തമിഴ് ജനതയെ പ്രസവിക്കാത്ത അമ്മയായിരുന്നു ജയലളിത എന്ന് മെഗാസ്റ്റാര്‍ മമ്മൂട്ടി

അമ്മയാകന്‍ പ്രസവിക്കണ്ട

അമ്മയാകാന്‍ സ്ത്രീ പ്രസവിക്കണമെന്നില്ല എന്നതിനുളള ഏറ്റവും വലിയ തെളിവാണ് ജയലളിത. തമിഴ്ജനതയെ പ്രസവിക്കാത്ത അമ്മയായിരുന്നു എന്നാണ് മമ്മൂട്ടി പറഞ്ഞത്

തമിഴ് ജനതയ്ക്ക്

സഹജീവികളെ സ്വന്തം മക്കളെ പോലെ കാണുകയും അവരുടെ ദൈനംദിന വിഷമങ്ങളില്‍ പോലും പങ്കുചേരുകയും ചെയ്തു. പ്രത്യേകിച്ച് സ്ത്രീകള്‍ക്ക് അവരുടെതായ വിഷമതകളെയും ശാക്തീകരിക്കുന്നതിനുളള ഒരുപാട് ശ്രമങ്ങളും നിയമവ്യവസ്ഥകള്‍ ഉണ്ടാക്കുകയും ചെയ്ത ഭരണാധികാരിയായിരുന്നു ജയലളിത.

രാഷ്ട്രീയത്തില്‍ ഇറങ്ങിയ തീരുമാനം

തിരക്കുളള ചലച്ചിത്ര നടിയായിരുന്നിട്ടുപോലും അതുപേക്ഷിച്ച് രാഷ്ട്രീയത്തില്‍ ഇറങ്ങാന്‍ തീരുമാനിച്ചത് ഒരുപക്ഷെ അവരുടെ ഏറ്റവും നല്ല തീരുമാനമായിരിക്കാം എന്നാണ് തനിക്ക് തോന്നുന്നതെന്നും മമ്മൂട്ടി പറഞ്ഞു. സിനിമയില്‍ തിളങ്ങിനിന്ന സമയത്താണ് അവര്‍ രാഷ്ട്രീയത്തിലേക്കിറങ്ങുന്നത്.

ആ ദുഃഖത്തില്‍ ഞാനും പങ്കുചേരുന്നു

ഒരുപക്ഷെ ഈ ഉരുക്കുവനിതയുടെ വിയോഗം നമ്മുടെ സ്ത്രീസമൂഹത്തിനും പ്രത്യേകിച്ച് രാഷ്ട്രീയത്തിനും തമിഴ്‌നാടിനും ഒരു തീരാദുഃഖമാണ് സൃഷ്ടിച്ചിരിക്കുന്നത്. കുറെക്കാലമായിട്ട് തമിഴ്‌നാട്ടില്‍ താമസിക്കുന്ന എനിക്ക് അത് തിരിച്ചറിയാന്‍ സാധിക്കും. ആ ദുഃഖത്തില്‍ ഞാനും പങ്കുചേരുന്നു. അവര്‍ക്ക് നിത്യശാന്തി നേരുന്നു- മമ്മൂട്ടി പറഞ്ഞു