രക്ഷാപ്രവർത്തനത്തിൽ മേജർ രവിയും!! രക്ഷപ്പെടുത്തിയത് 200ഓളം പേരെ,ആദ്യം ഉപയോഗിച്ചത് ട്യൂബ്

ട്യൂബ് ഉപയോഗിച്ചുളള രക്ഷാപ്രവർത്തനം

ഏലൂക്കര ജുമാമസ്ജിദിന് സമീപത്തുളള ഇരുന്നോറോളം വരുന്ന ജനങ്ങളെയാണ് മത്സ്യത്തൊഴിലാളികള്‍ക്കൊപ്പം മേജർ രവിയും സംഘവും രക്ഷപ്പെടുത്തിയത്. പെരിയാറിനോട് ചേർന്ന് കിടക്കുന്ന സ്ഥലമായതിനാൽ ഇവിടെ 6 മുതൽ 7 അടിവരെ വെളളം കയറിയിരുന്നു. കൂടാതെ സ്ഥലത്ത് ശക്തമായ ഒഴുക്കും അനുഭവപ്പെട്ടിരുന്നു. ആദ്യം ട്യൂബ് ഉപയോഗിച്ചായിരുന്നു ഇവർ രക്ഷപ്രവർത്തനത്തിൽ ഏർപ്പെട്ടത്. പിന്നീട് മത്സത്തൊഴിലാളികൾക്കൊപ്പം ചേരുകയായിരുന്നു.

ഗർഭിണ‌ിയും വയസ്സായ സ്ത്രീകളും

പ്രളയത്തിൽപ്പെട്ട് എലൂർക്കര പോലീസ് സ്റ്റേഷനിൽ നീന്തി രക്ഷപ്പെടുവരുന്ന ഒരാൾ തന്നോട് സഹായം ചോദിക്കുകയായിരുന്നു. അദ്ദേഹത്തിന്റെ ഒരു വയസ്സു മാത്രം പ്രായമുള്ള കുട്ടിയേയും ഗർഭിണിയായ ഭാര്യയേയും അമ്മയും വെള്ള കെട്ടിൽ കുടങ്ങി കിടക്കുകയാണെന്നും സഹായിക്കണമെന്നും പറ‍ഞ്ഞിരുന്നു. എന്നാൽ ഇവിടേയ്ക്ക് പോകാൻ ബോട്ട് ഇല്ലായിരുന്നു. ട്യൂബ് ഉപയോഗിച്ചായിരുന്നു അങ്ങോട്ട് പോയതെന്നും സ്ഥലത്തെ ഒഴുക്ക് രക്ഷാപ്രവർത്തനത്തെ ബാധിച്ചുവെന്നും മേജർ രവി ഫേസ്ബുക്കിൽ കുറിച്ചു.

മത്സത്തൊഴിലാളികൾ രക്ഷാപ്രവർത്തനത്തിനെത്തിയത്

സുരക്ഷ പ്രവർത്തനത്തിന് തങ്ങളോടൊപ്പം നിന്ന സിൽവസ്റ്റാറിനും കുടുംബത്തിനും അദ്ദേഹം നന്ദിയും അറിയിച്ചുണ്ട്. കൂടാതെ രക്ഷാപ്രവർത്തനത്തിന് മത്സ്യത്തൊഴിലാളികളെ വിന്യസിപ്പിക്കണമെന്ന് മുഖ്യമന്ത്രിയേട് നിർദ്ദേശിച്ച് ആ വ്യക്തി ആരാണെങ്കിലും നന്ദി പറയുന്നതായി മേജർ രവി ഫേസ്ബുക്കിൽ കുറിച്ചു

രക്ഷപ്പെടുത്തിയവരെ നേരിൽ കണ്ടു

ഏലുക്കരയിൽ നിന്ന് രക്ഷപ്പെടുത്തിയവരെ ആലുവ ക്യാംപിൽ നേരിട്ട് പോയി കണ്ടിരുന്നു. കൂടാതെ അവിടെയുളളവർക്ക് മാനസികമായി കരുത്തും ധൈര്യവും പകർന്ന് നൽകിയിരുന്നു. എല്ലാവരും കൂടെ ഉണ്ടെന്ന വിശ്വാസമാണ് ഇപ്പോൾ അവർക്ക് നൽകേണ്ടത്. പരമാവധി പേർക്ക് ഊർജം നൽകാൻ ചില ക്ലാസുകളും നടത്തുന്നുണ്ടെന്നും മേജർ രവി വ്യക്തമാക്കി