ബാലന്‍ വക്കീലായുളള ജനപ്രിയ നായകന്റെ വരവ്! ദിലീപ് ചിത്രത്തിന്റ ട്രെയിലര്‍ റിലീസ് ഡേറ്റ് പുറത്ത്!

വിക്കന്‍ വക്കിലായി ദിലീപ്

ഇത്തവണയും ഹാസ്യത്തിന് പ്രാധാന്യമുളള ഒരു ചിത്രവുമായിട്ടാണ് ജനപ്രിയ നായകന്‍ എത്തുന്നത്. സിനിമയുടെ ടീസര്‍ പ്രേക്ഷകരില്‍ പൊട്ടിച്ചിരിയുണര്‍ത്തികൊണ്ടായിരുന്നു പുറത്തുവന്നത്. ദിലീപ് ചിത്രത്തിനു വേണ്ട എല്ലാവിധ ഘടകങ്ങളും പുതിയ സിനിമയ്ക്കുമുണ്ടാകുമെന്നാണ് എല്ലാവരും പ്രതീക്ഷിക്കുന്നത്. ഏറെക്കാലത്തിനു ശേഷമാണ് വക്കീല്‍ വേഷത്തില്‍ ദിലീപ് എത്തുന്നത്. മുന്‍പ് രഞ്ജിത്ത് ശങ്കറിന്റെ പാസഞ്ചര്‍ എന്ന സിനിമയിലും ദിലീപ് വക്കീല്‍ വേഷത്തില്‍ എത്തിയിരുന്നു.

2കണ്‍ട്രീസ് ടീം

തിയ്യേറ്ററുകളില്‍ വന്‍വിജയമായ 2കണ്‍ട്രീസ് ടീം വീണ്ടുമൊന്നിക്കുന്ന ചിത്രം കൂടിയാണ് കോടതി സമക്ഷം ബാലന്‍ വക്കീല്‍, ദിലീപ്,മംമ്ത മോഹന്‍ദാസ്,അജു വര്‍ഗീസ്,സുരാജ് വെഞ്ഞാറമൂട്, ലെന തുടങ്ങിയവര്‍ വീണ്ടും പുതിയ ചിത്രത്തിലൂടെ ഒരുമിച്ച് എത്തുന്നു. ബി ഉണ്ണികൃഷ്ണന്‍ സംവിധാനം ചെയ്യുന്ന സിനിമയ്ക്കായി വലിയ പ്രതീക്ഷകളോടെയാണ് എല്ലാവരും കാത്തിരിക്കുന്നത്.

അവസാന ഘട്ട പോസ്റ്റ് പ്രൊഡക്ഷന്‍

ദിലീപിന്റെ ആരാധകര്‍ക്കൊപ്പം എല്ലാതരം പ്രേക്ഷകര്‍ക്കും ഇഷ്ടമാവുന്ന ഒരു ചിത്രമായിരിക്കും കോടതി സമക്ഷം ബാലന്‍ വക്കീല്‍ എന്നാണറിയുന്നത്. ചിത്രത്തിന്റെ അവസാന ഘട്ട പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിച്ചുകൊണ്ടിരിക്കുകയാണ്.എറണാകുളമായിരുന്നു ദിലീപ് ചിത്രത്തിന്റെ പ്രധാന ലൊക്കേഷന്‍. പ്രമുഖ ബോളിവുഡ് നിര്‍മ്മാണ കമ്പനിയായ വിയാകോം 18നാണ് കോടതി സമക്ഷം ബാലന്‍ വക്കീല്‍ നിര്‍മ്മിക്കുന്നത്

ടീസറിനു പിന്നാലെ ട്രെയിലറും

ടീസറിനു പിന്നാലെ ചിത്രത്തിന്റെ ട്രെയിലര്‍ റിലീസ് ഡേറ്റും അണിയറപ്രവര്‍ത്തകര്‍ പുറത്തുവിട്ടിരുന്നു. ജനുവരി 24ന് വൈകുന്നേരം ആറ് മണിക്കാണ് സിനിമയുടെ ട്രെയിലര്‍ പുറത്തിറങ്ങുന്നത്. കോടതി സമക്ഷം ബാലന്‍ വക്കീലിന്റെ ട്രെയിലറിനായി വലിയ ആകാംക്ഷകളോടെയാണ് ആരാധകര്‍ കാത്തിരിക്കുന്നത്. പതിവ് ദിലീപ് ചിത്രങ്ങള്‍ പോലെ ഇതുമൊരു വിരുന്നായിരിക്കുമെന്നും
എല്ലാവരും പ്രതീക്ഷിക്കുന്നു.

കാണൂ