Click it and Unblock the Notifications
ശ്രീനിയുടെ വാടകക്കൊലയാളിയുമായി ലാല്ജോസ്
ശ്രീനിവാസന്റെ തിരക്കഥയില് മമ്മൂട്ടിയെ നായകനാക്കിയൊരുക്കിയ മറവത്തൂര് കനവ് ഹിറ്റായതോടെ മോളിവുഡിലെ പ്രമുഖരുടെ നിരയിലേക്ക് ലാല്ജോസ് ഉയര്ന്നു. 12 കൊല്ലങ്ങള്ക്ക് ശേഷം ശ്രീനിയുടെ തിരക്കഥയില് വീണ്ടുമൊരു സിനിമ സംവിധാനം ചെയ്യാനൊരുങ്ങുകയാണ് ലാല്ജോസ്. ഒരിടവേളയ്ക്ക ശേഷം ശ്രീനി തൂലികയെടുക്കുന്ന ചിത്രമെന്ന പ്രത്യേകതയും ലാല്ജോസ് സിനിമയ്ക്കുണ്ടാവും.
വാടകക്കൊലയാളി എന്ന് പേരിട്ടിരിയ്ക്കുന്ന ചിത്രത്തിന്റെ കഥയും തിരക്കഥയും സംഭാഷണവും നിര്വഹിയ്ക്കുന്ന ശ്രീനിവാസന് തന്നെ. ദാമര് സിനിമയുടെ ബാനറില് സന്തോഷ് ദാമറാണ് ചിത്രം നിര്മിയ്ക്കുന്നത്. ചിത്രത്തിന്റെ താരനിര്ണയം പൂര്ത്തിയായി വരുന്നു.
പൃഥ്വിരാജ്, നരേന്, സംവൃത, റോസ്, രമ്യ എന്നിവര് പ്രധാനകഥാപാത്രങ്ങളാവുന്ന അയാളും ഞാനും തമ്മില് എന്ന ചിത്രത്തിന്റെ ഷൂട്ടിങ് പൂര്ത്തിയാക്കുന്ന തിരക്കിലാണ് ലാല്ജോസ്. ഇതിന് ശേഷം ഒക്ടോബറില് മമ്മൂട്ടി നായകനാവുന്ന ഇമ്മാനുവലിന്റെ ജോലികള് ആരംഭിയ്ക്കും. എസി വിജീഷ് തിരക്കഥയൊരുക്കുന്ന ചിത്രം നിര്മിയ്ക്കുന്നത് മമ്മൂട്ടിയുടെ തന്നെ പ്ലേഹൗസാണ്. ഇതിന് ശേഷം അടുത്തവര്ഷമാദ്യത്തോടെ വാടകക്കൊലയാളിയുടെ ഷൂട്ടിങ് ആരംഭിയ്ക്കാനാണ് ലാല്ജോസിന്റെ പ്ലാന്.
Continue with Google