മാമാങ്കം ഞാന്‍ സ്വീകരിച്ചതിന് കാരണം മമ്മൂക്ക! തുറന്നുപറഞ്ഞ് ഉണ്ണി മുകുന്ദന്‍

തമിഴിലും വലിയ റിലീസിയാട്ടാണ് മെഗാസ്റ്റാര്‍ ചിത്രം എത്തുന്നത്. മാമാങ്കത്തിന്റെ തമിഴ് പതിപ്പിന്റെ റിലീസിനോടനുബന്ധിച്ചുളള പ്രസ് മീറ്റ് ഇന്ന് ചെന്നെയില്‍ നടന്നിരുന്നു. മമ്മൂട്ടി, സംവിധായകന്‍ പദ്മകുമാര്‍, ഉണ്ണി മുകുന്ദന്‍, പ്രാചി ടെഹ്ലന്‍, മാസ്റ്റര്‍ അച്യുത് തുടങ്ങിയവരെല്ലാം ചെന്നൈയില്‍ നടന്ന പ്രസ് മീറ്റില്‍ പങ്കെടുക്കാന്‍ എത്തിയിരുന്നു.

പ്രസ് മീറ്റില്‍ മാമാങ്കത്തില്‍ എത്താനുണ്ടായ കാരണം നടന്‍ ഉണ്ണി മുകുന്ദന്‍ തുറന്നുപറഞ്ഞിരുന്നു. മാമാങ്കം സ്വീകരിച്ചത് മമ്മൂക്ക കാരണമാണെന്നാണ് മാധ്യമങ്ങളോടായി നടന്‍ തുറന്നുപറഞ്ഞത്. ബ്രഹ്മാണ്ഡ ചിത്രത്തില്‍ ചന്ദ്രോത്ത് പണിക്കര്‍ എന്ന കഥാപാത്രമായിട്ടാണ് ഉണ്ണി മുകുന്ദന്‍ എത്തുന്നത്. ഉണ്ണിയുടെ കരിയറില്‍ തന്നെ വലിയ വഴിത്തിരിവുണ്ടാക്കുമെന്ന് എല്ലാവരും പ്രതീക്ഷിക്കുന്ന ചിത്രം കൂടിയാണ് മാമാങ്കം.

നടനും വലിയ പ്രതീക്ഷകളോടെയാണ് ചിത്രത്തിന് വേണ്ടി കാത്തിരിക്കുന്നത്. തമിഴില്‍ സംവിധായകന്‍ റാമാണ് മാമാങ്കത്തിന്റെ സംഭാഷണങ്ങള്‍ എഴുതിയിരിക്കുന്നത്. മെഗാസ്റ്റാറിന്റെ ഇക്കൊല്ലത്തെ ശ്രദ്ധേയ ചിത്രമായ പേരന്‍പ് റാമിന്റെ സംവിധാനത്തിലാണ് ഒരുങ്ങിയിരുന്നത്. അതേസമയം മാമാങ്കത്തിന്റെ പ്രസ് മീറ്റ് ചിത്രങ്ങള്‍ സോഷ്യല്‍ മീഡിയയില്‍ ഒന്നടങ്കം വൈറലായി മാറിയിരുന്നു.

മമ്മൂട്ടി,പദ്മകുമാര്‍,ഉണ്ണി മുകുന്ദന്‍, പ്രാചി ടെഹ്ലാന്‍ എന്നിവര്‍ ഉള്‍പ്പെടുന്ന ചിത്രങ്ങളാണ് ഫാന്‍സ് ഗ്രൂപ്പുകളില്‍ ഒന്നടങ്കം വ്യാപകമായി പ്രചരിക്കുന്നത്. പേരന്‍പിന് പിന്നാലെയാണ് തമിഴില്‍ വീണ്ടുമൊരു മമ്മൂട്ടി ചിത്രം എത്തുന്നത്. തമിഴിലും വലിയ പ്രതീക്ഷകളോടെയാണ് അണിയറപ്രവര്‍ത്തകര്‍ ചിത്രവുമായി എത്തുന്നത്. മാമാങ്കത്തിന്റെതായി നേരത്തെ പുറത്തിറങ്ങിയ തമിഴ് ട്രെയിലറിനും മികച്ച സ്വീകാര്യത സമൂഹമാധ്യമങ്ങളില്‍ ലഭിച്ചിരുന്നു.