ഇന്ദ്രജിത്തിനെ സിനിമയില്‍ നിന്നും ഒതുക്കി നിര്‍ത്തിയതിന് പിന്നില്‍? പൃഥ്വിയില്‍ ഇത് നടക്കില്ല!

ഇന്ദ്രനും ഞാനും ഒരേ പോലെയാണ്

ഇന്ദ്രജിത്തും ഞാനും ഒരേ സ്വഭാവക്കാരാണ്. അത് വേണോ, നോക്കി തീരുമാനിച്ചാല്‍ പോരേ എന്ന തരത്തിലാണ് ചിന്തിക്കാറുള്ളതും പറയുന്നതും. ഒരു നയത്തിലാണ് കാര്യങ്ങളെ സമീപിക്കുന്നത്.

പൃഥ്വിയുടെ സ്വഭാവം

വെട്ടൊന്ന് തുണ്ട് രണ്ട് എന്ന സ്വഭാവക്കരനാമ് പൃഥ്വി. കാര്യങ്ങളെക്കുറിച്ച് കൃത്യമായി തുറന്നു പറയും. ഞങ്ങളുടെ സ്വഭാവത്തില്‍ നിന്നും വിഭിന്നമായാണ് അവന്‍ കാര്യങ്ങളെ സമീപിക്കുന്നത്.

സിനിമയില്‍ ഉപകാരമായിട്ടില്ല

നയത്തിലുള്ള ഇടപഴകല്‍ സിനിമയില്‍ ഒരിക്കലും ഗുണം ചെയ്തിട്ടില്ല. ഇക്കാര്യത്തെക്കുറിച്ച് താനും ഇന്ദ്രനും കൃത്യമായി മനസ്സിലാക്കിയെന്നും മല്ലിക പറയുന്നു. ചാഞ്ഞ് കിടക്കുന്ന മാവില്‍ ഓടിക്കേറുന്ന തരത്തിലാണ് കാര്യങ്ങള്‍.

ഇന്ദ്രജിത്തിനെ ഒതുക്കിയതിന് പിന്നില്‍

സിനിമയില്‍ നിന്നും ഇന്ദ്രജിത്തിനെ ഒതുക്കിയതിനും പിന്നിലും ഈ നയത്തിലുള്ള സ്വഭാവമാണെന്ന് മല്ലിക പറയുന്നു. ഇപ്പോള്‍ ഇന്ദ്രന്‍ കാര്യങ്ങള്‍ കൃത്യമായി മനസ്സിലാക്കി സ്വന്തമായി അഭിപ്രായം തുറന്നു പറയാനൊക്കെ തുടങ്ങിയിട്ടുണ്ടെന്നും അവര്‍ പറയുന്നു.

പൃഥ്വിരാജ് അഹങ്കാരിയാണോ?

പൃഥ്വിരാജിന് പലപ്പോഴും അഹങ്കാരിയാണെന്ന തരത്തില്‍ മുദ്ര കുത്താറുണ്ട്. സോഷ്യല്‍ മീഡിയയിലൂടെ താരം ഏറെ വിമര്‍ശിക്കപ്പെട്ടിരുന്നു. അവന്‍ പഠിച്ചതും വളര്‍ന്നതുമായ സാഹചര്യങ്ങളില്‍ നിന്നാണ് അവന് അത്തരത്തിലുള്ള അറിവ് ലഭിച്ചത്.

അത് നല്ലതാണ്

അഹങ്കാരിയെന്ന തരത്തിലുള്ള ഇമേജ് പൃഥ്വിക്ക് നല്ലതാണ്. പലപ്പോഴും അവന്റെ പ്രതികരണത്തിനായി പലരും കാത്തിരിക്കാറുണ്ട്. എന്നാല്‍ അഹങ്കാരിയാണല്ലോ അതിനാല്‍ പ്രതികരിച്ചൂടല്ലോ എന്ന തരത്തിലും ഉണ്ടല്ലോ, അത് കൊണ്ട് തന്നെ അത്തരമൊരു ഇമേജ് നല്ലതാണ്.