രാജവാഴ്ച തുടങ്ങി! മമ്മൂട്ടിയുടെ അള്‍ട്രാമാസ്സ് കിടുക്കി! ആദ്യ ദിനത്തിലെ കലക്ഷന്‍ പുറത്ത്! കാണൂ!

പലയിടങ്ങളിലും എക്‌സ്ട്രാ ഷോ

പോക്കിരിരാജയെ പ്രേക്ഷകര്‍ ഇരുകൈയ്യും നീട്ടി സ്വീകരിച്ചിരുന്നു. ഇപ്പോഴിതാ മധുരരാജയേയും കേരളക്കര ഏറ്റെടുത്തിരിക്കുകയാണ്. ആദ്യ പ്രദര്‍ശനത്തിന് ശേഷം ഗംഭീരമാണെന്ന് അഭിപ്രായം വന്നതോടെ പലയിടങ്ങളിലേയും തിരക്ക് വര്‍ധിക്കുകയായിരുന്നു. വൈകുന്നേരത്തെ പ്രദര്‍ശനങ്ങളിലെല്ലാം ഹൗസ് ഫുള്‍ ബോര്‍ഡുകളായിരുന്നുവെന്ന് വ്യക്തമാക്കി ആരാധകരും എത്തിയിരുന്നു. 100 ലധികം ഷോകളാണ് ഇത്തരത്തില്‍ തിരക്ക് കാരണം കൂട്ടിയത്.

നിറഞ്ഞ സദസ്സുകളില്‍

മലയാള സിനിമയുടെ അഭിമാന താരങ്ങളിലൊരാളായ മമ്മൂട്ടി പ്രേക്ഷക പിന്തുണയുടെ കാര്യത്തിലും സ്വീകാര്യതയിലുമൊക്കെ ഏറെ മുന്നിലാണ്. തുടക്കം മുതല്‍ത്തന്നെ അദ്ദേഹത്തിന്റെ സിനിമ വാര്‍ത്തകളില്‍ നിറഞ്ഞുനില്‍ക്കാറുമുണ്ട്. മധുരരാജ സ്റ്റൈലിലുള്ള വേഷവുമായി തിയേറ്ററുകളിലേക്കെത്തിയവരുമുണ്ടായിരുന്നു. തമാശയും ഫൈറ്റും ഗാനവുമൊക്കെയായി പ്രേക്ഷകരെ രസിപ്പിക്കാനുള്ള ചേരുവകളെല്ലാം ചിത്രത്തിലുണ്ടായിരുന്നു.

കൊച്ചി മള്‍ട്ടിപ്ലക്‌സിലെ പ്രകടനം

കൊച്ചി മള്‍ട്ടിപ്ലക്‌സില്‍ നിന്നും 5.7 ലക്ഷം രൂപയാണ് സിനിമയ്ക്ക് ലഭിച്ചിട്ടുള്ളതെന്ന റിപ്പോര്‍ട്ടുകളാണ് പുറത്തുവന്നിട്ടുള്ളത്. 16 ഷോകളായിരുന്നു മധുരരാജയ്ക്കുണ്ടായിരുന്നത്. 13 ഷോകളും ഹൗസ് ഫുളായിരുന്നു. വിഷു അവധിയും വാരാന്ത്യവും ഒരുമിച്ചെത്തുന്നതോടെ തിരക്ക് ഇരട്ടിക്കുമെന്നാണ് പൊതുവിലുള്ള വിലയിരുത്തല്‍. ആദ്യദിനത്തിലെ കലക്ഷനെക്കുറിച്ചുള്ള ഔദ്യോഗിക റിപ്പോര്‍ട്ടുകള്‍ പുറത്തുവരാനായി കാത്തിരിക്കുകയാണ് ആരാധകര്‍.

തിരുവനന്തപുരത്തുനിന്നും സ്വന്തമാക്കിയത്

85.59% ഒക്യുപെന്‍സിയോടെ 9 ലക്ഷമാണ് ചിത്രത്തിന് ട്രിവാന്‍ഡ്രം മള്‍ട്ടിപ്ലക്‌സില്‍ നിന്നും ലഭിച്ചതെന്നുള്ള വിവരമാണ് പുറത്തുവന്നിട്ടുള്ളത്. മോശമല്ലാത്ത തുടക്കം തന്നെയാണ് ഇവിടെ നിന്നും സിനിമയ്ക്ക് ലഭിച്ചിട്ടുള്ളത്. വരുംദിനങ്ങളില്‍ തിരക്ക് കൂടുന്നതോട് കൂടി ബോക്‌സോഫീസില്‍ രാജ ആധിപത്യം സ്ഥാപിക്കുമെന്നാണ് ആരാധകരും പറയുന്നത്.

സ്വന്തമാക്കുന്ന റെക്കോര്‍ഡുകള്‍

ബോക്‌സോഫീസില്‍ നിന്നും നിരവധി റെക്കോര്‍ഡുകള്‍ സ്വന്തമാക്കിയ താരമാണ് മമ്മൂട്ടി. 3 ഭാഷകളിലായി 3 സൂപ്പര്‍ഹിറ്റ് ചിത്രങ്ങളാണ് അദ്ദേഹത്തിന്റേയി പുറത്തുവന്നിട്ടുള്ളത്. മലയാളത്തില്‍ മാത്രമല്ല തമിഴിലും തെലുങ്കിലേക്കുമൊക്കെ എത്തിയപ്പോഴും സ്വീകാര്യതയുടെ കാര്യത്തില്‍ ഏറെ മുന്നിലായിരുന്നു അദ്ദേഹം. പേരന്‍പിനും യാത്രയ്ക്കും ശേഷമാണ് അദ്ദേഹം രാജയായി എത്തിയിട്ടുള്ളത്. ഫ്‌ളക്‌സിബിലിറ്റിയുടെ കാര്യത്തില്‍ താരങ്ങള്‍ അദ്ദേഹത്തെ മാതൃകയാക്കണമെന്നായിരുന്നു ആരാധകര്‍ പറഞ്ഞത്.

ആക്ഷന്‍ രംഗങ്ങളിലെ പ്രകടനം

പീറ്റര്‍ ഹെയ്ന്‍ തന്നെ വല്ലാതെ വെള്ളം കുടിപ്പിച്ചിരുന്നുവെന്നും പല രംഗങ്ങളും പൂര്‍ത്തിയായതിന് ശേഷമാണ് അതിന്റെ ബുദ്ധിമുട്ടുകളെക്കുറിച്ച് അറിഞ്ഞതെന്നും മമ്മൂട്ടി പറഞ്ഞിരുന്നു. തമാശയും കളിയും ചിരിയുമൊക്കെയായാണ് പീറ്റര്‍ ഹെയ്ന്‍ സെറ്റില്‍ ഇടപഴകുന്നത്. ആരാധകരെ ത്രസിപ്പിക്കുന്ന തരത്തിലുള്ള സിനിമ തന്നെയാണ് ഇതെന്നും അദ്ദേഹത്തെപ്പോലൊരു താരത്തിന്റെ ആരാധകരെന്ന നിലയില്‍ നിങ്ങള്‍ക്ക് അഭിമാനിക്കാമെന്നും പീറ്റര്‍ ഹെയ്ന്‍ പറഞ്ഞിരുന്നു. മമ്മൂട്ടിയെ കഷ്ടപ്പെടുത്തിയതിന് പരസ്യമായി ക്ഷമാപണവും ചോദിച്ചിരുന്നു.