മഹേഷിന്റെ പ്രതികാരത്തിലൊക്കെ ഭയങ്കര ഡ്രാമയാണ്! റിയലിസ്റ്റിക്ക് ചിത്രങ്ങള്‍ക്കെതിരെ ലാല്‍ജോസ്‌

മഹേഷിന്റെ പ്രതികാരത്തില്‍ പോലും

റിയലിസ്റ്റ് സിനിമകള്‍ എന്ന് പറയുന്നത് തന്നെ തട്ടിപ്പാണെന്നാണ് ലാല്‍ജോസ് പറയുന്നത്. സിനിമ പക്ക റിയലിസ്റ്റിക്ക് ആയാല്‍ ഡോക്യൂമെന്ററി ആയി പോവും എന്നും റിയലിസ്റ്റിക്ക് ആണെന്ന് തോന്നിപ്പിക്കുന്ന രീതിയിലുളള അഭിനയവും അവതരണവും ആണ് ഇന്ന് മലയാള സിനിമയില്‍ കാണുന്നതെന്നും സംവിധായകന്‍ പറഞ്ഞു. നാച്ചുറല്‍ സിനിമ ആയി ആഘോഷിക്കപ്പെട്ട മഹേഷിന്റെ പ്രതികാരത്തില്‍ പോലും ഭയങ്കര ഡ്രാമയുണ്ടെന്നും ലാല്‍ ജോസ് പറയുന്നു.

നെഗറ്റീവ് ഷേഡുളള നായകകഥാപാത്രങ്ങളെ

ഇന്നത്തെ സിനിമയുടെ സീനുകളുടെയും കഥാപാത്രങ്ങളുടെയും ഘടനയില്‍ ചില മാറ്റങ്ങള്‍ വന്നിട്ടുണ്ടെന്നും നെഗറ്റീവ് ഷേഡുളള നായകകഥാപാത്രങ്ങളെ ഡയമണ്ട് നെക്ലേസ് പോലുളള ചിത്രങ്ങളിലൂടെ താന്‍ നേരത്തെ പ്രേക്ഷകര്‍ക്കും മുന്‍പില്‍ അവതരിപ്പിച്ചിട്ടുണ്ടെന്നും ലാല്‍ജോസ് പറയുന്നു. ആ ചിത്രത്തില്‍ നായകനായ ഫഹദ് ഫാസില്‍ തന്നെ ആയിരുന്നു വില്ലന്‍ എന്നും പാടി പുകഴ്ത്താന്‍ ആരും ഉണ്ടായില്ലെന്നും ലാല്‍ജോസ് പറയുന്നു.

മോശം പ്രകടനത്തില്‍ സഹികെട്ടാണ്

തന്റെ രണ്ടാം ഭാവം, രസികന്‍ പോലുളള ചിത്രങ്ങള്‍ ഇന്നായിരുന്നു വരേണ്ടതെന്നും നെഗറ്റീവ് ഷേഡ് ഉണ്ടെങ്കിലും സര്‍വ്വ ഗുണ സമ്പന്നരായ നായക കഥാപാത്രങ്ങളെ ആണ് ഇന്നും മലയാള സിനിമ ആഘോഷിക്കുന്നതെന്നും ലാല്‍ജോസ് അഭിമുഖത്തില്‍ പറഞ്ഞു. സംവിധാന സഹായിയായി പ്രവര്‍ത്തിക്കുന്ന കാലത്ത് അഭിനയിക്കാനെത്തുന്നവരുടെ മോശം പ്രകടനത്തില്‍ സഹികെട്ടാണ് അഭിനയിക്കാന്‍ തുടങ്ങിയതെന്നും ലാല്‍ജോസ് പറഞ്ഞു

ഡയറക്ഷനില്‍നിന്നും പുറത്തായാലും

കാലം മാറുകയാണ് ഡയറക്ഷനില്‍നിന്നും പുറത്തായാലും കഞ്ഞികുടിക്കാന്‍ എന്തെങ്കിലും മാര്‍ഹം കാണേണ്ടേ അഭിനയം തുടരുന്നത് അതിനുളള തയ്യാറെടുപ്പായി കാണാമെന്നും ലാല്‍ ജോസ് അഭിമുഖത്തില്‍ വ്യക്തമാക്കി. അതേസമയം തട്ടും പുറത്ത് അച്യൂതനായിരുന്നു ലാല്‍ജോസിന്റെതായി ഒടുവില്‍ പുറത്തിറങ്ങിയ സിനിമ. കുഞ്ചാക്കോ ബോബന്‍ നായകവേഷത്തില്‍ എത്തിയ സിനിമ തിയ്യേറ്ററുകളില്‍നിന്നും സമ്മിശ്ര പ്രതികരണമാണ് നേടിയിരുന്നത്.