അടുത്ത ട്വീറ്റുമായി കെആര്‍കെ, ബാഹുബലിയിലെ സസ്‌പെന്‍സ് ആദ്യഷോ അവസാനിക്കും മുന്‍പ് പുറത്തുവിടുമെന്ന് !

ട്വീറ്റിലൂടെ കുപ്രസിദ്ധി നേടി

പ്രമുഖ താരങ്ങള്‍ക്കെതിരെ അപകീര്‍ത്തികരമായ ട്വീറ്റുകള്‍ പോസ്റ്റ് ചെയ്ത് കുപ്രസിദ്ധി നേടിയ കെആര്‍കെ യെക്കുറിച്ച് മലയാളി പ്രേക്ഷകര്‍ അറിഞ്ഞു തുടങ്ങിയത് മോഹന്‍ലാലിനെതിരെയുള്ള പരാര്‍ശത്തോടെയാണ്. കാഴ്ചയില്‍ ഛോട്ടാഭീമിനെപ്പോലെയുള്ള മോഹന്‍ലാല്‍ എങ്ങനെ മഹാഭരാരതത്തില്‍ ഭീമനെ അവതരിപ്പിക്കുമെന്നായിരുന്നു കെആര്‍കെയുടെ ട്വീറ്റ്.

വ്യാപക പ്രതിഷേധവുമായി സോഷ്യല്‍ മീഡിയ

മലയാളികള്‍ക്ക് ഏറെ പ്രിയപ്പെട്ട മോഹന്‍ലാലിനെക്കുറിച്ച് ഇത്തരത്തില്‍ വിമര്‍ശനവുമായെത്തിയ കെആര്‍കെയുടെ ട്വിറ്റര്‍ ഫേസ് ബുക്ക് അക്കൗണ്ടുകള്‍ തേടിപ്പിടിച്ച് പ്രേക്ഷകര്‍ പ്രതിഷേധിച്ചിരുന്നു. എന്നാല്‍ തന്റെ നിലപാട് മാറ്റാതെ വീണ്ടും വിമര്‍ശനങ്ങള്‍ തുടരുകയായിരുന്നു കെആര്‍കെ.

ഒടുവില്‍ മാപ്പ് പറഞ്ഞു

മോഹന്‍ലാലിനെക്കുറിച്ച് യാതൊന്നും അറിയാതെയാണ് താന്‍ വിമര്‍ശിച്ചത്. താങ്കളെപ്പോലൊരാളെ ഛോട്ടാബീം എന്നു വിളിച്ചതില്‍ ക്ഷമ ചോദിക്കുന്നുെവന്നും പറഞ്ഞ് ട്വീറ്റുമായാണ് കെആര്‍കെ പിന്നീടെത്തിയത്.

ബാഹുബലിയിലെ സസ്‌പെന്‍സ് പുറത്തുവിടും

ബാഹുബലി സിനിമ ആദ്യ ഷോ കഴിയുന്നതിനു മുന്‍പ് തന്നെ കട്ടപ്പ എന്തിന് ബാഹുബലിയെ കൊന്നെന്ന രഹസ്യം താന്‍ പുറത്തിവിടുമെന്നാണ് കെആര്‍കെ ഇപ്പോള്‍ ട്വീറ്റ് ചെയ്തിട്ടുള്ളത്. പിന്നീട് സിനിമ കാണണോ വേണ്ടയോ എന്ന് നിങ്ങള്‍ക്കു തീരുമാനിക്കാമെന്നും ട്വീറ്റ് ചെയ്തിട്ടുണ്ട്.