Don't Miss!
- Finance ലാഭം നേടാൻ നല്ലത് ഈ റെയിൽവേ ഓഹരി, കുതിപ്പ് സർവ്വകാല റെക്കോർഡിലെത്തും, കൂടെക്കൂട്ടുന്നോ
- Automobiles ട്രക്കിടിച്ചിട്ടും കുലുങ്ങിയില്ല, യാത്രക്കാർ സേഫ്; ക്രാഷ് ടെസ്റ്റിന് മുമ്പേ കരുത്ത് തെളിയിച്ച് എക്സ്റ്റർ
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
പൊങ്കലിന് പൊടിപാറും !
ഇത്തവണത്തെ പൊങ്കലിന് തമിഴ് പ്രേക്ഷകര്ക്ക് പൊടപൂരമാണ്. സൂപ്പര്താരചിത്രങ്ങള് ഒന്നിച്ചാണ് പൊങ്കല് റിലീസായി എത്തുന്നത്. വമ്പന് പോരാട്ടത്തിനായിരിക്കും 2014ലെ പൊങ്കല് സാക്ഷ്യം വഹിയ്ക്കുക. മലയാളികളെ സംബന്ധിച്ചും ഈ പൊങ്കല് വിശേഷമാണ്. ഏറെക്കാലത്തിന് ശേഷം മോഹന്ലാലിന്റേതായി ഒരു തമിഴ് ചിത്രമെത്തുകയാണ്. ഒപ്പം വിജയുടെ സാന്നിധ്യവും.
രജനീകാന്തിന്റെ ആനിമേഷന് ചിത്രം കൊച്ചടിയാനാണ് പൊങ്കല് റിലീസുകളില് ഒന്ന്. ജനുവരി 10ന് ചിത്രം റിലീസ് ചെയ്യാന് ശ്രമിക്കുന്നതായിട്ടാണ് ഇപ്പോഴത്തെ വാര്ത്തകള്. നേരത്തേ കൊച്ചടിയാന് ഡിസംബറിര് രജനിയുടെ പിറന്നാള് ദിനത്തില് റിലീസ് ചെയ്യുമെന്നാണ് റിപ്പോര്ട്ടുകള് വന്നിരുന്നത്. എന്നാല് പൊങ്കലിനാണ് ചിത്രമെത്തുകയെന്നാണ് ഇപ്പോള് കേള്ക്കുന്നത്.
അജിത്ത്-വിജയ് പോരാട്ടത്തിനാകും പ്രധാനമായും പൊങ്കല് സാക്ഷ്യം വഹിയ്ക്കുക. തമിഴകത്തിന്റെ യുവസൂപ്പര്ഹീറോകളായ ഇവരുടെ പടങ്ങള് ഏറെനാളുകള്ക്ക് ശേഷമാണ് ഒരുമിച്ച് തിയേറ്ററുകളില് എത്താന് പോകുന്നത്. ശിവ സംവിധാനംചെയ്യുന്ന വീരത്തില് നരച്ച തല സ്റ്റൈലുമായിത്തന്നെയാണ് അജിത്ത് എത്തുന്നത്. ആരംഭത്തിന്റെ വിജയത്തിന്റെ പൊലിമ മാറുന്നതിന് മുമ്പേയാണ് വീരം എത്തുന്നത് എന്നകാര്യം അജിത്തിന് കൂടുതല് മൈലേജ് നല്കാന് സാധ്യതയുണ്ട്.
