മീശമാധവൻ: ദിലീപിന്റെ മീശപിരിയെക്കുറിച്ച് ലാൽ ജോസ് വെളിപ്പെടുത്തുന്നു

മലയാള സിനിമയിലെ എക്കാലത്തെയും വലിയ ഹിറ്റുകളിൽ ഒന്നാണ് ദിലീപ് നായകനായി, ലാൽ ജോസ് സംവിധാനം ചെയ്ത മീശ മാധവൻ. പ്രശസ്ത നടനെ സൂപ്പർ താര പദവിയിലേക്ക് ഉയർത്തിയ സിനിമ കൂടിയാണ് അത്. മീശമാധവനിലെ ദിലീപിന്റെ മീശപിരി ഓർക്കുമ്പോൾ ലാൽ ജോസ് ആദ്യം ഓർക്കുന്നത് പേടിയാണ്. "ദിലീപ് മീശ പിരിച്ചാൽ ആളുകൾ കൂവും" എന്ന് പലരും പറഞ്ഞുവെങ്കിലും, ലാൽ ജോസ് ആ റിസ്ക് എടുക്കാൻ തയ്യാറായി. ആ വിശ്വാസം തെറ്റിയില്ലെന്ന് കാലം തെളിയിച്ചു.

ലാൽ ജോസ് തൻ്റെ സിനിമകൾ ആരെയും പ്രിവ്യൂ ചെയ്യിക്കാറില്ല. എന്നാൽ ആദ്യ സിനിമയായ 'മറവത്തൂർ കനവ്' ചെന്നൈയിൽ പ്രിവ്യൂ ചെയ്തു. അന്ന് വലിയ സംവിധായകരും, നിർമ്മാതാക്കളും, നടന്മാരുമൊക്കെ ഉണ്ടായിരുന്നു. സിനിമയെക്കുറിച്ച് നല്ല അഭിപ്രായമാണ് ലഭിച്ചത്. എസ്. ശ്രീനിവാസന്റെ സ്ക്രിപ്റ്റ് മോശമാകാൻ വഴിയില്ലെന്ന് എല്ലാവർക്കും അറിയാമായിരുന്നു.

'മീശമാധവൻ' ഒരു സ്റ്റാറിന് പെർഫോം ചെയ്യാൻ പറ്റിയ എല്ലാ സ്കോപ്പുമുള്ള തിരക്കഥയായിരുന്നു. അന്ന് ദിലീപ് ചെറിയൊരു നടനായിരുന്നു. മമ്മൂട്ടി, മോഹൻലാൽ, സുരേഷ് ഗോപി തുടങ്ങിയ നായകന്മാർ നിറഞ്ഞുനിന്ന കാലത്ത്, ദിലീപിനെ നായകനാക്കിയത് ഒരു പരീക്ഷണമായിരുന്നു. കാരണം, ദിലീപ് അത് വരെ ഹീറോയിസമുള്ള കഥാപാത്രങ്ങൾ ചെയ്തിരുന്നില്ല. അത്തരം വേഷങ്ങളിൽ നടനെ ആരും അത് വരെ സങ്കല്പിച്ചിട്ടു പോലുമില്ല.

സല്ലാപം എന്ന സിനിമയാണ് ദിലീപിനെ കൂടുതൽ ജനപ്രിയനാക്കിയത്. അതിനുമുമ്പ് ഒരുപാട് സിനിമകൾ ചെയ്തിട്ടുണ്ടെങ്കിലും സല്ലാപം ദിലീപിന് ഫാമിലി ഓഡിയൻസിനെ നേടിക്കൊടുത്തു. സല്ലാപത്തിൽ ദിലീപ് നെഗറ്റീവ് ഷെയ്ഡുള്ള പ്രണയിച്ച പെൺകുട്ടിയെ നിഷ്കരുണം ഉപേക്ഷിക്കുന്ന കഥാപാത്രമായിരുന്നു.

മീശമാധവൻ ചെയ്യുന്ന സമയത്ത്, രഞ്ജൻ പ്രമോദിനോട് ലാൽ ജോസ് തമാശയായി മീശയെക്കുറിച്ച് പറയുന്നുണ്ടായിരുന്നു. അന്ന് മോഹൻലാൽ മീശ പിരിച്ച് അഭിനയിക്കുന്ന കാലമായിരുന്നു. അത്തരം ടെക്നിക്കുകൾ സിനിമയിൽ ഉപയോഗിച്ചു. മീശ പിരിക്ക് ഒരു സ്പെഷ്യൽ മ്യൂസിക് വരെ ആ സിനിമയിൽ ഉണ്ടായിരുന്നു. എന്തായാലും, കള്ളൻ മാധവനും, ആരെയെങ്കിലും നോക്കി മീശ പിരിച്ചാൽ അയാളുടെ വീട്ടിൽ കേറി മോഷ്ടിക്കുന്ന നായകന്റെ സ്വഭാവവും, പ്രേക്ഷകർ ഏറെ ആസ്വദിച്ചു.

ക്ലാസ്മേറ്റ്സിലെ ഫ്രൂട്ട് ബി.ജി.എം കേൾക്കുമ്പോൾ, നമ്മൾ അറിയാതെ ഒരു ഗൃഹാതുരത്വത്തിലേക്ക് പോകും. കോളേജ് കാലം ഓർമ്മിച്ച്, ആ കാലം ഇനിയില്ലല്ലോ എന്നോർത്ത് വിഷമിക്കും. ഒരു സിനിമയുടെ ബാക്ഗ്രൗണ്ട് സ്കോറിനെക്കുറിച്ച് കൃത്യമായ ബോധ്യം സംവിധായകന് ഉണ്ടാകണം.

എം.ടി സാർ 'നീലത്താമര' കഴിഞ്ഞപ്പോൾ പറഞ്ഞ ഒരു കാര്യമുണ്ട്, തിരക്കഥയിൽ നിന്ന് സിനിമ ഉയരണം. അവിടെയാണ് ഒരു ഡയറക്ടറുടെ പ്രസക്തി. ഒരു നല്ല തിരക്കഥയെ മോശം സംവിധായകന് നശിപ്പിക്കാൻ കഴിയും. എന്നാൽ ഒരു മോശം തിരക്കഥയെ നല്ല സംവിധായകന് രക്ഷിക്കാനാവില്ല.