ഭീകരാക്രമണത്തില്‍ വീരമൃത്യു വരിച്ച സൈനികരെ സല്യൂട്ട് ചെയ്ത് മമ്മൂക്ക! യാത്ര ചടങ്ങിനിടെ താരം പറഞ്ഞത്

മമ്മൂക്ക പറഞ്ഞത്

ചടങ്ങില്‍ ഭീകരാക്രമണത്തില്‍ ജീവന്‍ പൊലിഞ്ഞ സൈനികര്‍ക്ക് ആദരമര്‍പ്പിച്ചുകൊണ്ടായിരുന്നു മമ്മൂക്ക തുടങ്ങിയിരുന്നത്. യാത്രയെക്കുറിച്ച് സംസാരിക്കുന്നതിന് മുമ്പായിട്ടായിരുന്നു വീരമൃത്യു വരിച്ച സൈനികരെ സല്യൂട്ട് ചെയ്യുന്നതായി മമ്മൂട്ടി പറഞ്ഞത്. രാജ്യമൊട്ടാകെ കണ്ണീരിലാഴ്ത്തിയ സംഭവത്തില്‍ സിനിമാതാരങ്ങളും രാഷ്ട്രീയ പ്രവര്‍ത്തകരും അടക്കമുളള അധിക പേരും സൈനികര്‍ക്ക് ആദരം അറിയിച്ച് സംസാരിച്ചിരുന്നു. യാത്രയുടെ വിജയാഘോഷ ചടങ്ങില്‍ സംവിധായകന്‍ മഹി വി രാഘവും മറ്റു അണിയറപ്രവര്‍ത്തകരും ഒന്നടങ്കം പങ്കെടുത്തിരുന്നു.

സിനിമയെക്കുറിച്ച് പറഞ്ഞത്

ചടങ്ങില്‍ സിനിമ വിജയമാക്കിയതില്‍ പ്രേക്ഷകരോടുളള നന്ദി മമ്മൂക്ക അറിയിച്ചിരുന്നു. യാത്രയുടെ കഥ പറഞ്ഞപ്പോള്‍ തനിക്ക് ഇഷ്ടമായെന്നും അത് കൊണ്ടാണ് അഭിനയിക്കാന്‍ തീരുമാനിച്ചതെന്നും അദ്ദേഹം പറഞ്ഞു. ഒരു രാഷ്ട്രീയ നേതാവിനെക്കുറിച്ചുളള സിനിമയാണിത്. ജനങ്ങളുടെ നേതാവായ ഒരു രാഷ്ട്രീയ നേതാവിന്റെ കഥ. രാഷ്ട്രീയ നേതാവിന് ജനങ്ങളുടെ നേതാവ് ആവാന്‍ പറ്റുക എന്നത് ബുദ്ധിമുട്ടേറിയ കാര്യമാണ്. ജനങ്ങളാണ് ഒരു നേതാവിനെ ഉണ്ടാക്കുന്നത്. അതിന് നേതാവ് ജനങ്ങളെ മനസിലാക്കണം.

ഭാഗ്യത്തിന് ആ രംഗം

സിനിമയിലെ ആദ്യ രംഗം ചിത്രീകരിക്കുമ്പോള്‍ വളരെ പേടിയോടെ ആണ് ചെയ്തത്. ഭാഗ്യത്തിന് ആ രംഗം സിനിമയില്‍ നിന്നൊഴിവാക്കിയപ്പോള്‍ പിന്നീട് എനിക്ക് കാര്യങ്ങള്‍ കൈകാര്യം ചെയ്യാനായി. സംവിധായകനോടും നിര്‍മ്മാതാവിനോടും അതിന് ഞാന്‍ നന്ദി പറയുന്നു. എന്നെ ഒരു സഹോദരനെ പോലെയാണ് എല്ലാവരും കണ്ടത്. ഞാന്‍ എല്ലാം അവരില്‍ നിന്നാണ് പഠിച്ചത് ഭാഷയും കഥാപാത്രത്തെക്കുറിച്ചുമൊക്കെ. മമ്മൂക്ക പറയുന്നു

നിങ്ങളോടൊപ്പം ഞങ്ങളും വളരുകയാണ്

പാട്ടോ സംഘനമോ കോമഡി രംഗങ്ങളോ നായകനോ നായികയോ ഇല്ലാത്ത ചിത്രമായിട്ടും നിങ്ങള്‍ സ്വീകരിച്ചു. എന്ത് കാണണമെന്ന് പ്രേക്ഷകര്‍ തീരുമാനിച്ചപ്പോഴാണ് ഈ ചിത്രം സ്വീകരിക്കപ്പെട്ടത്. നിങ്ങളോടൊപ്പം ഞങ്ങളും വളരുകയാണ്. പ്രേക്ഷകരുടെ വളര്‍ച്ചയ്‌ക്കൊപ്പം നല്ല സിനിമകള്‍ ഇനിയും തെലുങ്കില്‍ പിറക്കും. യാത്രയുടെ വിജയാഘോഷ ചടങ്ങിനിടെ മമമ്മൂക്ക പറഞ്ഞു.

വൈഎസ് ആറിന്റെ പദയാത്ര

അതേസമയം 70എംഎം എന്റര്‍ടെയ്ന്‍മെന്റ്സ് നിര്‍മ്മിച്ച ചിത്രം 1999മുതല്‍ 2004വരെയുളള വൈഎസ്ആറിന്റെ ജീവിത കാലഘട്ടമാണ് പറഞ്ഞത്. മമ്മൂക്ക മുഖ്യ വേഷത്തിലെത്തിയ ചിത്രത്തില്‍ സുഹാസിനി മണിരത്നം, ആശ്രിത വെമുഗന്ദി തുടങ്ങിയവരും പ്രധാന വേഷങ്ങളിലെത്തിയിരുന്നു. മുന്‍പ് ഇറങ്ങിയ പല രാഷ്ട്രീയ നേതാക്കളുടെയും സിനിമകള്‍ പരാജയപ്പെട്ടപ്പോള്‍ വൈഎസ് ആറിന്റെ ബയോപിക്ക് വിജയിച്ചത് ശ്രദ്ധേയമായി മാറിയിരുന്നു.2004ല്‍ കോണ്‍ഗ്രസിനെ അധികാരത്തില്‍ എത്തിക്കുന്നതില്‍ പ്രധാനപങ്കുവെച്ച വൈഎസ് ആറിന്റെ മൂന്ന് മാസം നീണ്ടുനിന്ന പദയാത്രയാണ് സിനിമയില്‍ പറഞ്ഞത്.