ജില്ലയുമായിട്ടാണ് വിജയുടെ വരവ്, ഒപ്പം മോഹന്ലാലിന്റെ സാന്നിധ്യം കൂടിയാകുമ്പോള് പൊങ്കല്ചിത്രങ്ങളില് ഏറ്റവും ശ്രദ്ധിക്കപ്പെടുന്ന ഒന്നായി ജില്ല മാറിയേയ്ക്കും. മോഹന്ലാല് ഉള്ളതിനാല്ത്തന്നെ കേരളത്തിലും ജില്ലയ്ക്ക് വന് സാധ്യതകളാണുള്ളത്. മൂന്ന് താരങ്ങളുടെയും ചിത്രങ്ങള് ഒരുമിച്ചെത്തുമ്പോള് തിയേറ്ററുകള് വീതംവെയ്ക്കാന് വലിയ ബുദ്ധിമുട്ട് നേരിട്ടേയ്ക്കുമെന്നാണ് വിതരണക്കാര് പലരും പറയുന്നത്. ഏറ്റവും കൂടുതല് സ്ക്രീനുകളില് ചിത്രം റീലീസ് ചെയ്യാനാണ് ഇക്കാലത്ത് ശ്രമം നടക്കുന്നത് എന്നതിനാല്ത്തന്നെ വിതരണക്കാര്ക്ക് ഇത് പ്രതിസന്ധി സൃഷ്ടിച്ചേയ്ക്കും.
പൊങ്കലിന് പൊടിപാറും !
അജിത്തും വിജയിയും തമിഴകത്ത് വലിയ ആരാധകക്കൂട്ടമുള്ള യുവതാരങ്ങളാണ്. ഇവരുടെ പല പടങ്ങളും പലപ്പോഴും ബോക്സ് ഓഫീസില് വന് ചലനങ്ങള് സൃഷ്ടിച്ചിട്ടുണ്ട്. എന്നിരുന്നാലും രജനിച്ചിത്രത്തിനൊപ്പം മത്സരിക്കേണ്ടിവരുകയെന്നത് എന്തായാലും അജിത്തിന്റെയും വിജയിയുടെയും ചിത്രത്തിന്റെ അണിയറക്കാരുടെ നെഞ്ചിടിപ്പ് കൂട്ടുന്നകാര്യമാണെന്നതില് സംശയമില്ല.
പൊങ്കലിന് പൊടിപാറും !
ജില്ലയെന്ന ചിത്രത്തിനായി തമിഴ് പ്രേക്ഷകരെപ്പോലെതന്നെ മലയാളികളും കാത്തിരിക്കുകയാണ്. വളരെക്കാലത്തിന് ശേഷം മുണ്ടുടുത്ത് മീശ പിരിച്ച് ലാല് എത്തുന്നുവെന്നത് തന്നെയാണ് ജില്ലയെ സംബന്ധിച്ച് മലയാളികളെ ഉത്സാഹത്തിലാക്കുന്നകാര്യം. മാത്രമല്ല മീശപിരിയ്ക്കുന്ന ലാലിന്റെ ഉഗ്രന് സ്റ്റണ്ട് സീനുകളും ചിത്രത്തിലുണ്ട്. അല്പം നരയും വെളുത്ത മുണ്ടും ഷര്ട്ടുമെല്ലാമായി മധുരയിലെ ഒരു പ്രഭുസമാനനായ കഥാപാത്രത്തെയാണ് ലാല് ചിത്രത്തില് അവതരിപ്പിക്കുന്നത്.
പൊങ്കലിന് പൊടിപാറും !
തലൈവയെന്ന ചിത്രം ചില്ലറ തലവേദനകളൊന്നുമല്ല വിജയിയ്ക്ക് ഉണ്ടാക്കിവച്ചത്. വിവാദങ്ങളും ചിത്രം റിലീസ് ചെയ്യാന് വൈകിയതുമെല്ലാം വന് നഷ്ടമാണ് ഈ ചിത്രത്തിന് വരുത്തിവച്ചത്. തടസങ്ങളെല്ലാം തരണം ചെയ്ത് റിലീസ് ചെയ്തുവെങ്കിലും ചിത്രം പ്രതീക്ഷിച്ച രീതിയില് സ്വീകരിക്കപ്പെട്ടുമില്ല. ഈ നഷ്ടം ജില്ലയിലൂടെ നികത്തുകയെന്നത് ഇളയദളപതിയെ സംബന്ധിച്ച് അത്യാവശ്യമായ കാര്യമാണ്.
