ഒരാഴ്ച കൊണ്ട് കൊച്ചുണ്ണി ഞെട്ടിച്ചു! കോടികള്‍ വാരുമെന്ന് പറഞ്ഞാല്‍ ഇങ്ങനെയാണ്, മുരുകനെ തകര്‍ക്കും?

ആദ്യദിന കളക്ഷന്‍

കായംകുളം കൊച്ചുണ്ണിയുടെ റിലീസ് ദിവസമായ ഒക്ടോബര്‍ പതിനൊന്നിന് കേരള ബോക്‌സോഫീസില്‍ നിന്നും അഞ്ച് കോടി മൂന്ന് ലക്ഷം രൂപയായിരുന്നു ലഭിച്ചത്. അതേ സമയം ഗ്ലോബല്‍ ബോക്‌സോഫീസില്‍ 9.54 കോടിയോളമായിരുന്നു സിനിമയുടെ കളക്ഷന്‍. അടുത്ത കാലത്തായി റിലീസ് ദിവസം ഇത്രയും വലിയ നേട്ടം സ്വന്തമാക്കുന്ന മറ്റൊരു സിനിമ ഇല്ലെന്നുള്ളതാണ് വസ്തുത. കായംകുളം കൊച്ചുണ്ണി അവിടെയും പുതിയ ചരിത്രം സൃഷ്ടിച്ചിരിക്കുകയാണ്.

30 കോടിയിലേക്ക്

മൂന്ന് ദിവസം കൊണ്ട് 25 കോടി ക്ലബ്ബില്‍ എത്തിയ സിനിമ തൊട്ടടുത്ത ദിവസം 30 കോടിയിലെത്തിയിരിക്കുകയാണ്. നാല് ദിവസം കൊണ്ടാണ് 30 കോടി സ്വന്തമാക്കിയത്. ആദ്യ വീക്കെന്‍ഡ് കഴിയുമ്പോള്‍ ലോകത്ത് എല്ലായിടത്ത് നിന്നും 34 കോടിയോളമായിരുന്നു സിനിമയുടെ കളക്ഷന്‍.
മെഗാസ്റ്റാര്‍ നായകനായി അഭിനയിച്ച ദി ഗ്രേറ്റ് ഫാദറിന്റെ റെക്കോര്‍ഡായിരുന്നു കൊച്ചുണ്ണി മറികടന്നത. റിലീസ് ചെയ്ത ആഴ്ചയില്‍ ഏറ്റവുമധികം കളക്ഷന്‍ നേടിയ സിനിമയായിരുന്നു ഗ്രേറ്റ് ഫാദര്‍. 20 കോടിയോളമായിരുന്നു നാല് ദിവസം കൊണ്ട് ചിത്രം സ്വന്തമാക്കിയത്.

ഏഴ് ദിവസം കഴിയുമ്പോള്‍

ഒക്ടബോര്‍ പതിനെട്ട് എത്തുമ്പോള്‍ കായംകുളം കൊച്ചുണ്ണി റിലീസിനെത്തിയിട്ട് ഏഴ് ദിവസം കഴിഞ്ഞിരിക്കുകയാണ്. ഈ ദിവസങ്ങൡ നിന്നുമായി നാല്‍പത് കോടിയോളം രൂപയാണ് മറികടന്നിരിക്കുന്നത്. നിലവില്‍ വേര്‍ഡ് വൈഡ് കളക്ഷന്‍സ് നോക്കുമ്പോള്‍ 42 കോടിയാണ് ലഭിച്ചിരിക്കുന്നത്. മലയാള സിനിമയില്‍ തന്നെ ഇത്രയും വലിയ കളക്ഷന്‍ കുറഞ്ഞ ദിവസത്തിനുള്ളില്‍ സ്വന്തമാക്കിയ സിനിമയാണെന്നുള്ള നേട്ടം കായംകുളം കൊച്ചുണ്ണിയ്ക്ക് കിട്ടിയിരിക്കുകയാണ്.

കൊച്ചി മള്‍ട്ടിപ്ലെക്‌സില്‍

കൊച്ചി മള്‍ട്ടിപ്ലെക്‌സിലെ കൊച്ചുണ്ണിയുടെ റിലീസും ശ്രദ്ധേയമായിരുന്നു. റിലീസ് ദിവസം 62 ഷോ ആയിരുന്നു ഉണ്ടായിരുന്നത്. ഇതില്‍ നിന്നും ഇരുപത് ലക്ഷത്തിനടുത്ത് സ്വന്തമാക്കിയിരുന്നു. ഏട്ട് ദിവസങ്ങള്‍ കഴിയുമ്പോള്‍ 88 ലക്ഷമാണ് സിനിമയ്ക്ക് കൊച്ചി മള്‍ട്ടിപ്ലെക്‌സില്‍ നിന്നും ലഭിച്ചിരിക്കുന്നത്. രണ്ട് ദിവസത്തിനുള്ളില്‍ ഇവിടെ നിന്നും ഒരു കോടി ക്ലബ്ബിലെത്താന്‍ കഴിയുമെന്നാണ് പ്രതീക്ഷിക്കുന്നത്.

മള്‍ട്ടിപ്ലെക്‌സില്‍ മാത്രമല്ല

മള്‍ട്ടിപ്ലെക്‌സില്‍ മാത്രമല്ല തിരുവന്തപുരം ഏരിയപ്ലെക്‌സിലും സിനിമയ്ക്ക് വലിയ സ്വീകരണമായിരുന്നു ലഭിച്ചിരുന്നത്. ഏഴ് ദിവസം കൊണ്ട് 75.63 ലക്ഷമാണ് ഇവിടെ നിന്നും നേടിയത്. ഇതും വലിയൊരു റെക്കോര്‍ഡാണ്. ലോകത്ത് എല്ലായിടത്തും വമ്പന്‍ സ്വീകരണമായിരുന്നു സിനിമയ്ക്ക് ലഭിച്ചിരുന്നത്. മലയാള സിനിമയില്‍ പുതിയൊരു ചരിത്രം സൃഷ്ടിക്കാന്‍ വരും ദിവസങ്ങളിലൂടെ കൊച്ചുണ്ണിയ്ക്ക് സാധിക്കുമെന്നാണ് പ്രവചനങ്ങള്‍.