മെഗാസ്റ്റാര്‍ ചിത്രം ഉണ്ട വമ്പന്‍ വിജയത്തിലേക്ക്! മമ്മൂക്കയെ പ്രശംസിച്ച് യാത്ര സംവിധായകനും! കാണൂ

ഉണ്ടയുടെ വിജയം

മലയാളത്തില്‍ ഇതുവരെ പുറത്തിറങ്ങിയിട്ടുളളതില്‍ വേറിട്ടുനില്‍ക്കുന്ന ചിത്രം കൂടിയാണ് ഉണ്ടയെന്ന് റിപ്പോര്‍ട്ടുകള്‍ വന്നിരുന്നു. റിയലിസ്റ്റിക് രീതിയിലുളള അവതരണവും മേക്കിങ്ങുമാണ് ഉണ്ടയുടെ വിജയത്തില്‍ നിര്‍ണായകമായിരിക്കുന്നത്. മമ്മൂട്ടി മുന്‍പ് ചെയ്ത പോലീസ് കഥാപാത്രങ്ങളില്‍ നിന്നെല്ലാം വ്യത്യസ്തമാണ് ഉണ്ടയിലെ റോളെന്നും അറിയുന്നു. സബ് ഇന്‍സ്‌പെക്ടര്‍ മണികണ്ഠന്‍ എന്ന കഥാപാത്രമായിട്ടാണ് ചിത്രത്തില്‍ മെഗാസ്റ്റാര്‍ എത്തുന്നത്.

മമ്മൂക്കയുടെ പ്രകടനം

ക്ലാസും മാസും ചേര്‍ന്ന പ്രകടനമാണ് മമ്മൂക്ക ചിത്രത്തില്‍ കാഴ്ചവെച്ചിരിക്കുന്നതെന്നും റിപ്പോര്‍ട്ടുകള്‍ വന്നിരുന്നു. സൂപ്പര്‍ താരത്തിന്റെ കരിയറിലെ മികച്ച കഥാപാത്രങ്ങളിലൊന്നാണ് ചിത്രത്തിലേതെന്നും സിനിമ കണ്ടവര്‍ അഭിപ്രായപ്പെടുന്നു. ആരാധകരുടെയും പ്രേക്ഷകരുടെയും പ്രതീക്ഷകള്‍ തെറ്റിക്കാതെ എത്തിയൊരു ചിത്രം കൂടിയായി മാറിയിരിക്കുകയാണ് ഉണ്ട. റിലീസിനു മുന്‍പേ ട്രോളിയവര്‍ക്ക് വായടപ്പിക്കുന്ന മറുപടിയാണ് ഉണ്ട നല്‍കിയിരിക്കുന്നത്

മഹി വി രാഘവിന്റെ ട്വീറ്റ്

ഉണ്ടയെ പ്രശംസിച്ച് ആരാധകര്‍ക്കൊപ്പം സിനിമാ രംഗത്തുനിന്നുളള നിരവധി പേരും എത്തുന്നുണ്ട്. മമ്മൂട്ടിയുടെ തെലുങ്ക് ചിത്രം യാത്ര സംവിധാനം ചെയ്ത മഹി വി രാഘവും മെഗാസ്റ്റാറിനെ അഭിനന്ദിച്ച് സോഷ്യല്‍ മീഡിയയില്‍ എത്തിയിരുന്നു. ട്വിറ്റര്‍ അക്കൗണ്ടിലൂടെയായിരുന്നു ഉണ്ടയുടെ വിജയത്തില്‍ മമ്മൂക്കയെ പ്രശംസിച്ചുകൊണ്ട് സംവിധായകന്‍ എത്തിയിരുന്നത്. യാത്ര സംവിധായകന്റെ ട്വിറ്റ് സോഷ്യല്‍ മീഡിയയില്‍ ഒന്നടങ്കം വൈറലായി മാറിയിരിക്കുകയാണ്.

ഭാഷയും കഥാപാത്രങ്ങളും

ചിത്രത്തെ പ്രശംസിച്ചുകൊണ്ട് തുടങ്ങുന്ന സംവിധായകന്‍ പേരന്‍പ് മുതല്‍ ഉണ്ട വരെയുളള ഈ വര്‍ഷത്തെ മമ്മൂട്ടി ചിത്രങ്ങളെക്കുറിച്ച് പറയുന്നു. പേരന്‍പ്, യാത്ര എന്നീ സിനിമകളിലുടെ മികച്ച നിരൂപക പ്രശംസ നേടിയെടുത്ത മെഗാസ്റ്റാര്‍ മധുരരാജയുടെ വിജയത്തിലൂടെ ബോക്‌സ് ഓഫീസില്‍ നൂറ് കോടി ക്ലബിലും എത്തിയിരുന്നു. ഇപ്പോള്‍ ഉണ്ടയിലൂടെ വീണ്ടും വിജയമാവര്‍ത്തിച്ചിരിക്കുകയാണ് താരം. ഭാഷയും കഥാപാത്രങ്ങളും അതിന്റെ ക്യാന്‍വാസും ഒന്നും പ്രശ്‌നമല്ലാതെ മികച്ച ചിത്രങ്ങളാണ് മമ്മൂക്ക നല്‍കുന്നതെന്ന് സംവിധായകന്‍ പറയുന്നു. ഈ വര്‍ഷം ഇനിയും മികച്ച കഥാപാത്രങ്ങള്‍ അദ്ദേഹത്തില്‍ നിന്നും പ്രതീക്ഷിക്കുന്നതായും സംവിധായകന്‍ ട്വിറ്ററില്‍ കുറിച്ചു.

മമ്മൂട്ടിയുടെ പ്രകടനത്തിനൊപ്പം

അനുരാഗ കരിക്കിന്‍ വെളളത്തിനു ശേഷം ഖാലിദ് റഹ്മാന്‍ സംവിധാനം ചെയ്ത ചിത്രം കൂടിയായിരുന്നു ഉണ്ട. മമ്മൂട്ടിയുടെ പ്രകടനത്തിനൊപ്പം സംവിധായകന്റെ മേക്കിങ്ങിനെ പ്രശംസിച്ചും പ്രേക്ഷകര്‍ എത്തിയിരുന്നു. താരപരിവേഷമെല്ലാം മാറ്റിവെച്ച് പച്ച മനുഷ്യനായുളള മമ്മൂക്കയുടെ പ്രകടനം തന്നെയാണ് ഉണ്ടയില്‍ മുഖ്യ ആകര്‍ഷണായി മാറിയിരിക്കുന്നത്. മമ്മൂട്ടിക്കൊപ്പം എത്തിയ യുവതാരങ്ങളുടെ പ്രകടനത്തിനും മികച്ച പ്രേക്ഷക പ്രശംസകള്‍ സോഷ്യല്‍ മീഡിയയില്‍ ലഭിക്കുന്നു.