'സാവിത്രി'യാവാന്‍ തയ്യാറെടുത്ത് കീര്‍ത്തി സുരേഷ്, ശരീരഭാരം കുറയ്ക്കുന്നു !!

സാവിത്രിയാവാന്‍ ശരീരഭാരം കുറച്ച് കീര്‍ത്തി സുരേഷ്

സാവിത്രിയുടെ ചിത്രീകരണം ഇതിനോടകം തന്നെ ആരംഭിച്ചിരുന്നു. സാവിത്രിയുടെ ബാല്യകാലം അവതരിപ്പിക്കുന്നതിന് വേണ്ടിയാണ് താരം ശരീരഭാരം കുറയ്ക്കുന്നത്. വളരെ മെലിഞ്ഞതായി തോന്നുമെങ്കിലും സാവിത്രിയായെത്തുന്ന കീര്‍ത്തിയെ കാണാന്‍ പ്രത്യേക ഭംഗിയുണ്ടെന്ന അഭിപ്രായത്തിലാണ് ചിത്രത്തിന്റെ അണിയറ പ്രവര്‍ത്തകര്‍.

കീര്‍ത്തി സുരേഷിനോടൊപ്പം ദുല്‍ഖര്‍ സല്‍മാനും

മലയാളം, തമിഴ്,തെലുങ്ക് ഭാഷകളിലായി പുറത്തിറങ്ങുന്ന ചിത്രത്തില്‍ ജമിനി ഗണേശനായി വേഷമിടുന്നത് യുവതാരം ദുല്‍ഖര്‍ സല്‍മാനാണ്. ദുല്‍ഖറിന്റെ അന്യാഭാഷാ പ്രവേശനത്തെക്കുറിച്ച് മുന്‍പും വാര്‍ത്തകള്‍ പ്രചരിച്ചിരുന്നുവെങ്കിലും സ്ഥിരീകരിക്കുന്നത് ഇപ്പോഴാണ്.

അന്യഭാഷയില്‍ സജീവമായി കീര്‍ത്തി സുരേഷ്

പ്രിയദര്‍ശന്‍ സംവിധാനം ചെയ്ത ഗീതാഞ്ജലിയിലൂടെയാണ് കീര്‍ത്തി സുരേഷ് സിനിമയില്‍ തുടക്കം കുറിച്ചത്. പിന്നീട് ദിലീപ് ചിത്രമായ റിംഗ് മാസ്റ്ററിലും കീര്‍ത്തി വേഷമിട്ടു. പിന്നീട് അന്യഭാഷയിലേക്ക് പ്രവേശിച്ച താരത്തിനെ തേടി നിരവധി ഓഫറുകളാണ് എത്തിയത്. വിജയ്, ശിവകാര്‍ത്തികേയന്‍ എന്നിവര്‍ക്കു പുറമേ സൂര്യ, വിക്രം എന്നിവരുടെ ചിത്രത്തിലും താരം വേഷമിടുന്നുണ്ട്.

തെലുങ്ക് സിനിമയിലേക്ക് പ്രവേശിക്കുന്നു

സിനിമാ കുടുംബത്തിലെ ഇളം തലമുറക്കാരിയെ വളരെ പെട്ടെന്നാണ് സിനിമാലോകം സ്വീകരിച്ചത്. തുടക്കക്കാരിയെന്ന നിലയില്‍ വന്‍സ്വീകാര്യതയാണ് ചിത്രത്തിന് ലഭിച്ചത്. മറ്റു താരങ്ങളെപ്പോലും അസൂയപ്പെടുത്തുന്ന നേട്ടത്തിലേക്ക് താരം എത്തിയത് വളരെ പെട്ടെന്നാണ്.

പ്രധാന കഥാപാത്രമായി സാമന്തയും എത്തുന്നു

മഹാനദിയില്‍ മുഖ്യ കഥാപാത്രമായ സാവിത്രിയെ അവതരിപ്പിക്കുന്നതിനായി സംവിധായകന്‍ ആദ്യം പരിഗണിച്ചിരുന്നത് സാമന്തയെ ആയിരുന്നു. എന്നാല്‍ താരം ഈ ഓഫര്‍ സ്വീകരിച്ചില്ല പകരം പ്രധാനപ്പെട്ട വേഷം ചെയ്യാമെന്ന് സമ്മതിച്ചു. നിത്യാ മേനോനെയും ഈ കഥാപാത്രത്തെ അവതരിപ്പിക്കുന്നതിനായി സമീപിച്ചിരുന്നു.