ലൂസിഫറിന് പിന്നാലെ മധുരരാജയും!! പ്രേക്ഷകർക്ക് സർപ്രൈസുമായി ഏപ്രിൽ 5 ന് അബുദാബിയിൽ

മധുരാജയുടെ ട്രെയിലർ

ഏപ്രിൽ അഞ്ചിന് വിപുലമായ ചടങ്ങുകളോടെയാണ് ട്രെയിലർ ലോഞ്ച് നടക്കുക. ദുബായ് അൽ വഹ്ദ മാളിൽവെച്ച് ഏപ്രിൽ അ‍ഞ്ച് ഇന്ത്യൻ സമയം രാത്രി 7.30 നാണ് പരിപാടി. ട്രെയിലർ ലോഞ്ചിന് മുന്നോടിയായി വൈകിട്ട് നാലുമണിയ്ക്ക് ബുർജ് ഖലീഫയിൽ പത്രസമ്മേളനം സംഘടിപ്പിച്ചിട്ടുണ്ട് .ലൂസിഫറിന്റെ ട്രെയിലർ ലോഞ്ചും അബുദാബിയിലായിരുന്നു. ട്രെയിലർ ലോഞ്ചിനോട് അനുബന്ധിച്ച് വിപുലമായ പരിപാടികളാണ് സംഘടിപ്പിച്ചിരിക്കുന്നത്.

ആഘോഷമാക്കി ഏപ്രിൽ 12

ഏപ്രിൽ 12 നാണ് മധുര രാജ കേരളത്തിൽ റിലീസിനെത്തുന്നത്. അതേ ദിവസം തന്നെയാണ് യുഎഇയിലും ജിസിസിയിലും ചിത്രം പ്രദർശനത്തിനെത്തുക. വൻ റിലീസാണ് കേരളത്തിൽ ചിത്രത്തിനായി ഒരുക്കിയിരിക്കുന്നത്. 180 ൽ പരം സ്ക്രീനുകളിലാണ് മധുര രാജ പ്രദർശനത്തിനെത്തുന്നത്. ഇതിനു മുൻപ് ചിത്രത്തിന്റെ ടീസറിനും പുറത്തു വന്ന പോസ്റ്ററിനും വൻ പ്രേക്ഷക ശ്രദ്ധയായിരുന്നു ലഭിച്ചിരുന്നത്. കൂടാതെ പോക്കിരിരാജ ജനങ്ങളിൽ സൃഷ്ടിച്ച ഹൈപ്പ് ഇതുവരെ മാറിയിട്ടില്ല.

രണ്ടാം ഭാഗം മിന്നിക്കും

ആദ്യ ഭാഗത്തെ പോലെ രണ്ടാം ഭാഗത്തിലും വൻ താരയാണ് അണിനിരക്കുന്നത്. മമ്മൂട്ടിയുടെ അനിയനായി തെന്നിന്ത്യൻ താരം ജയ് ആണ് എത്തുന്നത്. നെടുമുടി വേണു,സലീംകുമാര്‍,ജയ്,അജു വര്ഗീസ്,രമേഷ് പിഷാരടി,കലാഭവന്‍ ഷാജോണ്‍, നോബി, അനുശ്രീ,ഷംന കാസിം,മഹിമ നമ്പ്യാര്‍,അന്ന രാജന്‍ എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. മധുരരാജയിൽ നാലു നായികമാരാണുള്ളത്. ചിത്രത്തിന്റെ റിലീസിന് മുന്നോടിയായി പുറത്തു വിട്ട് ക്യാരക്ടർ പോസ്റ്റർ പ്രേക്ഷകർക്കിടയിൽ വൻ ശ്രദ്ധ നേടിയിരുന്നു.

മാസ് ചിത്രം

സൂപ്പർ ഡ്യൂപ്പർ ഹിറ്റ് ചിത്രമായ പുലിമുരുകന് ശേഷം വൈശാഖ് സംവിധാനം ചെയ്യുന്ന ചിത്രമാണ് മധുര രാജ. പോക്കിരാജ കുട്ടികളേയും മുതിർന്നവരേയും ഒരുപോലെ കയ്യിലെടുത്തിരുന്നു. കൂടാതെ മമ്മൂക്കയുടെ മാസ് പ്രകടനം ചിത്രത്തിലേയ്ക്ക് അടുപ്പിക്കുന്ന മറ്റൊരു സംഗതിയാണ്. ആദ്യ ഭാഗത്തെ പോലെ ഉദയ കൃഷ്ണയുടെ തിരക്കഥയിൽ വൈശാഖ് തന്നെയാണ് ചിത്രം സംവിധാനം ചെയ്യുന്നത്. നെൽസൺ ഐപ്പാണ് ചിത്രം നിർമ്മിക്കുന്നത്.