ദിലീപേട്ടനില്ലാതെ എന്ത് ആഘോഷം! വിവാഹശേഷം കാവ്യയുടെ ആദ്യത്തെ പിറന്നാള്‍ ഇങ്ങനെയായി പോയി!!!

കാവ്യയുടെ പിറന്നാള്‍

ഇത്തവണ കാവ്യ മാധവന്റെ പിറന്നാള്‍ സങ്കട കടലിലാണെന്ന് പറയാം. ദിലീപുമായുള്ള വിവാഹത്തിന് ശേഷം വരുന്ന ആദ്യത്തെ പിറന്നാളായിരുന്നു ഇന്ന്. എന്നാല്‍ നടിയെ ആക്രമിച്ച കേസില്‍ ജയിലില്‍ തന്നെ കഴിയുന്ന ദിലീപ് പുറത്ത് വരാതെ കാവ്യയ്ക്ക് ഇനി ഒരു ആഘോഷവും ഇല്ലല്ലോ.

33-ാം പിറന്നാള്‍

1984 സെപ്റ്റംബര്‍ 19 ന് ജനിച്ച കാവ്യയുടെ മുപ്പത്തിമൂന്നാം പിറന്നാണ് ഇന്ന്. കാസര്‍ഗോട്ടെ നീലേശ്വരത്ത് ജനിച്ച് മലയാള സിനിമയുടെ നായിക വസന്തമായി പാറി നടന്ന കാവ്യയുടെ പിറന്നാള്‍ ഇത്തവണ ആരും ശ്രദ്ധിക്കാതെ പോയിരിക്കുകയാണ്.

ബാലതാരമായി സിനിമയിലേക്ക്

1991 ല്‍ പൂക്കാലം വരവായി എന്ന സിനിമയിലൂടെയാണ് കാവ്യ മാധവന്‍ ആദ്യമായി സിനിമയില്‍ അഭിനയിച്ചിരുന്നത്. ശേഷം ഒരുപാട് സിനിമകളില്‍ അഭിനയിച്ച കാവ്യ കഴിഞ്ഞ വര്‍ഷം അടൂര്‍ ഗോപാലകൃഷ്ണന്‍ സംവിധാനം ചെയ്ത പിന്നെയും എന്ന സിനിമയിലായിരുന്നു അവസാനമായി അഭിനയിച്ചത്.

ദിലീപുമായുള്ള വിവാഹം

നടന്‍ ദിലീപും കാവ്യയും തമ്മിലുള്ള വിവാഹം എല്ലാവരെയും ഞെട്ടിച്ചു കൊണ്ടായിരുന്നു നടന്നത്. വിവാഹം കഴിഞ്ഞ് മാസങ്ങള്‍ മാത്രം പിന്നിട്ടപ്പോഴെക്കും സന്തോഷത്തോടെ ജീവിച്ച കുടുംബത്തില്‍ കഷ്ടകാലം വന്നിരിക്കുകയാണ്.

ദിലീപ് ഇല്ലാതെ എന്ത് ആഘോഷം

ആദ്യ വിവാഹം പാതി വഴിയില്‍ അവസാനിപ്പിക്കേണ്ടി വന്നിരുന്നെങ്കിലും ദിലീപിനെ വിവാഹം കഴിച്ച് സ്വപ്‌നം കണ്ട ജീവിതത്തിലേക്ക് നടക്കുന്നതിനിടെയായിരുന്നു ദിലീപ് ജയിലിലായി പോവുന്നത്.

ജാമ്യമില്ലാ..

രണ്ട് മാസത്തിന് മുകളിലായി ജയിലില്‍ കഴിയുന്ന ദിലീപ് നാല് തവണ ജാമ്യ ഹര്‍ജി കൊടുത്തിരുന്നെങ്കിലും നാലും തള്ളി പോവുകയായിരുന്നു. ശേഷം ഇന്ന് വീണ്ടും ജാമ്യാപേക്ഷയുമായി നടന്‍ ഹൈകോടതിയില്‍ എത്തിയിരുന്നെങ്കിലും 26-ാം തീയതിയിലേക്ക് മാറ്റിയിരിക്കുകയാണ്.

കാവ്യയും കുടുങ്ങും?

നടിയെ ആക്രമിച്ച കേസില്‍ പ്രതി പള്‍സര്‍ സുനി പറഞ്ഞ മേഡം കാവ്യ മാധവനാണെന്ന വാര്‍ത്ത വന്നതിന് പിന്നാലെ കാവ്യയ്ക്ക് നേരെയും പോലീസ് അന്വേഷണം വ്യപിച്ചിരുന്നു.