ഇത് കത്തും! കാത്തിരിപ്പിനൊടുവിൽ കാന്താര ചാപ്റ്റർ വൺ ട്രെയിലർ പുറത്ത്, ആവേശത്തിൽ പ്രേക്ഷകർ

കാത്തിരിപ്പിനൊടുവിൽ കാന്താര ചാപ്റ്റർ 1 ട്രെയിലർ പുറത്തിറങ്ങി. ട്രെയിലറിന്റെ മലയാളം പതിപ്പ് നടൻ പൃഥ്വിരാജ് സുകുമാരനാണ് ഔദ്യോ​ഗികമായി പുറത്ത് വിട്ടത്. ഹോംബാലെ ഫിലിംസ് ആണ് ചിത്രം നിർമ്മിച്ചത്. ഒക്ടോബർ രണ്ടിനാണ് കന്നഡ, മലയാളം, ഹിന്ദി, തെലുങ്ക്, തമിഴ്, ഇം​ഗ്ലീഷ് ഭാഷകളിൽ കാന്താര ചാപ്റ്റർ വൺ റിലീസ് ചെയ്യും. ട്രെയിലറിന്റെ ഹിന്ദി പതിപ്പ് ഹൃതിക് റോഷനും തമിഴിൽ ശിവകാർത്തികേയനും തെലുങ്കിൽ പ്രഭാസുമാണ് പുറത്ത് വിട്ടത്. പൃഥ്വിരാജ് പ്രൊഡക്ഷൻസാണ് ചിത്രത്തിന്റെ കേരളത്തിലെ വിതരണം ഏറ്റെടുത്തിരിക്കുന്നത്.

ആദ്യ ഭാ​ഗത്തിന്റെയും കേരളത്തിലെ വിതരണം പൃഥ്വിരാജ് പ്രൊഡക്ഷൻസായിരുന്നു. റിലീസ് ചെയ്ത ഭാഷകളിലെല്ലാം ഹിറ്റായിരുന്നു കാന്താരയുടെ ആദ്യ ഭാ​ഗം. കന്നഡ സിനിമാ ലോകത്തിന്റെ യശസുയർത്തിയ ചിത്രം. ഋഷഭ് ഷെട്ടി തിരക്കഥയെഴുതി സംവിധാനം ചെയ്ത് പ്രധാന വേഷം ചെയ്യുന്നു. 2022 ൽ പുറത്തിറങ്ങിയ കാന്താരയുടെ പ്രീക്വലായാണ് കാന്താര ചാപ്റ്റർ വൺ എത്തുന്നത്. മൂന്ന് വർഷം നീണ്ട ചിത്രീകരണത്തിനൊടുവിലാണ് ചിത്രം പ്രേക്ഷകരിലേക്ക് എത്തുന്നത്.

ഫാന്റസിയും മിത്തും കൊണ്ട് പ്രേക്ഷകർക്ക് മികച്ച ദൃശ്യാനുഭവമായിരുന്നു കാന്താര. ഋഷഭ് ഷെട്ടിക്ക് മികച്ച നടനുള്ള ​ദേശീയ പുരസ്കാരവും ചിത്രം നേടിക്കൊടുത്തു. പ്രീക്വലിൽ പ്രേക്ഷകർക്ക് പ്രതീക്ഷ ഇരട്ടിച്ചിട്ടുണ്ട്. ബി അജ്നീഷ് ലോകനാഥാണ് സം​ഗീതം ഒരുക്കുന്നത്. ക്യാമറ അർവിന്ദ് കശ്യപ് സാഹസകരമായിരുന്നു കാന്താര ചാപ്റ്റർ വണ്ണിന്റെ ഷൂട്ടിം​ഗ്. വരും ദിവസങ്ങളിൽ ചിത്രത്തിന്റെ പ്രൊമോഷൻ പല ഭാഷകളിലായി നടക്കും.

അർജുൻ രാജ്, തോഡൊർ ലസരൊവ്, രാം ലക്ഷ്മൺ, മഹേഷ് മാത്യു, മിഥുൻ സിം​ഗ് രാജ്പുത് എന്നീ കൊറിയോ​ഗ്രഫർമാരുടെ സംഘമാണ് ആക്ഷൻ ആന്റ് സ്റ്റണ്ട് രം​ഗങ്ങൾ കോർഡിനേറ്റ് ചെയ്തത്. ഭൂഷൺ, സ്വരാജ് ഷെ‌ട്ടി എന്നിവരാണ് ഡാൻസ് രം​ഗങ്ങൾ അറേഞ്ച് ചെയ്തത്. സഞ്ജിത് കെവി ആണ് വിഷ്വൽ എഫക്ട്സിന്റെ സൂപ്പർവിഷൻ. സുരേഷ് ആണ് എഡിറ്റിം​ഗ്. സൗണ്ട് ഡിസെെൻ രാജകൃഷ്ണൻ.
.നേരത്തെ ചിത്രത്തിന്റെ അനൗൺസ്മെന്റ് പോസ്റ്ററും ടീസറും സോഷ്യൽ മീഡിയയിൽ ട്രെൻഡിം​ഗ് ആയിരുന്നു.