എ സര്‍ട്ടിഫിക്കറ്റോടുകൂടെ ലില്ലി വരുന്നു, ഇത് പെണ്ണിന്റെ അതിജീവനത്തിന്റെ കഥ!!

അതിജീവനത്തിന്റെ കഥ

പെണ്ണിന് നേരെ നടക്കുന്ന കടന്ന് കയറ്റത്തിന്റെയും അതില്‍ നിന്നുള്ള അവളുടെ അതിജീവനത്തിന്റെയും കഥയാണ് ലില്ലി എന്ന് ചിത്രത്തിന്റെ ടീസറില്‍ നിന്നും വ്യക്തമാണ്. സംവിധായകന്‍ തന്നെയാണ് ചിത്രത്തിന്റെ തിരക്കഥയും ഒരുക്കിയിരിയ്ക്കുന്നത്.

പുതുമുഖങ്ങള്‍

പുതുമുഖ താരങ്ങളാണ് കേന്ദ്ര കഥാപാത്രങ്ങളായി എത്തുന്നത് എന്നതാണ് ചിത്രത്തിന്റെ മറ്റൊരു പ്രത്യേകത. സംയുക്ത മേനോന്‍, ധനേഷ് ആനന്ദ്, കണ്ണന്‍ നായര്‍, ആര്യന്‍ മേനോന്‍, സജിന്‍ ചെറുകയില്‍, കെവിന്‍ ജോസ് തുടങ്ങിയവരാണ് ചിത്രത്തില്‍ പ്രധാന വേഷത്തില്‍ എത്തുന്നത്.

ഒരു കുടുംബം ചിത്രം തന്നെ!!

എ സര്‍ട്ടിഫിക്കറ്റ് ലഭിച്ചു എന്നതുകൊണ്ട് ഇതൊരു കുടുംബ ചിത്രമല്ല എന്നാരും തെറ്റിദ്ധരിയ്ക്കരുത്. ഇന്നത്തെ പശ്ചാത്തലത്തില്‍ സമൂഹത്തിലെവിടെയും ഇത്തരമൊരു സംഭവം സംഭവിച്ചേക്കാം. ഒരു ഷോക്കിങ് ത്രില്ലര്‍ ഗണത്തില്‍ പെടുത്താവുന്ന ചിത്രമാണ് ലില്ലി..

ഇത് കണ്ടു നോക്കൂ..

ചിത്രത്തിന്റെ മൂഡ് എതാണെന്ന് മനസ്സിലാക്കാന്‍ ഈ ടീസര്‍ ഒന്ന് കണ്ടുനോക്കൂ. ഒരുമിനിട്ട് 33 സെക്കന്റ് ദൈര്‍ഘ്യമുള്ള ഈ ടീസറില്‍ നിന്ന് അറിയാം ചിത്രം വേറെ ലെവലാണ് എന്ന്. സെപ്റ്റംബര്‍ 7 ന് ലില്ലി റിലീസ് ചെയ്യും.