കുഞ്ഞാലി മരയ്ക്കാരായി മമ്മൂട്ടി? എല്ലാവർക്കും അറിയേണ്ടത് ഇത് മാത്രം, തുറന്ന് പറഞ്ഞ് മെഗാസ്റ്റാർ

കുഞ്ഞാലി മരയ്ക്കാറുടെ കഥ പറയുന്ന സിനിമ ചെയ്യുന്നതിനെ കുറിച്ച് ഇതുവരെ തീരുമാനിച്ചിട്ടില്ലെന്ന് മമ്മൂട്ടി പറഞ്ഞു. എന്നാൽ ഇതുവരെ അങ്ങനെയൊരു പ്രൊജക്ടിനെ കുറിച്ച് തീരുമാനമെടുത്തിട്ടില്ലെന്നും ഭാവിയില്‍ ചെയ്യാനും ചെയ്യാതിരിക്കാനും സാദ്ധ്യതയുണ്ടെന്നും മമ്മൂട്ടി പറഞ്ഞു. മമ്മൂട്ടിയെ നായകനാക്കി സന്തോഷ് ശിവന്‍ കുഞ്ഞാലി മരയ്ക്കാര്‍ ചെയ്യുന്നെന്ന റിപ്പോര്‍ട്ടുകള്‍ നേരത്തെ പുറത്തു വന്നിരുന്നു.

സന്തോഷ് ശിവൻ സംവിധാനം ചെയ്യുന്ന ചിത്രത്തിൽ കുഞ്ഞാലി മരയ്ക്കർ നാലാമനെയാണ് മമ്മൂട്ടി അവതരിപ്പിക്കുന്നതെന്ന് റിപ്പോർട്ടുകൾ പുറത്തു വന്നിരുന്നു. ടിപി രാജീവനും ശങ്കർ രാമകൃഷ്ണനും ചേർന്നാണ്, മൂന്ന് വർഷം മുൻപ് പൂർത്തിയാക്കി തിരക്കഥയായിരുന്നു സന്തോഷ് ശിവൻ സിനിയാക്കാൻ ഒരുങ്ങിയതെന്നും റിപ്പോർട്ടുകൽ പ്രചരിച്ചിരുന്നു. ഓഗസ്റ്റ സിനിമാസിന്റ ബാനറിലാണ് ചിത്രം ഒരുങ്ങുന്നതെന്നുമുളള വാർത്തകൾ പ്രചരിച്ചിരുന്നു.

കുഞ്ഞാലി മരയ്ക്കാറിൽ മുഹമ്മദ് അലി മരയ്ക്കാർ എന്ന നാലാമത്തെ പടത്തലവന്റെ ജീവിത കഥയായിരുന്നു ചിത്രത്തിന്റെ പ്രമേയം. നാല് കുഞ്ഞാലി മരയ്ക്കാറുമാരുടെ ജീവിതങ്ങളിൽ നാലമന്റെ ജീവിത കഥയാണ് തന്റെ സിനിമയ്ക്ക് പറ്റിയതെന്നും , അതു കൊണ്ടാണ് നാലമത്തെ മരയ്ക്കാരുടെ ജീവിതം സിനിമയാക്കാൻ തീരരുമാനിച്ചതെന്നും സംവിധായകൻ സന്തോഷ് ശിവൻ നേരത്തെ പറഞ്ഞിരുന്നു.

അതേസമയം മോഹൻലാൽ- പ്രിയദർശൻ കൂട്ട്ക്കെട്ടിൽ ഒരുങ്ങുന്ന മരയ്ക്കാർ അറബികടലിലെ സിംഹം എന്ന സിനിമയുടെ ചിത്രീകരണം പുരോഗമിക്കുകയാണ്. ചിത്രത്തിൽ കുഞ്ഞാലി മരയ്ക്കാർ രണ്ടാമനായിട്ടാണ് മോഹൻലാൽ എത്തുന്നത് .അതേസമയം കുഞ്ഞാലി മരയ്ക്കാർ ചിത്രത്തിന്റെ പേരിൽ ചെറിയ തരത്തിലുളള വിവാദങ്ങൾ ഉയർന്നിരുന്നു വിവാദങ്ങൾ അതിരു കടന്നപ്പോൾ മറുപടിയുമായി മോഹൻലാൽ പ്രിയദർശൻ ടീം രംഗത്തെത്തുകയായിരുന്നു. മമ്മൂട്ടിയെവെച്ച ഫ്ലാൻ ചെയ്ത സിനമ നടക്കില്ലെന്ന് കണ്ടപ്പോഴാണ് തങ്ങൾ ചിത്രവുമായി മുന്നോട്ട് പോകാൻ തീരുമാനിച്ചതെന്ന് മോഹൻലാൽ തന്നെ പറഞ്ഞിരുന്നു. മോഹന്‍ലാല്‍- പ്രിയദര്‍ശന്‍ കൂട്ടുകെട്ടിന്റെ മരയ്ക്കാര്‍ അറബിക്കടലിന്റെ സിംഹം അടുത്ത വര്‍ഷം മാര്‍ച്ച് 19- നാണ് തിയേറ്ററുകളിലെത്തും