മമ്മൂട്ടിക്കിത് ചരിത്ര വിജയം! ബോക്സോഫീസ് രാജയുടെ കുതിപ്പ് തുടരുന്നു! ഇതുവരെ നേടിയത്? കാണൂ!

രണ്ടാം വാരത്തിലേക്ക്

പ്രഖ്യാപനവേള മുതല്‍ത്തന്നെ വാര്‍ത്തകളില്‍ നിറഞ്ഞുനിന്ന സിനിമയായിരുന്നു മധുരരാജ. രാജയുടെ ഇത്തവണത്തെ വരവിന് പിന്നിലെ പ്രത്യേകതകളെക്കുരിച്ചറിയാനായി കാത്തിരിക്കുകയായിരുന്നു ആരാധകര്‍. സിനിമയുടെ പോസ്റ്ററും ലൊക്കേഷന്‍ ചിത്രങ്ങളുമൊക്കെ ക്ഷണനേരം കൊണ്ടാണ് വൈറലായി മാറിയത്. ഏപ്രില്‍ 12ന് റിലീസ് ചെയ്ത സിനിമ രണ്ടാം വാരത്തിലേക്ക് കടന്നിരിക്കുകയാണ് ഇപ്പോള്‍. രണ്ടാംവാരത്തിലേക്ക് കടക്കുന്നതുമായി ബന്ധപ്പെട്ട് സ്‌പെഷല്‍ പോസ്റ്ററുകള്‍ പുറത്തിറക്കിയിരുന്നു. കേരളത്തില്‍ 265 തിയേറ്ററുകളിലും വകേരളത്തിന് പുറത്ത് 285 സ്‌ക്രീനിലുമായാണ് സിനിമ പ്രദര്‍ശിപ്പിക്കുന്നതെന്നുള്ള വിവരവും അണിയറപ്രവര്‍ത്തകര്‍ പങ്കുവെച്ചിരുന്നു.

ഹൗസ് ഫുള്‍ പ്രദര്‍ശനങ്ങള്‍

ഹൗസ് ഫുള്‍ എന്ന ബോര്‍ഡുമായാണ് മധുരരാജ പ്രദര്‍ശിപ്പിക്കുന്നത്. ടിക്കറ്റ് ലഭിക്കാത്തതിന്റെ നിരാശ പങ്കുവെച്ചും ആരാധകരെത്തിയിരുന്നു. കുട്ടികളുടെ സ്വന്തം താരമാണ് രാജ. രാജയെക്കാണാനായി കുടുംബ പ്രേക്ഷകരും എത്തുന്നുണ്ട്. അഡ്വാന്‍സ് ബിക്കിംഗുകള്‍ നേരത്തെ തന്നെ പൂര്‍ത്തിയായെന്ന വിവരും തിയേറ്ററുടമകള്‍ പങ്കുവെച്ചിരുന്നു. പലയിടങ്ങളിലും എക്‌സട്രാ ഷോയും സംഘടിപ്പിച്ചിരുന്നു. കലക്ഷനില്‍ മാത്രമല്ല പ്രദര്‍ശനത്തിലും റെക്കോര്‍ഡുമായാണ് രാജയുടെ കുതിപ്പ്.

ബെംഗലുരുവിലെ പ്രകടനം

ബെംഗലുരുവില്‍ നിന്നും സിനിമയ്ക്ക് ഗംഭീര അഭിപ്രായങ്ങളാണ് ലഭിച്ചുകൊണ്ടിരിക്കുന്നത്. മികച്ച സ്വീകാര്യതയുമായി കുതിക്കുകയാണ് ചിത്രം. 7ാം ദിനത്തില്‍ 29 പ്രദര്‍ശനങ്ങളിലൂടെ 4.39 ലക്ഷമാണ് ചിത്രത്തിന് ലഭിച്ചത്. ഇതുവരെയായി ഇവിടെ നിന്നും 71.55 ലക്ഷമാണ് ചിത്രത്തിന് ലഭിച്ചിട്ടുള്ളത്. മമ്മൂട്ടിയുടെ കരിയറിലെ തന്നെ ഹൈയസ്റ്റ് ഗ്രോസറായി മാറിക്കൊണ്ടിരിക്കുകയാണ് ഈ സിനിമ.

തമിഴ്‌നാട്ടില്‍ നിന്നും സ്വന്തമാക്കിയത്

മധുരയില്‍ നിന്നുമെത്തിയ രാജ കേരളക്കര മാത്രമല്ല തമിഴകവും ഇരുകൈയ്യും നീട്ടി സ്വീകരിച്ചിരുന്നു. തമിഴ്‌നാട്ടില്‍ നിന്നും ആദ്യവാരത്തില്‍ 53 ലക്ഷമാണ് സിനിമയ്ക്ക് ലഭിച്ചതെന്നുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്. ഭാഷാഭേദമന്യേ മുന്നേറുന്ന മമ്മൂട്ടിയുടെ മാസ്സിനെ തമിഴകവും മികച്ച രീതിയില്‍ത്തന്നെയാണ് സ്വീകരിച്ചത്. മുന്‍ചിത്രമായ അബ്രഹാമിന്റെ സന്തതികളെ വെട്ടിയാണ് സിനിമയുടെ കുതിപ്പ്. ആദ്യാവരത്തില്‍ അബ്രഹാമിന് ലഭിച്ചത് 37 ലക്ഷമായിരുന്നു.

