Don't Miss!
- Automobiles ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
- News മുരളീധരൻ പരാജയഭീതി കൊണ്ട് ഓടിപ്പോയതാണ്, ബലിയാടായിട്ടാണ് ഷാഫിയെ കൊണ്ടിട്ടത്; എളമരം കരീം
- Technology വേറൊന്നും ചിന്തിക്കാനില്ല, തട്ടി പോക്കറ്റിൽ കേറ്റ്! എസ് 24 സ്മാർട്ട്ഫോണുമായി ഐടെൽ
- Sports IPL 2024: രണ്ട് വര്ഷത്തിനുള്ളില് ഈ 22 കാരന് ഇന്ത്യന് ടീമിലെത്തും; യുവതാരത്തെക്കുറിച്ച് ഇര്ഫാന് പഠാന്
- Lifestyle നിങ്ങള് എപ്പോള് മരിക്കും, മരണം പ്രവചിക്കുന്ന എഐ അല്ഗോരിതവുമായി ഡാനിഷ് ഗവേഷകര്, പ്രവര്ത്തനം ഇങ്ങനെ
- Finance ഇതിലും മികച്ച പലിശ സ്വപ്നങ്ങളിൽ മാത്രം, പോസ്റ്റ് ഓഫീസ് നിക്ഷേപങ്ങളുടെ പലിശ നിരക്കറിയാം, ഇപ്പോൾ തന്നെ തുടങ്ങൂ
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
മധുരരാജയ്ക്ക് പിന്നാലെ അടുത്ത മാസ് എന്റര്ടെയ്നറുമായി മെഗാസ്റ്റാര്! സിനിമ ജൂലായ് 16ന്
Recommended Video
തുടര്ച്ചയായ വിജയ ചിത്രങ്ങളുമായി മമ്മൂട്ടി ഈ വര്ഷവും മുന്നേറ്റം തുടരുകയാണ്. തമിഴിലും തെലുങ്കിലും തരംഗമായി മാറിയ താരം മലയാളത്തില് തുടരെ രണ്ട് സിനിമകള് സൂപ്പര്ഹിറ്റാക്കികൊണ്ടാണ് തിളങ്ങിനില്ക്കുന്നത്. ഇനിയും നിരവധി ചിത്രങ്ങളാണ് സൂപ്പര്താരത്തിന്റെതായി പുറത്തിറങ്ങാനിരിക്കുന്നത്. മുന്നിര സംവിധായകര്ക്കൊപ്പവും നവാഗതര്ക്കൊപ്പവും മമ്മൂക്ക ചിത്രങ്ങള് ചെയ്യുന്നുണ്ട്.
മമ്മൂട്ടിയുടെ അജയ് വാസുദേവ് ചിത്രത്തെക്കുറിച്ചുളള റിപ്പോര്ട്ടുകള് അടുത്തിടെയായിരുന്നു പുറത്തുവന്നത്. രാജാധിരാജ എന്ന ചിത്രത്തിലൂടെയായിരുന്നു ഈ കൂട്ടുകെട്ട് മലയാളത്തില് ഒന്നിച്ചിരുന്നത്. സംവിധായകന്റെ അരങ്ങേറ്റ ചിത്രം കൂടിയായിരുന്ന സിനിമ തിയ്യേറ്ററുകളില് ഹിറ്റായി മാറുകയും ചെയ്തിരുന്നു. തുടര്ന്ന് ഇവരൊന്നിക്കുന്ന മൂന്നാമത്തെ ചിത്രമാണ് അണിയറയില് ഒരുങ്ങിക്കൊണ്ടിരിക്കുന്നത്. മെഗാസ്റ്റാര് ചിത്രത്തെക്കുറിച്ചുളള കൂടുതല് വിവരങ്ങള് സോഷ്യല് മീഡിയയില് പുറത്തിറങ്ങിയിരിക്കുകയാണ്.
മമ്മൂട്ടിയും അജയ് വാസുദേവും
രാജാധിരാജ, മാസ്റ്റര്പീസ് എന്നീ സിനിമകളുടെ വിജയത്തിന് ശേഷമാണ് മമ്മൂട്ടിയും അജയ് വാസുദേവും വീണ്ടും ഒന്നിക്കുന്നത്. ഇത്തവണയും ഒരു മാസ് ചിത്രം തന്നെയാകും അണിയറയില് ഒരുങ്ങുകയെന്ന് റിപ്പോര്ട്ടുകള് വന്നിരുന്നു. സിനിമയുടെതായി പുറത്തിറങ്ങിയ ഫാ്ന്മേയ്ഡ് പോസ്റ്ററുകള്ക്കെല്ലാം മികച്ച സ്വീകാര്യതയായിരുന്നു ലഭിച്ചിരുന്നത്. സംവിധായകന് തന്നെയായിരുന്നു മുന്പ് ഇത് പങ്കുവെച്ചിരുന്നത്. വേറിട്ടൊരു ഗെറ്റപ്പിലാണ് ഇത്തവണയും മമ്മൂക്ക പുതിയ ചിത്രത്തില് എത്തുന്നത്.
