ഹോം

വാർത്ത

2008ലെ മുംബൈ ഭീകരാക്രമണത്തില്‍ വീര മൃത്യൂ വരിച്ച മേജര്‍ സന്ദീപ് ഉണ്ണികൃഷ്ണന്റെ ജീവിത കഥ പറയുന്ന ചിത്രമാണ് മേജര്‍. 2022 മൊയ് 27 ന് ആണ് ചിത്രം റിലീസിനെത്തുന്നത്.നടന്‍ മഹേഷ് ബാബുവിന്റെ ഉടമസ്ഥതയിലുള്ള ജി മഹേഷ് ബാബു എന്റര്‍ടെയ്ന്‍മെന്റ്സും സോണി പിക്‌ചേഴ്‌സ് ഇന്റര്‍നാഷണല്‍ പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിക്കുന്നത്.

ഇപ്പോഴിത സന്ദീപ് ഉണ്ണികൃഷ്ണന്റെ 45ാം ജന്മദിനത്തിനോടനുബന്ധിച്ച് ഒരു വീഡിയോ പുറത്ത് വിട്ടിരിക്കുകയാണ് മേജര്‍ ടീം. അദ്ദേഹത്തിന്റെ യഥാര്‍ത്ഥ ജീവിതത്തിലെ ചിത്രങ്ങളും സിനിമയ്ക്കായി പുനരാവിഷ്‌കരിച്ച ചിത്രങ്ങളും ചേര്‍ത്താണ് സ്പെഷ്യല്‍ വീഡിയോ ഒരുക്കിയിരിക്കുന്നത്.
ജീവിതത്തിലൂടെ അദ്ദേഹത്തിന്റെ ധീരകൃത്യങ്ങള്‍ മനസ്സിലാക്കാന്‍ മാത്രമല്ല സന്ദീപ് ഉണ്ണികൃഷ്ണന്റെ ധൈര്യവും ദയയും അനുകമ്പയും ആഴത്തില്‍ പ്രചോദിപ്പിക്കുകയും ചെയ്തിട്ടുണ്ട്.

ഹോട്ട് ഫോട്ടോ ഷൂട്ട് ചോദിച്ച് ആരാധകന്‍; ചൂടുള്ള ഉഗ്രന്‍ ചിത്രം നല്‍കി വിദ്യ ബാലന്‍

യുവതാരമായ അദിവി ശേഷ് ആണ് ചിത്രത്തില്‍ സന്ദീപ് ഉണ്ണികൃഷ്ണന്റെ കഥാപാത്രത്തെ അവതരിപ്പിക്കുന്നത്. മേജര്‍ സന്ദീപ് ഉണ്ണികൃഷ്ണന്റെ ജീവിതത്തിലേയ്ക്കുള്ള തിരിഞ്ഞ് നോട്ടമാണ് ചിത്രം.സന്ദീപ് ഉണ്ണികൃഷ്ണന്റെ കുട്ടിക്കാലം മുതല്‍ മുംബൈ ആക്രമണം വരെയുള്ള കാര്യങ്ങളാണ് സിനിമയില്‍ പറയുന്നത്. അടുത്തിടെ സിനിമയുടെ പാട്ട് പുറത്ത് വന്നിരുന്നു. സാം മാത്യു എ ഡി യുടെ വരികള്‍ക്ക് അയ്റാന്‍ പാടിയ 'പൊന്‍ മലരേ' എന്ന ഗാനമാണ് പുറത്ത് വന്നിരിക്കുന്നത്. പാട്ടിന് മികച്ച സ്വീകാര്യതയായിരുന്നു ലഭിച്ചത്.

മഹേഷ് ബാബുവിന്റെ ജിഎംബി എന്റര്‍ടൈന്‍മെന്റ്, എ + എസ് മൂവീസ് എന്നിവയുമായി ചേര്‍ന്ന് സോണി പിക്ചേഴ്സ് ഫിലിംസ് ഇന്ത്യയും ചേര്‍ന്നാണ് മേജര്‍ നിര്‍മ്മിക്കുന്ന. ചിത്രത്തില്‍ ശോഭിത ധൂലിപാല, സായി മഞ്ജരേക്കര്‍, പ്രകാശ് രാജ്, രേവതി, മുരളി ശര്‍മ്മ എന്നിവരും പ്രധാനവേഷത്തില്‍ എത്തുന്നുണ്ട്.ശശി കിരണ്‍ ടിക്ക സംവിധാനം ചെയ്യുന്ന ചിത്രം മലയാളം, തെലുങ്ക്, ഹിന്ദി ഭാഷകളില്‍ ഒരേ സമയം റിലീസ് ചെയ്യും.

വീഡിയോ കാണാം