മമ്മൂട്ടിയെ വച്ച് സിനിമ ചെയ്യുക എന്നത് വലിയ ടെന്‍ഷനാണ്, എപ്പോഴും സംശയമാണെന്ന് സത്യന്‍ അന്തിക്കാട്

എന്നും പുതുമുഖം

മമ്മൂട്ടി എക്കാലത്തെയും പുതുമുഖമാണെന്ന് ഞാന്‍ പറയും. ഇന്നും മമ്മൂട്ടി സിനിമയെ സമീപിക്കുന്നത് ഒരു തുടക്കക്കാരന്റെ ആവേശത്തോടും അതിരറ്റ സ്‌നേഹത്തോടുമാണെന്ന് സത്യന്‍ പറയുന്നു.

ടെന്‍ഷനാണ്

മമ്മൂട്ടിയെ വച്ച് ഒരു സിനിമ ചെയ്യാന്‍ തീരുമാനിച്ചുകഴിഞ്ഞാല്‍ പിന്നെ ടെന്‍ഷന്‍ മുഴുവനും അതിന്റെ സംവിധായകനാണ്. മമ്മൂട്ടി നിരന്തരം ചോദ്യങ്ങള്‍ ചോദിച്ച് നമ്മളെ വേട്ടയാടിക്കൊണ്ടിരിക്കും.

എപ്പോഴും ചോദ്യങ്ങള്‍

ആ കഥാപാത്രമെന്താണ്? അയാള്‍ എങ്ങനെയാണ് പെരുമാറുക? എന്തൊക്കെയാണ് അയാളുടെ മാനറിസങ്ങള്‍? അയാളുടെ വേഷവിധാനങ്ങള്‍ എന്താണ്? എന്നൊക്കെയുള്ള ചോദ്യങ്ങളുമായി മമ്മൂട്ടി പിന്നാലെ കൂടും. ലോകത്തെവിടെയായിരുന്നാലും അദ്ദേഹം ഈ ചോദ്യങ്ങള്‍ മുടക്കാറില്ല.

സ്‌ക്രിപ്റ്റിലും

ചിലപ്പോള്‍ സ്‌ക്രിപ്റ്റ് എഴുതികൊണ്ടിരിക്കുന്ന ഇടങ്ങളിലേക്ക് ആരോടും പറയാതെ മമ്മൂട്ടി കടന്നെത്തും. അവിടെയും അദ്ദേഹം പങ്കുവയ്ക്കുന്നത് ഇത്തരം സംശയങ്ങളാണ്'.