മാസ് ഘടകങ്ങളും ഉള്പ്പെടുത്തികൊണ്ടായിരിക്കും
നിലവില് സിനിമയുടെ പ്രീ പ്രൊഡക്ഷന് വര്ക്കുകള് പുരോഗമിച്ചുകൊണ്ടിരിക്കുകയാണ്. കുടുംബ പശ്ചാത്തലത്തില് അണിയിച്ചൊരുക്കുന്ന സിനിമ മാസ് ഘടകങ്ങളും ഉള്പ്പെടുത്തികൊണ്ടായിരിക്കും നിര്മ്മിക്കുക. സംവിധായകന്റെ ആദ്യ രണ്ട് ചിത്രങ്ങള് പോലെ ആരാധകര്ക്കും പ്രേക്ഷകര്ക്കും ഒരേപോലെ ഇഷ്ടപ്പെടുത്തുന്ന വിധത്തിലായിരിക്കും സിനിമയുടെ മേക്കിങ്. ഗുഡ് വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ്ജാണ് ചിത്രം നിര്മ്മിക്കുന്നത്.
ജൂലായ് 16നാണ്
ജൂലായ് 16നാണ് മമ്മൂട്ടി- അജയ് വാസുദേവ് ചിത്രം ആരംഭിക്കുകയെന്ന് പുതിയ റിപ്പോര്ട്ടുകള് വന്നിരിക്കുകയാണ്. എറണാകുളമാണ് സിനിമയുടെ പ്രധാന ലൊക്കേഷനെന്നും അറിയുന്നു. ജൂലായ് 16ന് സിനിമയുടെ പൂജയും ഒരു ദിവസത്തെ ഷൂട്ടിംഗും നടക്കും. പതിനേഴിന് കര്ക്കടമാസം ആരംഭിക്കുന്നതിനാലാണ് പതിനാറിന് സിനിമ ആരംഭിക്കുന്നത്. ആഗസ്റ്റ് ഏഴ് മുതലാണ് സിനിമയുടെ പ്രധാന ഭാഗങ്ങള് ചിത്രീകരിക്കുക.
പക്ക മാസ് എന്റര്ടെയ്നര്
ഇത്തവണ ഗോപീ സുന്ദറാണ് മമ്മൂട്ടി അജയ് വാസുദേവ് ചിത്രത്തിന് വേണ്ടി സംഗീതമൊരുക്കുന്നത്. സിനിമ ഒരു പക്ക മാസ് എന്റര്ടെയ്നറായിരിക്കുമെന്ന് സംഗീത സംവിധായകന് നേരത്തെ വ്യക്തമാക്കിയിരുന്നു. ബിബിന് മോഹന് അനീഷ് ഹമീദ് തുടങ്ങിയവരുടെ തിരക്കഥയിലാണ് സംവിധായകന് പുതിയ ചിത്രം അണിയിച്ചൊരുക്കുന്നത്. ആദ്യ രണ്ടു ചിത്രങ്ങളും ഹിറ്റാക്കിയ മമ്മൂക്ക അജയ് വാസുദേവ് കൂട്ടുകെട്ടിലുളള പുതിയ ചിത്രത്തിനായും ആകാംക്ഷകളോടെയാണ് എല്ലാവരും കാത്തിരിക്കുന്നത്.
സിനിമയുടെ ടൈറ്റിലും മറ്റ് വിവരങ്ങളും
എറണാകുളത്ത് ഐഎംഎ ഹാളിലാണ് സിനിമയുടെ പൂജ നടക്കുക. ജൂലായ് 16ന് തന്നെ സിനിമയുടെ ടൈറ്റിലും മറ്റ് വിവരങ്ങളും പുറത്തുവിടുമെന്നാണ് അറിയുന്നത്. വമ്പന് താരനിരയാണ് ഇത്തവണയും മമ്മൂട്ടി ചിത്രത്തില് അണിനിരക്കുന്നത്. മലയാളി താരങ്ങള്ക്കൊപ്പം തമിഴിലെ ഒരു പ്രമുഖ താരവും ചിത്രത്തില് അഭിനയിക്കുന്നുണ്ടെന്നും അറിയുന്നു. മമ്മൂട്ടി അജയ് വാസുദേവ് ചിത്രത്തിനു പുറമെ മാമാങ്കം,പതിനെട്ടാം പടി, ബിലാല്, അമീര് , ഗാനഗന്ധര്വ്വന് തുടങ്ങിയ സിനിമകളും മെഗാസ്റ്റാറിന്റെതായി ആരാധകര് കാത്തിരിക്കുന്ന ചിത്രങ്ങളാണ്.
പടവെട്ടില് നാടന് കഥാപാത്രമായി നിവിന് പോളി! കൂടെ സണ്ണി വെയ്നും! സംഗീതമൊരുക്കാന് ഗോവിന്ദ് വസന്ത
ബിഗ് ബോസ് റിയാലിറ്റി ഷോയുടെ മൂന്നാം പതിപ്പിന് തുടക്കം! തമിഴിലെത്തുന്ന മല്സരാര്ത്ഥികള് ഇവരാണ്!