കാത്തിരിപ്പിന് വിരാമമിട്ട് മധുര രാജയുടെ ഫസ്റ്റ്‌ലുക്ക് നാളെ! പ്രഖ്യാപനവുമായി സംവിധായകന്‍ വൈശാഖ്!കാണൂ

മധുര രാജയുടെ വരവ്

പോക്കിരി രാജയ്ക്ക് ശേഷമെത്തുന്ന മധുര രാജയില്‍ രാഷ്ട്രീയ നേതാവായിട്ടാണ് മമ്മൂക്ക എത്തുന്നതെന്ന് നേരത്തെ റിപ്പോര്‍ട്ടുകള്‍ വന്നിരുന്നു. സിനിമയുടെ ഷൂട്ടിംഗിനായി വെച്ച ഫ്‌ളക്‌സുകളുടെ ചിത്രങ്ങള്‍ വൈറലായതോടെ ആയിരുന്നു ഇക്കാര്യം ആരാധകര്‍ ഉറപ്പിച്ചത്. പഴയ ഗെറ്റപ്പിലൊന്നും വ്യത്യാസമില്ലാതെയാണ് മമ്മൂക്ക ഇത്തവണയും എത്തുന്നത്. മധുര രാജയിലെ മമ്മൂക്കയുടെ ലൂക്കിന് മികച്ച അഭിപ്രായങ്ങളായിരുന്നു സോഷ്യല്‍ മീഡിയയില്‍ ലഭിച്ചിരുന്നത്.

വൈശാഖിന്റെ സംവിധാനം

വൈശാഖ് തന്നെയാണ് ഇത്തവണയും പോക്കിരി രാജയ്ക്ക് രണ്ടാം ഭാഗവുമായി എത്തുന്നത്. പുലിമുരുകന് ശേഷം വൈശാഖിന്റെതായി അണിയറയില്‍ ഒരുങ്ങുന്ന ചിത്രം കൂടിയാകും മധുര രാജ. മമ്മൂക്കയുടെ പ്രകടനത്തിനൊപ്പം വൈശാഖിന്റെ മേക്കിങ്ങും മധുര രാജയില്‍ എല്ലാവരും ഉറ്റുനോക്കുന്നൊരു കാര്യമാണ്. പുലിമുരുകന്‍ പോലെ പുതിയ ചിത്രവും ബ്രഹ്മാണ്ഡമായി തന്നെയാണ് വൈശാഖ് ഒരുക്കുന്നതെന്നാണ് അറിയുന്നത്.

പീറ്റര്‍ ഹെയ്ന്‍

പീറ്റര്‍ ഹെയ്‌ന്റെ സംഘന രംഗങ്ങളും മധുര രാജയുടെ മുഖ്യ ആകര്‍ഷണമായി മാറും. ചിത്രത്തിനു വേണ്ടി ദിവസങ്ങളോളം നീളുന്ന ആക്ഷന്‍ രംഗങ്ങളാണ് ഷൂട്ട് ചെയ്യുന്നത്. മമ്മൂക്കയുടെ ആക്ഷന്‍ രംഗങ്ങള്‍ ആരാധകരെ ഒന്നടങ്കം ആവേശം കൊള്ളിക്കുമെന്നും അറിയുന്നു. പുലിമുരുകനു ശേഷം വൈശാഖും പീറ്റര്‍ ഹെയ്‌നും വീണ്ടുമൊന്നിക്കുന്ന ചിത്രം കൂടിയാണ് മധുര രാജ.

ഫസ്റ്റ്‌ലുക്ക് നാളെ

അതേസമയം മധുര രാജയുടെ ഫസ്റ്റ്‌ലുക്ക് പോസ്റ്റര്‍ നാളെ പുറത്തിറങ്ങുമെന്നുളള വിവരമായിരുന്നു സമൂഹ മാധ്യമങ്ങളില്‍ പുറത്തിറങ്ങിയിരുന്നത്. സംവിധായകന്‍ വൈശാഖ് തന്നെയായിരുന്നു ഈ വിവരം തന്റെ ഫേസ്ബുക്ക് പേജിലൂടെ അറിയിച്ചിരുന്നത്. നാളെ വൈകീട്ട് 6.30ന് ഫസ്റ്റ്‌ലുക്ക് പുറത്തിറങ്ങുമെന്നാണ് സംവിധായകന്‍ അറിയിച്ചിരിക്കുന്നത്.

തിയ്യേറ്ററുകളുടെ ചാര്‍ട്ടിംഗ്

മധുര രാജയ്ക്കായി തിയ്യേറ്ററുകളുടെ ചാര്‍ട്ടിംഗ് ആരംഭിച്ചതായും നേരത്തെ റിപ്പോര്‍ട്ടുകള്‍ വന്നിരുന്നു. ഇത്തവണയും വമ്പന്‍ റിലീസായിട്ടാകും മമ്മൂക്ക ചിത്രം തിയ്യേറ്ററുകളിലേക്ക് എത്തുക. പോക്കിരി രാജയില്‍നിന്നും വ്യത്യസ്തമായി ടെക്നിക്കലി കൂടുതല്‍ മികച്ച പരീക്ഷണങ്ങള്‍ ചിത്രത്തിലുണ്ടാകുമെന്നും റിപ്പോര്‍ട്ടുകള്‍ വന്നു. കുടുംബങ്ങള്‍ക്കും കുട്ടികള്‍ക്കും ആരാധകര്‍ക്കും ഒരു പോലെ രസിക്കുന്ന തരത്തിലാണ് ചിത്രം എത്തുകയെന്ന് സംവിധായകന്‍ തന്നെ നേരത്തെ വ്യക്തമാക്കിയിരുന്നു.

വെെശാഖിന്റെ പോസ്റ്റ്