രാജമ്മ യാഹു , കുഞ്ചാക്കോ ആസിഫ് ചിത്രത്തിന് പേരിട്ടു

കുഞ്ചാക്കോ ബോബനും ആസിഫ് അലിയും ഒന്നിക്കുന്ന രഘുരാമവര്‍മ്മ ചിത്രത്തിന് രാജമ്മ @ യാഹു എന്നു പേരിട്ടു. രാജമ്മ എന്ന പേരില്‍ അറിയപ്പെടുന്ന മൈക്കിള്‍ രാജമ്മയും യാഹു എന്ന പേരില്‍ അറിയപ്പെടുന്ന വിഷ്ണു യോഹന്നാനും സഹോദരങ്ങളാണ്.

ഈ സഹോദരങ്ങളായി എത്തുന്നത് കുഞ്ചാക്കോ ബോബനും ആസിഫ് അലിയുമാണ്. നിക്കി ഗല്‍റാണി, പാര്‍വതി നമ്പ്യാര്‍, അനുശ്രീ എന്നിവരാണ് നായികമാര്‍.

രണ്‍ജി പണിക്കര്‍, സുരാജ് വെഞ്ഞാറമൂട്, ഹരീഷ്, മാമുക്കോയ, കെപിഎസി ലളിത ത എന്നിവരാണ് മറ്റു താരങ്ങള്‍. ചിത്രത്തിന് തിരക്കഥ ഒരുക്കുന്നത് സിന്ധുരാജാണ്.

എം. ടി എം. വെല്‍ഫ്‌ളോ പ്രൊഡക്ഷന്‍സിന്റെ ബാനറില്‍ ഷൈന്‍ അഗസ്റ്റ്യന്‍, രമേശ് നമ്പ്യാര്‍, ബാബു ബെന്നി എന്നിവര്‍ ചേര്‍ന്നാണ് സിനിമ നിര്‍മ്മിക്കുന്നത്. ആഗസ്റ്റില്‍ ചിത്രത്തിന്റെ ഷൂട്ടിംഗ് ആരംഭിക്കും.