ഗിരീഷ് പുത്തഞ്ചേരി പാട്ട് എഴുതിയ പേപ്പര്‍ ഞാന്‍ കീറിയെറിഞ്ഞിട്ടുണ്ട്, കാരണം വെളിപ്പെടുത്തി മേജര്‍ രവി

എന്‌റെ വീട്ടില്‍ തന്നെയായിരുന്നു. അമ്മയുമായൊക്കെ നല്ല ബന്ധമുണ്ട്. അപ്പോ ഗിരീഷിനോട് എനിക്ക് അങ്ങനെയുളള ബന്ധമായിരുന്നു. ഒരു യാത്രാമൊഴി എഴുതാന്‍ വേണ്ടി ഗിരീഷ് മദ്രാസിലേക്ക് വന്നു. പാട്ടിന്‌റെ അവസാനത്തില്‍ ബിജു മേനോന്റെ ബോഡി കൊണ്ടുപോവുമ്പോള്‍ പെണ്‍കുട്ടി കണ്ണീരോടെ ഒരു സല്യൂട്ട് കൊടുക്കുന്നുണ്ട്. അവളുടെ വോയ്‌സില്‍ ഞാന്‍ നിങ്ങളെ ഏഴ് ജന്മം കാത്തിരിക്കാമെന്ന് പറയുന്നതായിട്ട് വേണമെന്ന് ഞാന്‍ ഗിരീഷിനോട് പറഞ്ഞു.

ഓകെ ശരി എന്ന് പറഞ്ഞ് ഗിരീഷ് എന്നെ പറഞ്ഞയച്ചു. പിന്നെ വൈകുന്നേരം വീണ്ടും ഞാന്‍ ഗിരീഷിന്‌റെ അടുത്തെത്തി. എഴുതിയത് വായിച്ചു. വായിച്ച് അവസാന ഭാഗത്ത് എത്തിയപ്പോള്‍ പെണ്‍കുട്ടിയുടെ ശബ്ദത്തിലുളള വരികള്‍ ശരിയായില്ലെന്ന് ഞാന്‍ പറഞ്ഞു. ഗിരീഷ് എന്നെ ഇങ്ങനെ നോക്കി ഇരിക്കുകയാണ്. അവന് വൈകീട്ടത്തെ ട്രെയിനിന് നാട്ടിലേക്ക് പോകണം.

ഗിരീഷ് പാട്ടെഴുതി കഴിഞ്ഞാല്‍ അവസാനത്തില്‍ ഒപ്പിടുമായിരുന്നു. ഒപ്പിട്ടുകഴിഞ്ഞാല്‍ പിന്നെ അദ്ദേഹം എഴുതിയതില്‍ മാറ്റം വരുത്തില്ല. വരികള്‍ക്ക് എന്താണ് പ്രശ്‌നം എന്ന് ഗിരീഷ് എന്നോട് ചോദിച്ചു. പാട്ടിന്‌റെ അവസാനം ഏഴ് ജന്മം കാത്തിരിക്കാമെന്ന തരത്തില്‍ വരണമെന്ന് ഞാന്‍ പറഞ്ഞു. ഇതെന്താ പട്ടാള ക്യാമ്പാണോ എന്ന് ചോദിച്ച് ഗിരീഷ് അങ്ങ് എഴുന്നേറ്റു.

ഞാനും വിട്ടുകൊടുത്തില്ല. ഗിരീഷ് പേപ്പര്‍ എന്റെ നേര്‍ക്ക് ഇട്ടപ്പോള്‍ അതെടുത്ത് ഞാന്‍ കീറി. ഞാന്‍ അതില്‍ ഒപ്പിട്ടെന്നും ഇനി മാറ്റിലെന്നുമായി ഗിരീഷ്. മാറ്റില്ലെങ്കില്‍ വേണ്ട ഞാന്‍ ഇത് കീറുകയാണെന്ന് പറഞ്ഞാണ് അങ്ങനെ ചെയ്തത്. പത്ത് മിനുട്ട് കഴിഞ്ഞപ്പോള്‍ എന്നെ വിളിച്ചു. ഞാന്‍ വരി വായിച്ചുനോക്കി. കാത്തിരിക്കാം കാത്തിരിക്കാം എഴുകാതര ജന്മം എന്ന് ഗിരീഷ് എഴുതിയിരിക്കുന്നു. അതായിരുന്നു എനിക്ക് വേണ്ടതും. ഞാന്‍ കാശിന്‌റെ കാര്യം പറഞ്ഞപ്പോള്‍ എനിക്ക് നിങ്ങളുടെ കാശൊന്നും വേണ്ട എന്ന് പറഞ്ഞ് ഇറങ്ങിപ്പോയി. അങ്ങനെയായിരുന്നു ഞങ്ങള്‍. മേജര്‍ രവി പറഞ്ഞു.