കാവ്യ - ദിലീപ് വിവാഹം; നാട്ടുകാര്‍ക്കറിയേണ്ടത് മഞ്ജു വാര്യര്‍ ചത്തോ എന്ന്.. ഇത് തോന്ന്യാസം!!

മഞ്ജു എവിടെയാണെന്ന് അന്വേഷിക്കുന്നവര്‍

പലതരത്തിലുള്ള ആള്‍ക്കാരാണ് സോഷ്യല്‍ മീഡിയയില്‍.. ഇവിടെ വിവാഹം നടക്കുമ്പോള്‍ മഞ്ജു എവിടെയാണെന്ന് അന്വേഷിച്ച് പോയവരാണ് ഏറെയും. അന്വേഷണത്തില്‍ മഞ്ജു കൊച്ചിയില്‍ തന്നെ ഉണ്ടെന്നറിഞ്ഞു.

മഞ്ജുവിന്റെ പ്രതികരണം

ഈ വിവാഹത്തില്‍ മഞ്ജുവിന് എന്താണ് പറയാനുള്ളത് എന്ന് കേള്‍ക്കാനാണ് പിന്നെ കുറേ പേര്‍ക്ക് താത്പര്യം. ഫോണിലേക്ക് തുരുതുരാ കോള്‍ വന്നതോടെ ഫോണ്‍ സ്വിച്ച് ഓഫ് ചെയ്യേണ്ട ഗതികേട് വന്നു. മുന്‍ ഭര്‍ത്താവിന്റെ വിവാഹത്തിന് ഒരു സ്ത്രീയ്ക്ക് ഫോണ്‍ ഓഫ് ചെയ്തു വയ്‌ക്കേണ്ടി വരുന്നു അവസ്ഥ.

കൊല്ലുന്നവര്‍ വേറെ

സോഷ്യല്‍ മീഡിയയില്‍ ചിലര്‍ മഞ്ജുവിനെ ആത്മഹത്യ ചെയ്യിപ്പിക്കാനും ശ്രമിക്കുന്നു. മഞ്ജു വാര്യര്‍ ആത്മഹത്യയ്ക്ക് ശ്രമിച്ചു എന്ന തരത്തിലുള്ള വാര്‍ത്തകള്‍ പ്രമുഖ മാധ്യമത്തിന്റെ വാട്ടര്‍ മാര്‍ക്കോടുകൂടെയാണ് പ്രചരിയ്ക്കുന്നത്. എന്തൊരു ആഭാസമാണിത്.

കാവ്യയെയും ദിലീപിനെയും പഴിക്കുന്നവര്‍

പിന്നെയൊരു കൂട്ടര്‍ കാവ്യ മാധവനെയും ദിലീപിനെയും ശക്തമായി എതിര്‍ത്തുകൊണ്ടാണ് രംഗത്തെത്തുന്നത്. മഞ്ജുവിനോട് പൂര്‍ണമായും അനുകൂലിയ്ക്കുകയും ചെയ്യുന്നു. ഓരോരുത്തര്‍ക്കും അഭിപ്രായം പറയാന്‍ ഇത് ദിലീപും മഞ്ജു വാര്യരും കാവ്യ മാധവനും അഭിനയിച്ച സിനിമയുടെ ക്ലൈമാക്‌സല്ല, അവരുടെ ജീവിതമാണ്. തീര്‍ത്തും മൂവരുടെയും സ്വകാര്യത എന്ന് മനസ്സിലാക്കുക.