ഹോം

വാർത്ത

ഒരുകാലത്ത് ചോക്ലേറ്റ് ഹീറോയായി നിറഞ്ഞുനിന്നിരുന്ന താരമായിരുന്നു കുഞ്ചാക്കോ ബോബന്‍. സിനിമാകുടുംബത്തിലാണ് ജനിച്ചതെങ്കിലും കുട്ടിക്കാലത്തൊന്നും തന്നെ സിനിമ ആകര്‍ഷിച്ചിരുന്നില്ലെന്നും അഭിനയത്തോട് അത്ര താല്‍പര്യമൊന്നും ഇല്ലായിരുന്നുവെന്നും താരം പറഞ്ഞിരുന്നു. ആലപ്പുഴയുടെ അഭിമാനമായ ഫാസിലാണ് അനിയത്തിപ്രാവിലൂടെ താരപുത്രനെ മലയാളത്തിന് പരിചയപ്പെടുത്തിയത്. തുടക്കത്തിലെ ചോക്ലേറ്റ് ഹീറോ ഇമേജില്‍ നിന്നും മാറി ഏത് തരത്തിലുള്ള കഥാപാത്രത്തെയും അവതരിപ്പിക്കാന്‍ കഴിയുമെന്ന് താരം തെളിയിച്ചിരുന്നു.

കൂടെ അഭിനയിച്ച നടിയോട് പ്രണയം തോന്നിയിട്ടുണ്ട്! മോഹന്‍ലാലിന്റെ തുറന്നുപറച്ചില്‍ വൈറലാവുന്നു!

സോഷ്യല്‍ മീഡിയയില്‍ ഏറെ സജീവമായ താരമാണ് കുഞ്ചാക്കോ ബോബന്‍. ലാല്‍ ജോസ് ചിത്രമായ തട്ടിന്‍പുറത്ത് അച്യുതനിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്. സിനിമയ്ക്കിടയിലെ ലൊക്കേഷന്‍ ചിത്രങ്ങളും വീഡിയോയുമൊക്കെ സോഷ്യല്‍ മീഡിയയിലൂടെ വൈറലായിരുന്നു. അതിന് പിന്നാലെയായാണ് താരം തന്നെ തന്റെ പേജിലൂടെ രസകരമായ വീഡിയോയും പങ്കുവെച്ചത്. വിമാനം പറത്തുന്ന വീഡിയോയാണ് ഇപ്പോള്‍ പങ്കുവെച്ചത്. ലോക്കല്‍ സ്‌പേസ് എഞ്ചിനീയറായി മാറിയ തനിക്ക് മുന്നില്‍ നാസയൊക്കെ എന്ത് എന്നാണ് താരം കുറിച്ചിട്ടുള്ളത്.

താന്‍ പറത്തിയ വിമാനം എവിടെയാണെന്ന് താരം ചോദിക്കുമ്പോള്‍ അതിലൂടെ പോവുന്നുണ്ടെന്നും പറഞ്ഞ് പ്രിയയാണ് അത് കാണിച്ചുകൊടുത്തത്. സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ് ഇന്‍സ്റ്റഗ്രാം വീഡിയോ. ഇപ്പോഴും തന്റെയുള്ളില്‍ കൊച്ചുകുട്ടി ഉറങ്ങുന്നുണ്ടെന്ന് പറയാതെ പറയുകയാണ് താരം. എഞ്ചിനീയര്‍ പൊളിച്ചുവെന്നുള്ള കമന്റുകളുമായും ആരാധകരും രംഗത്തെത്തിയിട്ടുണ്ട്. സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുന്ന വീഡിയോ കാണാം.