മാമാങ്കത്തിനായൊരുക്കിയ കൂറ്റന്‍ സെറ്റുകള്‍ കണ്ടോ? മമ്മൂട്ടിയുടെ ഈ സിനിമ ശരിക്കും അത്ഭുതപ്പെടുത്തുമോ?

മാമാങ്കത്തിനായി ഒരുക്കിയ സെറ്റ്

സിനിമാലോകം ഒന്നടങ്കം കാത്തിരിക്കുന്ന മാമാങ്കം അണിയറയില്‍ തുടങ്ങുകയാണ്. മംഗലാപുരത്ത് വെച്ചാണ് ചിത്രത്തിന് തുടക്കമിടുന്നത്. ഫെബ്രുവരി 12 തിങ്കളാഴ്ച (ഇന്ന്) ചിത്രത്തിന് തുടക്കമിടുമെന്നാണ് അറിയിച്ചിട്ടുള്ളത്.

ചിത്രങ്ങള്‍ വൈറല്‍

മാമാങ്കത്തിനായി ഒരുക്കിയ സെറ്റുകളുടെ ചിത്രങ്ങള്‍ സോഷ്യല്‍ മീഡിയയിലൂടെ വൈറലാവുകയാണ്. പേര് പോലെ തന്നെ മലയാള സിനിമയ്ക്ക് ഉത്സവമായിരിക്കുമോ ഈ ചിത്രമെന്നറിയനായാണ് ആരാധകര്‍ കാത്തിരിക്കുന്നത്.

ആക്ഷന്‍ രംഗങ്ങള്‍ നിയന്ത്രിക്കുന്നത്

വിശ്വരൂപം, തുപ്പാക്കി, ആരംഭം, ബില്ല 2 തുടങ്ങിയ ചിത്രങ്ങള്‍ക്ക് ആക്ഷനൊരുക്കിയ കിച്ച കംമ്പട്കിയാണ് മാമാങ്കത്തിന്റെ ആക്ഷന്‍ രംഗങ്ങള്‍ നിയന്ത്രിക്കുന്നത്.

താരനിര്‍ണ്ണയത്തെക്കുറിച്ച് പിന്നീട് വെളിപ്പെടുത്തും

മാമാങ്കത്തിലെ താരനിര്‍ണ്ണയെത്തെക്കുറിച്ച് സവിധായകന്‍ കൂടുതലൊന്നും വെളിപ്പെടുത്തിയിട്ടില്ല. ചിത്രീകരണ് ആരംഭിച്ചതിന് ശേഷം വിവരങ്ങള്‍ പുറത്തുവിടാമെന്നായിരുന്നു അദ്ദേഹം വ്യക്തമാക്കിയത്. മലയാള സിനിമയിലെ താരങ്ങള്‍ മാത്രമല്ല അന്യഭാഷയിലെ താരങ്ങളും ചിത്രത്തില്‍ അഭിനയിക്കുന്നുണ്ടെന്ന് നേരത്തെ തന്നെ റിപ്പോര്‍ട്ടുകളുണ്ടായിരുന്നു. എന്നാല്‍ അവര്‍ ആരൊക്കെയാണെന്നറിയാന്‍ ഇനിയും കാത്തിരിക്കണം.

ദൃശ്യമികവിനായി ബാഹുബലി സംഘം

കോടികള്‍ മുടക്കിയൊരുക്കുന്ന മാമാങ്കത്തിന്‍റെ വിഎഫ്എക്സ് നിയന്ത്രിക്കുന്നത് ബാഹുബലി സംഘമാണ്. സിനിമയ്ക്കായി ചെയ്യുന്നത്. 17ാം നൂറ്റാണ്ടിലെ വീടുകളും മറ്റുമൊരുക്കാന്‍ കോടികളാണ് മുടക്കുന്നത്. ബാഹുബലിയുടെ ഗ്രാഫിക്‌സ് ചെയ്ത ടീമാണ് മാമാങ്കത്തിന് വേണ്ടിയും പ്രവര്‍ത്തിക്കുന്നത്.