മെഗാസ്റ്റാര്‍ ചിത്രം ഉണ്ട കണ്ട് ഡിജിപി ലോക്‌നാഥ് ബെഹ്‌റയും! പോലീസ് മേധാവി പറഞ്ഞത് കാണൂ

ഉണ്ടയുടെ വിജയം

അനുരാഗ കരിക്കിന്‍ വെളളത്തിന് ശേഷം ഖാലിദ് റഹ്മാന്‍ സംവിധാനം ചെയ്ത സിനിമ കൂടിയായിരുന്നു ഉണ്ട. യഥാര്‍ത്ഥ സംഭവകഥയെ ആസ്പദമാക്കി സംവിധായകന്‍ അണിയിച്ചൊരുക്കിയ സിനിമ കൂടിയായിരുന്നു ഇത്. പ്രേക്ഷകര്‍ക്ക് അമിത പ്രതീക്ഷകള്‍ നല്‍കാതെ എത്തിയ ചിത്രം തിയ്യേറ്ററുകളില്‍ തരംഗമായി മാറിയിരുന്നു. അവതരിപ്പിച്ച പ്രമേയത്തിന്റെ പ്രാധാന്യം കൊണ്ടായിരുന്നു ഉണ്ട ശ്രദ്ധിക്കപ്പെട്ടിരുന്നത്. ടൈറ്റില്‍ പുറത്തുവിട്ട സമയം കളിയാക്കിയവര്‍ക്കെല്ലാം വായടിപ്പിക്കുന്ന മറുപടിയായിരുന്നു വിജയത്തിലൂടെ സിനിമ നല്‍കിയത്.

ബോക്‌സ് ഓഫീസ് കളക്ഷന്‍

ഒരിടവേളയ്ക്ക് ശേഷം പോലീസ് കഥാപാത്രമായി തിരിച്ചെത്തിയ മമ്മൂക്കയ്ക്ക് ഇത്തവണയും ശ്രദ്ധേയ പ്രകടനം കാഴ്ചവെക്കാന്‍ സാധിച്ചിരുന്നു. സബ് ഇന്‍സ്‌പെക്ടര്‍ മണികണ്ഠന്‍ എന്ന റോളിലായിരുന്ന സിനിമയില്‍ മമ്മൂക്ക എത്തിയിരുന്നത്. മെഗാസ്റ്റാറിനൊപ്പം ചിത്രത്തില്‍ എത്തിയ യുവതാരങ്ങളും ശ്രദ്ധേയ പ്രകടനം തന്നെ ചിത്രത്തില്‍ കാഴ്ചവെച്ചു. ഛത്തീസ് ഗഢിലെ മാവോയിസ്റ്റ് എരിയകളില്‍ ഇലക്ഷന്‍ ഡ്യൂട്ടിക്കായി പോയ പോലീസ് സംഘത്തിന്റെ കഥയായിരുന്നു സിനിമ പറഞ്ഞത്.

ലോക്‌നാഥ് ബെഹ്‌റ സിനിമ കണ്ടു

കഴിഞ്ഞ ദിവസം മമ്മൂട്ടി ചിത്രം കണ്ട് ഡിജിപി ലോക്‌നാഥ് ബെഹ്‌റ പറഞ്ഞ കാര്യങ്ങള്‍ ശ്രദ്ധേയമായി മാറിയിരുന്നു. കഴിഞ്ഞ ദിവസം തിരുവനന്തപുരം നടന്ന പ്രത്യേക പ്രദര്‍ശനം കാണാനായിട്ടാണ് അദ്ദേഹം എത്തിയിരുന്നത്. ലോക്‌നാഥ് ബെഹ്‌റയ്‌ക്കൊപ്പം ഉന്നത പോലീസ് ഉദ്യോഗസ്ഥരും എത്തിയിരുന്നു. പോലീസുകാരുടെ കഥ പറയുന്ന ചിത്രമായതിനാലാണ് അദ്ദേഹം സിനിമ കാണാനായി എത്തിയിരുന്നത്.

യാഥാര്‍ത്ഥ്യങ്ങളുമായി ചേര്‍ന്നുനില്‍ക്കുന്നതാണ്

ഒട്ടും നാടകീയമല്ലാതെ യാഥാര്‍ത്ഥ്യങ്ങളുമായി ചേര്‍ന്നുനില്‍ക്കുന്നതാണ് ഉണ്ടയെന്ന് ലോക്‌നാഥ് ബെഹ്‌റ പറഞ്ഞു. വളരെ റിയലസ്റ്റിക്കായാണ് ചിത്രം കഥ പറയുന്നതെന്നും പോലീസ് ഉദ്യോഗസ്ഥരുടെ ജീവിതത്തിലൂടെ കടന്നുപോകുന്ന യഥാര്‍ത്ഥ സംഭവങ്ങളാണ് ചിത്രത്തില്‍ കാണിച്ചിരിക്കുന്നതെന്നും അദ്ദേഹം മാധ്യമങ്ങള്‍ക്ക് മുന്‍പാകെ പറഞ്ഞു.

മമ്മൂട്ടിയുടെ പ്രകടനം

മമ്മൂട്ടിക്കൊപ്പം നിരവധി യുവതാരങ്ങളും അണിനിരന്ന ചിത്രത്തില്‍ അര്‍ജുന്‍ അശോകന്‍, ഷൈന്‍ ടോം ചാക്കോ, ലൂക്ക്മാന്‍ തുടങ്ങിയവരും ശ്രദ്ധേയ പ്രകടനം നടത്തിയിരുന്നു. കൃഷ്ണന്‍ സേതുകുമാറായിരുന്നു സിനിമ നിര്‍മ്മിച്ചിരുന്നത്. ഏറെ നാള്‍ മുന്‍പ് വന്ന ഒരു പത്രവാര്‍ത്തയായിരുന്നു സിനിമയെടുക്കാന്‍ അണിയറ പ്രവര്‍ത്തകര്‍ക്ക് പ്രചോദനമായി മാറിയിരുന്നത്. കൃത്യമായ റിസേര്‍ച്ചിനും തയ്യാറെടുപ്പുകള്‍ക്കും ശേഷമായിരുന്നു ഉണ്ട അണിയറ പ്രവര്‍ത്തകര്‍ പൂര്‍ത്തിയാക്കിയിരുന്നത്.