വേണ്ടിയായിരുന്നു നടന് തൊടുപുഴയില് എത്തിയത്. ഞാന് സ്റ്റീവ് ലോപ്പസ്, പൊറിഞ്ചു മറിയം ജോസ്, പാവാട, ആമി, ആഭാസം, കിസ്മത് തുടങ്ങിയ സിനിമകളിലും നടന് വേഷമിട്ടിരുന്നു. അവതാരകനായും പ്രോഗ്രാം പ്രൊഡ്യൂസറുമായാണ് അനില് നെടുമങ്ങാട് കരിയര് തുടങ്ങിയത്. ഹാസ്യ പരിപാടികളിലൂടെയാണ് നടന് പ്രേക്ഷക പ്രശംസകള് നേടിയത്.
സ്റ്റാര് വാര്, ജുറാസിക്ക് വേള്ഡ്, ടെലിസ്കോപ്പ് തുടങ്ങിയ പരിപാടികളെല്ലാം നടന്റെതായി ഏറെ ശ്രദ്ധിക്കപ്പെട്ടു. കൈരളി, എഷ്യാനെറ്റ്, ജയ്ഹിന്ദ്, റിപ്പോര്ട്ടര്, കൈരളി ന്യൂസ് തുടങ്ങിയ ചാനലുകളിലെല്ലാം അനില് നെടുമങ്ങാട് പരിപാടികള് അവതരിപ്പിച്ചിരുന്നു. മിനിസ്ക്രീന് രംഗത്ത് തിളങ്ങിയ ശേഷമാണ് നടന് സിനിമകളും സജീവമായത്. മമ്മൂട്ടിയുടെ തസ്കരവീരനാണ് അദ്ദേഹത്തിന്റെ ആദ്യ ചിത്രം. പിന്നാലെ രാജീവ് രവി സംവിധാനം ചെയ്ത ഞാന് സ്റ്റീവ് ലോപ്പസ് എന്ന ചിത്രത്തിലെ കഥാപാത്രം നടന്റെതായി ഏറെ ശ്രദ്ധിക്കപ്പെട്ടു.
ഫ്രെഡി കൊച്ചച്ചന് എന്ന റോളിലാണ് ചിത്രത്തില് നടന് അഭിനയിച്ചത്. ഇരുപതോളം സിനിമകളിലാണ് അനില് നെടുമങ്ങാട് തന്റെ കരിയറില് അഭിനയിച്ചത്. അതേസമയം അനില് നെടുമങ്ങാടിന് ആദരാഞ്ജലികള് നേര്ന്ന് അയ്യപ്പനും കോശിയും സഹതാരം പൃഥ്വിരാജ് എത്തിയിരുന്നു. അദ്ദേഹത്തിന്റെ ഒരു ചിത്രം പോസ്റ്റ് ചെയ്താണ് പൃഥ്വി എത്തിയത്. ഒന്നുമില്ല, എനിക്ക് പറയാന് ഒന്നുമില്ല. നിങ്ങള് സമാധാനത്തിലാണെന്ന് പ്രതീക്ഷിക്കുന്നു അനിലേട്ടാ എന്നാണ് പൃഥ്വി കുറിച്ചത്. പൃഥ്വിരാജിന് പുറമെ കമ്മട്ടിപ്പാടം സഹതാരം ദുല്ഖര് സല്മാനും പ്രിയപ്പെട്ട അനിലേട്ടന് യാത്രാമൊഴി നല്കി എത്തി.
ഈ വര്ഷം ഞെട്ടിച്ച ഇന്ത്യന് സെലിബ്രിറ്റികള്, ചിത്രങ്ങള് കാണാം
ഹൃദയം വേദനിക്കുന്നു. ഇത് ഉള്ക്കൊളളാന് കഴിയുന്നില്ല, സമാധാനത്തോടെ വിശ്രമിക്കുക അനിലേട്ടാ, നിങ്ങളുടെ കുടുംബത്തിനായി പ്രാര്ത്ഥനകള് നേരുന്നു, ശക്തി പകരാന് ആഗ്രഹിക്കുന്നു എന്നാണ് ദുല്ഖര് കുറിച്ചത്. ദുല്ഖറിന് പുറമെ നടനും നിര്മ്മാതാവുമായ വിജയ് ബാബു, അജു വര്ഗീസ്, അനൂപ് മേനോന്, ഇന്ദ്രജിത്ത്, സണ്ണി വെയ്ന്, ടൊവിനോ തോമസ്, ലാല്, സുപ്രിയ മേനോന് പൃഥ്വിരാജ്, സൈജു കുറുപ്പ്, ഉണ്ണി മുകുന്ദന്, വിനയ് ഫോര്ട്ട് ഉള്പ്പെടെയുളളവരും അനില് നെടുമങ്ങാടിന് ആദരാഞ്ജലികള് നേര്ന്ന് എത്തി.