ഇസക്കുട്ടനെ മെസി ഫാനാക്കി വളര്‍ത്തണം! കുഞ്ചാക്കോ ബോബനോട് ആരാധകര്‍

പിറന്നാള്‍ ദിനത്തിലെ ഇസയുടെ ക്യൂട്ട് ചിത്രങ്ങളും ആരാധകര്‍ ഏറ്റെടുത്തിരുന്നു. നേരത്തെ എപ്രില്‍ മാസം തന്നെയായിരുന്നു ചാക്കോച്ചന്റെ വിവാഹ വാര്‍ഷികയും ഭാര്യ പ്രിയയുടെ പിറന്നാളും വന്നത്. ലോക് ഡൗണ്‍ സമയമായതിനാല്‍ വീട്ടില്‍ വെച്ച് തന്നെയായിരുന്നു ചാക്കോച്ചനും കുടുംബവും എല്ലാം ആഘോഷിച്ചത്. മുന്‍പ് ഇസ വന്നതിന് ശേഷം ജീവിതത്തിലുണ്ടായ മാറ്റങ്ങളക്കുറിച്ചെല്ലാം കുഞ്ചാക്കോ ബോബന്‍ മനസുതുറന്നിരുന്നു.

Recommended Video

സംവിധായകൻ സച്ചിയേ അവസാനമായി ഒരു നോക്ക് കാണാൻ എത്തി പൃഥ്വിയും മറ്റു താരങ്ങളും | FilmiBeat Malayalam

മകന്റെ വരവോടെ കരിയറില്‍ വലിയ മാറ്റമുണ്ടായെന്നും നിറയെ നല്ല കഥാപാത്രങ്ങളാണ് ലഭിക്കുന്നതെന്നും നടന്‍ തുറന്നുപറഞ്ഞിരുന്നു.
ലോക് ഡൗണ്‍ കാലത്ത് ബാഡ്മിന്റണ്‍ റാക്കറ്റിന് നേരെ കൈനീട്ടുന്ന ഇസക്കുട്ടന്റെ ചിത്രവും കുഞ്ചാക്കോ ബോബന്‍റെതായി വെെറലായിരുന്നു. ഇപ്പോഴിതാ ഫുട്‌ബോളുമായി നില്‍ക്കുന്ന ഇസയുടെ ക്യൂട്ട് ചിത്രവും സോഷ്യല്‍ മീഡിയയില്‍ തരംഗമായിരിക്കുകയാണ്.

ചാക്കോച്ചന്റെ പുതിയ ചിത്രത്തിന് പിന്നാലെ ഇസയെ മെസി ഫാന്‍ ആക്കി വളര്‍ത്തണമെന്ന ഉപദേശങ്ങളാണ് ആരാധകര്‍ മുന്നോട്ടുവെക്കുന്നത്. കൂടാതെ കുട്ടി ഇസ വളര്‍ന്നുപോയല്ലോ എന്നും ആരാധകര്‍ കമന്റ് ചെയ്തിരിക്കുന്നു. ഇസക്കുട്ടനും അപ്പനെ പോലെ സ്‌പോര്‍ട്‌സ് ഇഷ്ടപ്പെടുന്ന ആളാണെന്നാണ് ആരാധകര്‍ പറയുന്നത്.

കഴിഞ്ഞ വര്‍ഷം എപ്രിലിലാണ് ഇസഹാക്ക് ഇവരുടെ ജീവിതത്തിലേക്ക് എത്തിയത്. ഇസയുടെ മാമോദീസ ചടങ്ങും മറ്റുമെല്ലാം കുഞ്ചാക്കോ ബോബന്‍ ആഘോഷമാക്കി മാറ്റിയിരുന്നു. തിരക്കുകള്‍ക്കിടെയിലും മകന്റെ വിശേഷങ്ങളും ചിത്രങ്ങളും നടന്‍ പങ്കുവെക്കാറുണ്ട്. ഇസ വന്നതിന് പിന്നാലെയാണ് ചാക്കോച്ചന് അഞ്ചാം പാതിരയെന്ന ബ്ലോക്കബസ്റ്റര്‍ ചിത്രം ലഭിച്ചത്.

സിനിമ മികച്ച പ്രതികരണത്തോടൊപ്പം ചാക്കോച്ചന്റെ ആദ്യത്തെ അമ്പത് കോടി ചിത്രമായും മാറിയിരുന്നു. അഞ്ചാം പാതിര കഴിഞ്ഞും കൈനിറയെ ചിത്രങ്ങളാണ് ചാക്കോച്ചന്റെതായി അണിയറയില്‍ ഒരുങ്ങുന്നത്. ലോക് ഡൗണില്‍ വര്‍ക്കൗട്ടിന് വലിയ പ്രാധാന്യമാണ് ചാക്കോച്ചന്‍ നല്‍കിയത്. ബാഡ്മിന്റണ്‍ കളിക്കുന്നതിന്റെ ചിത്രങ്ങളെല്ലാം താരം എപ്പോഴും പങ്കുവെക്കാറുണ്ട്.