Don't Miss!
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- News പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി
- Sports IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ്
- Automobiles പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വീണ്ടും 100 കോടി സ്വന്തമാക്കി മമ്മൂട്ടി! ബോക്സോഫീസില് റെക്കോര്ഡ് കളക്ഷനായി മാമാങ്കം
മലയാള സിനിമ കാത്തിരുന്നത് പോലെ ബ്രഹ്മാണ്ഡ ചിത്രമായിട്ടെത്തിയ മാമാങ്കം ജൈത്രയാത്ര തുടരുകയാണ്. റിലീസ് ദിവസം സിനിമയ്ക്ക് ലഭിച്ച നല്ല പ്രതികരണങ്ങളാണ് പിന്നീടുള്ള ദിവസങ്ങളിലെല്ലാം പ്രേക്ഷകരുടെ തിരക്ക് കുടാന് കാരണം. അമ്പത്തിയഞ്ച് കോടിയോളം മുതല് മുടക്കിലൊരുക്കിയ സിനിമ ആദ്യ ആഴ്ചകളില് ബോക്സോഫീസില് അത്യുഗ്രന് പ്രകടനമായിരുന്നു കാഴ്ച വെച്ചത്.
റിവ്യൂ വന്നതിന് ശേഷം സിനിമയുടെ ബോക്സോഫീസ് നിലവാരം എങ്ങനെയാണെന്നാണ് എല്ലാവരും കാത്തിരുന്നത്. ആദ്യദിനം 23 കോടിയ്ക്ക് മുകൡലായിരുന്നു ആഗോളതലത്തില് നിന്നുള്ള കളക്ഷന്. ഇപ്പോഴിതാ മാമാങ്കം നൂറ് കോടി ക്ലബ്ബിലെത്തിയിരിക്കുകയാണ്. നിര്മാതാവും സിനിമയുടെ അണിയറ പ്രവര്ത്തകരും ചേര്ന്നാണ് സന്തോഷ വാര്ത്ത പുറത്ത് വിട്ടിരിക്കുന്നത്.
ലോകത്താകമാനമായി മാമാങ്കം നൂറ് കോടി പിന്നിട്ടിരിക്കുകയാണ്. ഏറ്റവും സന്തോഷത്തോടെയാണ് ഇത് അറിയിക്കുന്നതെന്നുമാണ് മാമാങ്കത്തിന്റെ അണിയറ പ്രവര്ത്തകര് പറഞ്ഞിരിക്കുന്നത്. നിര്മാതാവ് വേണു കുന്നപ്പിള്ളിയും ഈ പോസ്റ്റ് ഷെയര് ചെയ്ത് കൊണ്ട് എത്തിയിരിക്കുകയാണ്. അതിവേഗം നൂറ് കോടി മറികടന്നതോടെ വരുന്ന ദിവസങ്ങളില് മാമാങ്കം വലിയൊരു കളക്ഷന് സ്വന്തമാക്കുമെന്ന് തന്നെയാണ് അറിയുന്നത്.
വിശ്വസീനിയമായ ചില റിപ്പോര്ട്ടുകളില് നിന്നും മാമാങ്കത്തിന്റെ ഒരാഴ്ചത്തെ കളക്ഷന് വന്നിരിക്കുകയാണ്. യുഎഇ/ജിസിസി റീജിയനുകളില് നിന്ന് മാത്രം 10.17 കോടി മാമാങ്കത്തിന് ലഭിച്ചിട്ടുണ്ടെന്നാണ് അറിയുന്നത്. യുഎഇ യില് നിന്ന് 5.53 കോടിയാണ് കളക്ഷന്. സൗദി അറേബ്യയില് നിന്നും 62 ലക്ഷവും ബാക്കി ജിസിസി മേഖലകളില് നിന്നും 4.02 കോടിയുമാണ് സിനിമയ്ക്ക് ലഭിച്ചിരിക്കുന്നത്. റിലീസ് ചെയ്ത ആദ്യ ഏഴ് ദിവസത്തെ റിപ്പോര്ട്ടുകളാണിത്.
മെഗാസ്റ്റാര് മമ്മൂട്ടിയുടെ കരിയറിലെ ആദ്യ നൂറ് കോടി പിറന്ന വര്ഷമായിരുന്നു 2019. വിഷുവിന് മുന്നോടിയായി റിലീസ് ചെയ്ത മധുരരാജയായിരുന്നു നൂറ് കോടി നേടിയ ചിത്രം. അതിന് ശേഷം ഇതേ വര്ഷം തന്നെ മാമാങ്കവും നൂറ് കോടിയിലെത്തി വിസ്മയിപ്പിച്ചിരിക്കുകയാണ്. മമ്മൂട്ടിയുടെ സിനിമാ ജീവിതത്തില് ഏറ്റവും വലിയ ചിത്രങ്ങള് പിറന്നതും ഇതേ വര്ഷമാണ്. ഇതോടെ റെക്കോര്ഡുകളെല്ലാം സ്വന്തം പേരിലൊതുക്കുകയാണ് താരം.
മാമാങ്കം ചൈനയിലേക്ക്, സ്വന്തമാക്കിയത് റെക്കോര്ഡ് തുക! പുതിയ ചരിത്രം തിരുത്തി കുറിച്ച് മെഗാസ്റ്റാര്
മാമാങ്കമെത്തിയ ആദ്യ നാല് ദിവസങ്ങള്ക്കുള്ളില് 60.70 കോടിയോളമായിരുന്നു സ്വന്തമാക്കിയത്. മമ്മൂട്ടിയുടെ കരിയറില് ഏറ്റവും വേഗം ഇത്രയും വലിയ കളക്ഷന് ഉണ്ടാക്കിയ സിനിമയായിരുന്നു. അതുപോലെ മലയാള സിനിമയില് ഏറ്റവും വേഗം കോടികള് വാരിക്കൂട്ടിയ മൂന്നാമത്തെ വലിയ ചിത്രമായിട്ടും മാമാങ്കം മാറി. നേരത്തെ പുലിമുരുകനും ലൂസിഫറുമായിരുന്നു ഈ നേട്ടം കൈവരിച്ച ചിത്രങ്ങള്.
ലെച്ചുവിന്റെ വരന് ഷെയിന് നിഗം! ബിഗ് സ്ക്രീനില് നിന്നും മിനിസ്ക്രീനിലേക്ക് ഷെയിന്റെ മാസ് എന്ട്രി