ഒരു ഫ്ലാറ്റിൽ നിന്ന് ഇരുപത് ചപ്പാത്തി!! ആകെ 2000... ജീവിതം തിരിച്ചു പിടിക്കാനുള്ള വഴിയുമായി ഷാൻ

ആവശ്യങ്ങൾ കൂടുന്നു

ജനങ്ങൾക്ക് വിതരണം ചെയ്യാനുളള സാധനം കുറഞ്ഞു കൊണ്ട് ഇരിക്കുകയാണെന്ന് ഷാൻ റഹ്മാൻ പറഞ്ഞു. ഇനിയും ഒരുപാട് പേരെ സഹായിക്കാനുണ്ട്. ദിവസങ്ങൾ ചെല്ലുന്തോറും ആവശ്യങ്ങൾ കുറഞ്ഞു വരുമെന്നാണ് കരുതിയത്. എന്നാൽ ഇത് കുടുന്ന കാഴ്ചയാണ് കാണുന്നതെന്നും ഷാൻ പറഞ്ഞു.

റസ്റ്റോറന്റുകൾ സഹായത്തിന്

നിരവധി റസ്റ്റോറന്റുകൾ സഹായത്തിനായി എത്തിയിട്ടുണ്ട്. കഴിഞ്ഞ ദിവസം(19/8/2018) പതിനായിരത്തിലധികം ആളുകളാണ് ഭക്ഷണത്തിനായി എത്തിയത്. എന്നാൽ നമ്മളെ സഹായിക്കുന്ന റസ്റ്റോറന്റുകളിലെ സാധനം തീർന്നു കൊണ്ടിരിക്കുകയാണ്. തുടർച്ച് ഭക്ഷണം പാകം ചെയ്യുന്നതാണ് ഇതിനു കാരണമെന്നും ഷാൻ റഹ്മാൻ പറഞ്ഞു. എല്ലാവരും ചോദിക്കുന്നത് ഒരു പൊതി ഭക്ഷണം തരാമോ എന്നാണ്. വളരെ ബുദ്ധിമുട്ടുള്ള സമയമാണെന്നും നമുക്ക് എല്ലാവർക്കും ഒരുമിച്ച് നിന്ന് ഇതിനെ നേരിടാമെന്നു ഷാൻ പറയുന്നുണ്ട്.

പുതിയ ഐഡിയ

നമ്മുടെ ഓരോർത്തരുടെയും കുടുംബങ്ങളിൽ നിന്ന് ഇരുപത് ചപ്പാത്തി വീതം ഉണ്ടാക്കിയാൽ ഒരുരണ്ടായിരം ചപ്പാത്തി ലഭിക്കും. . കൊച്ചിയിലെ ഓരോ ഫ്ലാറ്റിൽ നിന്നും കുറച്ചു ഭക്ഷണം കിട്ടുകയാണെങ്കിൽ നിരവധി പേർക്ക് നമുക്ക് ഇത് എത്തിക്കുമെന്നും ഷാൻ പറഞ്ഞു. ഇൻഫോ പാർക്കിലെ ചില്ലാക്സിലേയ്ക്ക് സാധനങ്ങൾ എത്തിച്ചാൽ മതിയെന്നും അവിടെ നിന്നാണ് പലഭാഗത്തേയ്ക്കും ഭക്ഷണം കൊണ്ടു പോകുന്നതെന്നും ഷാനാ‍ റഹ്മാൻ പറയുന്നു.

ഒപ്പം നിൽക്കണം

എല്ലാവരും ഒപ്പം നിൽക്കണം എന്നുള്ള ഒരു അഭ്യർഥനമാത്രമാണ് ഉള്ളതെന്നും ഷാൻ ഫേസ്ബുക്ക് ലൈവിൽ പറഞ്ഞു. വിവിധ ക്യാംപുകളെ കുറിച്ചു കൃത്യമായ വിവരങ്ങൾ അറിയേണ്ടതുണ്ട്. കുറച്ചു വളണ്ടിയേഴ്സിനെ കൂടി ആവശ്യമുണ്ട്. ജനങ്ങളുടെ ജീവിതം പതുക്കെ പഴയ രീതിയിലേയ്ക്ക് മാറി കൊണ്ടിരിക്കുകയാണ്. നൽകിയ സഹായത്തിനെല്ലാം നന്ദിയുണ്ടെന്നും ഷാൻ റഹ്മാൻ പറഞ്ഞു.