പൊങ്കലിന് പൊടിപാറും !
ആരംഭമെന്ന ചിത്രം ഉണ്ടാക്കിയ തിരകള് തമിഴകത്ത് അടങ്ങിയിട്ടില്ല. ആത്മവിശ്വാസത്തോടെ നരച്ച തല ഒരു സ്റ്റൈലാക്കി മാറ്റി അജിത്ത് എത്തിയ ആരംഭം മികച്ച ചിത്രമെന്ന പേരെടുത്തിട്ടുണ്ട്. ഇതിന്റെ ഹാങ് ഓവര് മാറുന്നതിന് മുന്നേയാണ് വീരവും എത്താന് പോകുന്നത്. അജിത്തിന്റെ ആരാധകരെ തൃപ്തിപ്പെടുത്തുന്ന വിധത്തിലാണ് ശിവ വീരം സംവിധാനം ചെയ്തിരിക്കുന്നതെന്നാണ് സൂചന.
പൊങ്കലിന് പൊടിപാറും !
തമന്നയാണ് വീരത്തില് അജിത്തിന്റെ നായികയായി അഭിനയിക്കുന്നത്. മികച്ച ഗാനരംഗങ്ങള് ചിത്രത്തിലുണ്ടാകുമെന്നാണ് പ്രതീക്ഷിക്കപ്പെടുന്നത്.
പൊങ്കലിന് പൊടിപാറും !
കാജല് അഗര്വാളാണ് ജില്ലയില് വിജയുടെ നായികയായി എത്തുന്നത്. ചിത്രത്തിലെ ചില ഗാനരംഗങ്ങള് വിദേശത്താണ് ചിത്രീകരിച്ചിരിക്കുന്നത്. ലാലിന്റെ ഭാര്യാവേഷത്തില് പൂര്ണിമ ജയറാമും ചിത്രത്തില് അഭിനയിക്കുന്നുണ്ട്.
പൊങ്കലിന് പൊടിപാറും !
ദീപിക പദുകോണ് ആദ്യമായി തമിഴില് അഭിനയിക്കുന്നുവെന്ന പ്രത്യേകതയുമുണ്ട് രജനിയുടെ കൊച്ചടിയാന്. സൗന്ദര്യ അശ്വിന് സംവിധാനം ചെയ്യുന്ന ഈ ചിത്രത്തില് ശോഭനയും രുക്മിണി വിജയകുമാറും പ്രധാന വേഷത്തില് എത്തുന്നുണ്ട്.
പൊങ്കലിന് പൊടിപാറും !
മൂന്ന് പൊങ്കല് ചിത്രങ്ങളുടെയും ഓഡിയോ റിലീസ് ഡിസംബറിലാണ് നടക്കാന് പോകുന്നത്. വീരത്തിന്റേത് ഡിസംബര് 7നാണ് നടക്കുന്നത്. ജില്ലയുടെ ഓഡിയോ റിലീസ് ഡസംബര് 15നും കൊച്ചടിയാന്റേത് ഡിസംബര് 12നുമാണ് റിലീസ് ചെയ്യുക.
-
'പോകരുതെന്ന് ആര്യ പലവട്ടം പറഞ്ഞതാണ്, ആ ഉപദേശവും അനുഭവങ്ങളുമാകും സിബിനെ ക്വിറ്റ് ചെയ്യാൻ പ്രേരിപ്പിച്ചത്'
-
'വിവാഹം കഴിച്ചാൽ സ്വാതന്ത്ര്യം പോകും ആരുടെയെങ്കിലും നിയന്ത്രണമുണ്ടാകും, ഇപ്പോൾ ഇഷ്ടമുള്ളതുപോലെ ജീവിക്കാം'
-
'പാമ്പ് വന്നപ്പോൾ എല്ലാവരും ഓടി ചേട്ടൻ മാത്രം അവിടെ ഇരുന്നു, ഭൂമികുലുങ്ങിയാലും കുലുങ്ങില്ലെന്നത് ശരിയാണ്'