ഇനി വിരലിൽ എണ്ണാവുന്ന ദിവസങ്ങൾ!! പ്രേക്ഷകർക്ക് സർപ്രൈസുമായി മമ്മൂക്കയും മധുര രാജ ടീം...

ട്രെയിലർ റിലീസ്

ഇത്തവണത്തെ അവധിക്കാലം ആഘോഷമാക്കാനാണ് മധുരാജയും ടീം എത്തുന്നത്. ഏപ്രിൽ 12 ന് ചിത്രം തിയേറ്ററുകളിൽ എത്തുന്നത്. ഇപ്പോഴിത ചിത്രത്തിന്റെ ട്രെയിലർ ലോഞ്ച് പ്രഖ്യാപിച്ചിരിക്കുകയാണ് മധുരാജ ടീം. ഏപ്രിൽ 5 വൈകുന്നേരം 7 ‌മണിയ്ക്ക് അബുദാബിയിലെ അൽ-വഹ്ദ മാളിലാണ് ട്രെയിലർ ലോഞ്ച് നടക്കുക. ചിത്രത്തിന്റെ ടീസറിനും പുറത്തു വന്ന പോസ്റ്ററിനും വൻ പ്രേക്ഷക ശ്രദ്ധയായിരുന്നു ലഭിച്ചിരുന്നു. കൂടാതെ പോക്കിരിരാജ ജനങ്ങളിൽ സൃഷ്ടിച്ച ഹൈപ്പ് ഇതുവരെ മാറിയിട്ടില്ല.

റിലീസ് തകർക്കും

ഏപ്രിൽ 12 നാണ് മധുര രാജ കേരളത്തിൽ റിലീസിനെത്തുന്നത്. അതേ ദിവസം തന്നെയാണ് യുഎഇയിലും ജിസിസിയിലും ചിത്രം പ്രദർശനത്തിനെത്തുക. വൻ റിലീസാണ് കേരളത്തിൽ ചിത്രത്തിനായി ഒരുക്കിയിരിക്കുന്നത്. 180 ൽ പരം സ്ക്രീനുകളിലാണ് മധുര രാജ പ്രദർശനത്തിനെത്തുന്നത്.

വൻ താരനിര

ആദ്യ ഭാഗത്തെ പോലെ രണ്ടാം ഭാഗത്തിലും വൻ താരയാണ് അണിനിരക്കുന്നത്. മമ്മൂട്ടിയുടെ അനിയനായി തെന്നിന്ത്യൻ താരം ജയ് ആണ് എത്തുന്നത്. നെടുമുടി വേണു,സലീംകുമാര്‍,ജയ്,അജു വര്ഗീസ്,രമേഷ് പിഷാരടി,കലാഭവന്‍ ഷാജോണ്‍, നോബി, അനുശ്രീ,ഷംന കാസിം,മഹിമ നമ്പ്യാര്‍,അന്ന രാജന്‍ എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. മധുരരാജയിൽ നാലു നായികമാരാണുള്ളത്. ചിത്രത്തിന്റെ റിലീസിന് മുന്നോടിയായി പുറത്തു വിട്ട് ക്യാരക്ടർ പോസ്റ്റർ പ്രേക്ഷകർക്കിടയിൽ വൻ ശ്രദ്ധ നേടിയിരുന്നു.

പുലിമുരുകന്റെ വിജയം രാജയിലും

സൂപ്പർ ഡ്യൂപ്പർ ഹിറ്റ് ചിത്രമായ പുലിമുരുകന് ശേഷം വൈശാഖ് സംവിധാനം ചെയ്യുന്ന ചിത്രമാണ് മധുര രാജ. ലാലേട്ടന്റെ പുലമുരുകൻ നേടിയ റെക്കോഡ് മധുരാജയിലൂടെ മമ്മൂക്ക മാറ്റി എഴുതുമോ എന്ന് കണ്ട് തന്നെ കാണേണ്ടി വരും. ആദ്യ ഭാഗത്തെ പോലെ ഉദയ കൃഷ്ണയുടെ തിരക്കഥയിൽ വൈശാഖ് തന്നെയാണ് ചിത്രം സംവിധാനം ചെയ്യുന്നത്. നെൽസൺ ഐപ്പാണ് ചിത്രം നിർമ്മിക്കുന്നത്.