ലൂസിഫറിലെ ലാലേട്ടന്റെ സന്തതസഹചാരി എമ്പൂരാനിലുണ്ടോ? രണ്ടാം വരവിൽ ലാൻഡ് മാസ്റ്റർക്ക് പകരം ആര് !!

കറുത്ത ആംബാസിഡർ ലാൻഡ് മാസ്റ്റർ

ലൂസിഫറിനോടൊപ്പം klt 666 എന്ന് കറുത്ത ലാൻഡ് മാസ്റ്റർ അംബാസിഡർ കാറും പ്രേക്ഷകരുടെ മനസ്സിൽ പതിഞ്ഞിരുന്നു. ചിത്രത്തിന്റെ ആദ്യം മുതൽ അവസാനവ ഭാഗം വരെ ലാലേട്ടനെ പോലെ ലാൻഡ് മാസ്റ്ററും താരമായിരുന്നു. നടൻ നന്ദുവിന്റെ കാറായിരുന്നു അത്. വാഹന പ്രേമികളുടെ ഇടയിൽ ലാൻഡ് മാസ്റ്റർ താരമാകുകയും ചെയ്തിരുന്നു. എമന്നാൽ രണ്ടാം ഭാഗം വരുമ്പോൾ ലാൻഡ് മാസ്റ്റർ ഉണ്ടാകുമോ? അല്ലെങ്കിൽ പകരം എന്ത്? എന്നുള്ള നിരവധി ചോദ്യമാണ് ഉയരുന്നത്.

അംബാസിഡർ കാർ ഉണ്ടെങ്കിൽ സൂപ്പർ ഹിറ്റ്

ലൂസിഫർ കൂടാതെ മാടമ്പി എന്ന ചിത്രത്തിലും ലാലേട്ടനോടൊപ്പം കറുത്ത അംബാസിഡർ കാറുണ്ടായിരുന്നു. മാടമ്പി ബോക്സോഫീസിൽ വൻ വിജയമായിരുന്നു. മാടമ്പി ശേഷം ലൂസിഫറിലും ലാലേട്ടന്റെ വാഹനം അംബാസിഡർ കാറായിരുന്നു. . 666 എന്ന ചെകുത്താൻ നമ്പറുളള കാറ് കറുത്ത ആംബാസിഡർ ലാൻഡ് മാസ്റ്റർ ഇപ്പോൾ സിനിമ പ്രേമികളുടെ ഇടയിൽ മാത്രമല്ല വാഹന പ്രേമികളുടെ ഇടയിലും താരമാണ്.

എമ്പൂരാൻ

മോഹൻലാലിന്റെ കൊച്ചിയിലെ വസതിയിൽ വെച്ചാണ് ചിത്രത്തിനെ കുറിച്ചുളള പ്രഖ്യാപനം നടന്നത്, മോഹൻലാൽ, മുരളി ഗോപി, ആന്റണി പെരുമ്പാവൂർ എന്നിവരുടെ സാന്നിധ്യത്തിലായിരുന്നു പൃഥ്വിരാജ് ചിത്രത്തിനെ കുറിച്ചുളള പ്രഖ്യാപനം നടത്തിയത്,സീക്വല്‍ ആണെന്നുകരുതി ലൂസിഫറില്‍ കണ്ടതിന്റെ തുടര്‍ച്ച മാത്രമല്ല ചിത്രത്തില്‍ ഉണ്ടാവുകയെന്നും പല കഥാപാത്രങ്ങളുടെയും മുന്‍കാലവും പറയുന്ന ചിത്രമായിരിക്കും വരികയെന്നും പൃഥ്വിരാജും മുരളി ഗോപിയും പത്ര സമ്മേളനത്തിൽ പറഞ്ഞു. ലൂസിഫറിന്റെ വിജയമായതിനാലാണ് രണ്ടാംഭാഗം യാഥാര്‍ത്യമാക്കാന്‍ കാരണമെന്നും ഇവർ കൂട്ടിച്ചേർത്തു,.

മലയാള സിനിമയുടെ വിപണി

ലൂസിഫര്‍ ആലോചിക്കുമ്പോള്‍ മലയാളത്തില്‍ 30 കോടി ബജറ്റുള്ള ഒരു ചിത്രം എന്നത് ചിന്തിക്കുക ബുദ്ധിമുട്ടായിരുന്നു. പക്ഷേ ലൂസിഫര്‍ നേടിയ വിജയത്തിന്റെ വലിപ്പം മലയാളസിനിമയുടെ വിപണി തന്നെയാണ് വലുതാക്കിയിരിക്കുന്നത്. കുറച്ചുകൂടി വലിയ കാന്‍വാസ് വേണ്ട സിനിമയാണ് ലൂസിഫറിന്‍രെ സീക്വല്‍. ഇത് സാധ്യമാവുന്നത് ലൂസിഫര്‍ വലിയ വിജയം നേടിയതുകൊണ്ടാണ്', പൃഥ്വിരാജ് പറഞ്ഞു.