കൊച്ചി മള്‍ട്ടിപ്ലക്‌സില്‍ നിന്നും നേടിയത്

രാജയും പിള്ളേരും സ്‌ട്രോംഗാണ്, ട്രിപ്പിള്‍ സ്‌ട്രോംഗെന്ന മമ്മൂട്ടിയുടെ ഡയലോഗിന് നിറഞ്ഞ കൈയ്യടിയായിരുന്നു ലഭിച്ചത്. കൊച്ചി മള്‍ട്ടിപ്ലക്‌സില്‍ നിന്നും കഴിഞ്ഞ ദിവസം 4.26 ലക്ഷമാണ് ചിത്രത്തിന് ലഭിച്ചത്. 90.45 ശതമാനമായിരുന്നു ഒക്യുപെന്‍സി. ഇതുവരെയായി ഇവിടെ നിന്നും 37. 07 ലക്ഷമാണ് ചിത്രത്തിന് ലഭിച്ചത്. ആദ്യവാരത്തില്‍ കൊച്ചിയിലെ സിംഗിള്‍സില്‍ നിന്നും 34.72 ലക്ഷമാണ് സിനിമ സ്വന്തമാക്കിയതെന്ന റിപ്പോര്‍ട്ടുകളും പുറത്തുവന്നിട്ടുണ്ട്. സരിത തിയേറ്ററില്‍ നിന്നും മികച്ച വിജയമാണ് സിനിമയ്ക്ക് ലഭിച്ചുകൊണ്ടിരിക്കുന്നത്.

തിരുവനന്തപുരത്തെ പ്രകടനം

തലസ്ഥാനത്തുനിന്നും മികച്ച സ്വീകരണമായിരുന്നു മധുരരാജയക്ക് ആദ്യംമുതല്‍ ലഭിച്ചത്. ബോക്‌സോഫീസില്‍ നിന്നും മികച്ച കലക്ഷന്‍ സ്വന്തമാക്കിയാണ് ചിത്രം കുതിക്കുന്നത്. ട്രിവാന്‍ഡ്രം പ്ലക്‌സില്‍ നിന്നും 44.84 ലക്ഷമാണ് ചിത്രത്തിന് ലഭിച്ചതെന്നുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്. തലസ്ഥാനത്തെ സിംഗിള്‍സില്‍ നിന്നും ചിത്രത്തിന് 63 ലക്ഷമാണ് ലഭിച്ചതെന്നുള്ള റിപ്പോര്‍ട്ടുകളും പുറത്തുവന്നിട്ടുണ്ട്.

കാര്‍ണിവല്‍ സിനിമാസിലെ പ്രകടനം

കാര്‍ണിവല്‍ സിനിമാസിലും മധുരരാജ തിളങ്ങി നില്‍ക്കുകയാണ്. ആദ്യവാരം പിന്നിടുന്നതിനിടയില്‍ത്തന്നെ 1 കോടി നേട്ടത്തിനടുത്തെത്തി നില്‍ക്കുകയാണ് സിനിമ. 85 ലക്ഷമായിരുന്നു ഇവിടെ നിന്നും സിനിമ കഴിഞ്ഞയാഴ്ച സ്വന്തമാക്കിയതെന്നുള്ള റിപ്പോര്‍ട്ടുകളാണ് പുറത്തുവന്നത്. അധികം വൈകാതെ തന്നെ ഒരുകോടി നേട്ടവും സിനിമയെത്തേടിയെത്തുമെന്ന വിലയിരുത്തലുകളും പുറത്തുവന്നിരുന്നു. അതിവേഗം 1 കോടി നേട്ടം അധികം വൈകാതെ തന്നെ രാജയെ തേടിയെത്തും.

മമ്മൂട്ടിയോ മോഹന്‍ലാലോ?

മമ്മൂട്ടിയും മോഹന്‍ലാലും മുഖാമുഖം പോരാടുന്നത് ഇതാദ്യമായല്ല. വര്‍ഷങ്ങള്‍ക്ക് മുന്‍പ് ഇരുവരും ഒരുമിച്ച് സിനിമകളുമായി എത്തുന്ന പതിവുണ്ടായിരുന്നു. ബോക്സോഫീസില്‍ പുതുചലനം സൃഷ്ടിച്ചാണ് ഇരുവരും മുന്നേറാറുള്ളത്. മധുരരാജയ്ക്ക് മുന്‍പ് മാര്‍ച്ച് 28നായിരുന്നു ലൂസിഫര്‍ എത്തിയത്. ബോക്സോഫീസിലെ സകലമാന റെക്കോര്‍ഡുകളും തന്‍റെ പേരിലാക്കിയാണ് ചിത്രം കുതിക്കുന്നത്. ഇതിനകം തന്നെ സിനിമ 100 കോടി നേട്ടം സ്വന്തമാക്കിയിരുന്നു.