ശശികലയുടെ ഭീഷണി വിലപ്പോയില്ല! രണ്ടാമൂഴം അല്ല, മഹാഭാരതം, അതു മതി... മാറ്റാന്‍ ഉദ്ദേശമില്ല!!!

ഭീമന്റെ കഥ

രണ്ടാമൂഴം ഭീമന്റെ കഥയാണെന്നും അത് മഹാഭാരതമെന്ന പേരില്‍ ഇറക്കാനാകില്ലെന്നുമായിരുന്നു കെപി ശശികല പറഞ്ഞത്. മഹാഭാരത്തിന്റെ വികലരൂപമായ രണ്ടാമൂഴം മഹാഭാരകമെന്ന പേരിലല്ല രണ്ടാമൂഴം എന്ന പേരില്‍ തന്നെയാണ് സിനിമയാകേണ്ടതെന്നും അവര്‍ പറഞ്ഞിരുന്നു.

ചിത്രം തടയും

പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന മഹാഭാരതം രാജ്യത്തെ ഏറ്റവും ഉയര്‍ന്ന ബജറ്റില്‍ ചിത്രീകരിക്കുന്ന സിനിമയാണ്. പേര് മാറ്റിയില്ലെങ്കില്‍ ചിത്രം തിയറ്ററിലെത്തില്ലെന്നും ശശികല ഭീഷണി മുഴക്കിയിരുന്നു. ചിത്രം ഹൈന്ദവ വികാരത്തെ വൃണപ്പെടുത്തുമെന്നും അവര്‍ പറഞ്ഞിരുന്നു.

മാറ്റാന്‍ ഉദ്ദേശമില്ല

രണ്ടാമൂഴം സിനിമയാകുമ്പോള്‍ അതിന് മഹാഭാരതം എന്ന് തന്നെയായിരിക്കും പേരെന്ന് സംവിധായകന്‍ ശ്രീകുമാര്‍ മേനോന്‍ പറഞ്ഞു. മലയാളത്തില്‍ മാത്രമല്ല കേരളത്തിന് പുറത്തുള്ള ഭാഷകളിലും ചിത്രം റിലീസ് ചെയ്യുന്നതിനാല്‍ മഹാഭാരതം എന്ന പേരായിരിക്കും എല്ലാവര്‍ക്കും സ്വീകാര്യമാകുക.

രണ്ടാമൂഴം മഹാഭാരതം തന്നെ

മഹാഭാരത്തിലെ പ്രധാന കഥാപാത്രങ്ങളിലൊരാളായ ഭീമന്റെ കാഴ്ചപ്പാടിലൂടെ കഥപറയുന്ന രണ്ടാമൂഴം ആത്യന്തീകമായി മഹാഭാരതം തന്നെയാണെന്ന് ശ്രീകുമാര്‍ മേനോന്‍ പറയുന്നു. ചിത്രത്തിനെതിരെ ഉയരുന്ന വിമര്‍ശനങ്ങളേയും ഭീഷണികളേയും കണക്കിലെടുക്കാതെ ചിത്രവുമായി മുന്നോട്ട് പോകാനാണ് അണിയറ പ്രവര്‍ത്തകരുടെ തീരുമാനം.

കര്‍ണനായി നാഗാര്‍ജുന

തെലുങ്ക് സൂപ്പര്‍ താരം നാഗാര്‍ജുനയാണ് മഹാഭാരത്തില്‍ കര്‍ണനായി വേഷമിടുന്നത്. എംടി ചിത്രങ്ങളിലെ ഒഴിനവാക്കാനാകാത്ത സാന്നിദ്ധ്യയ മമ്മൂട്ടി കര്‍ണനാകുമെന്ന് അഭ്യൂഹങ്ങള്‍ പ്രചരിച്ചിരുന്നെങ്കിലും ആ നറുക്ക് വീണത് നാഗാര്‍ജുനയ്ക്കായിരുന്നു.

ആയിരം കോടി

രണ്ട് ഭാഗങ്ങളിലായി പുറത്തിറങ്ങുന്ന ചിത്രത്തിന്റെ ആകെ ബജറ്റ് ആയിരം കോടി രൂപയാണ്. രാജ്യത്ത് ഏറ്റവും ഉയര്‍ന്ന മുടക്കുമുതലില്‍ പുറത്തിറങ്ങുന്ന ചിത്രമായിരിക്കും മഹാഭാരതം. വിദേശ വ്യവസായ ബിആര്‍ ഷെട്ടിയാണ് ചിത്രം നിര്‍മിക്കുന്നത്.