ദിലീപിനും മുന്‍പേ മമ്മൂട്ടിക്ക് കോളടിച്ചു! നാദിര്‍ഷയ്‌ക്കൊപ്പം അയാം എ ഡിസ്‌കോ ഡാന്‍സര്‍! കാണൂ!

ദിലീപല്ല മമ്മൂട്ടി

മിമിക്രിയില്‍ നിന്നും സിനിമയിലേക്കെത്തി താരമായി മാറിയതാണ് ദിലീപ്. കുടുംബ പ്രേക്ഷകരുടെ പ്രിയനായകനായി മാറിയ താരത്തിന് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്. സിനിമയില്‍ തുടക്കം കുറിച്ചതിന് ശേഷവും നാദിര്‍ഷയെ താരം ഒപ്പ് ചേര്‍ത്തിരുന്നു. അഭിനയമല്ല സംവിധാനത്തോടാണ് തനിക്ക് കൂടുതല്‍ താല്‍പര്യമെന്ന് അദ്ദേഹം വ്യക്തമാക്കിയതോടെയാണ് പൂര്‍ണ്ണ പിന്തുണയുമായി ദിലീപ് ഒപ്പം നിന്നത്. എന്നാല്‍ ദിലീപിനെ നായകനാക്കി നാദിര്‍ഷ സിനിമയൊരുക്കാത്തതെന്താണെന്നായിരുന്നു ആരാധകരുടെ ചോദ്യം. പുതിയ സിനിമയെക്കുറിച്ച് പ്രഖ്യാപിച്ചപ്പോഴാണ് ഇത്തവണയും ദിലീപല്ല പകരം മമ്മൂട്ടിയാണ് നാദിര്‍ഷയ്‌ക്കൊപ്പമെന്ന് എല്ലാവപും അറിഞ്ഞത്.

അയാം എ ഡിസ്‌കോ ഡാന്‍സര്‍

അയാം എ ഡിസ്‌കോ ഡാന്‍സര്‍ എന്ന പേരാണ് സിനിമയ്ക്ക് നല്‍കിയിട്ടുള്ളത്. ആഷിഖ് ഉസ്മാനാണ് സിനിമ നിര്‍മ്മിക്കുന്നത്. 2019 ലെ തന്റെ സിനിമയെക്കുറിച്ച് വ്യക്തമാക്കിയപ്പോഴായിരുന്നു അദ്ദേഹം ഈ സിനിമയെക്കുറിച്ച് വ്യക്തമാക്കിയത്. സിനിമയുടെ പേര് പങ്കുവെച്ചുവെങ്കിലും താരനിര്‍ണ്ണയത്തെക്കുറിച്ചുള്ള റിപ്പോര്‍ട്ടുകളൊന്നും പുറത്തുവിട്ടിരുന്നില്ല. രാജേഷ് പരവൂര്‍, രാജേഷ് പനവള്ളി എന്നിവര്‍ ചേര്‍ന്നാണ് തിരക്കഥയൊരുക്കുന്നത്.

നേരത്തെയും തീരുമാനിച്ചിരുന്നു

മമ്മൂട്ടിയെ നായകനാക്കി സിനിമയൊരുക്കുന്നതിനെക്കുറിച്ച് നാദിര്‍ഷ നേരത്തെ തീരുമാനിച്ചിരുന്നു. മമ്മൂട്ടി ഭിന്നശേഷിക്കാരാനായി എത്തുന്ന സിനിമയായിരുന്നു പ്ലാന്‍ ചെയ്തത്. എന്നാല്‍ ആ സിനിമ നടക്കാതെ പോവുകയായിരുന്നു. പ്രേക്ഷകരെ രസിപ്പിക്കുന്ന തരത്തിലുള്ള സിനിമയായുമായാണ് ഇത്തവണയും നാദിര്‍ഷയും എത്തുന്നതെന്ന തരത്തിലുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നത്.

പതിനെട്ടാം പടിയും മധുരരാജയും

പതിനെട്ടാം പടിയുടെ പോസ്റ്റര്‍ കഴിഞ്ഞ ദിവസം പുറത്തുവിട്ടിരുന്നു. ശങ്കര്‍ രാമകൃഷ്ണന്‍ സംവിധാനം ചെയ്യുന്ന സിനിമയില്‍ അതിഥിയായാണ് താരമെത്തുന്നത്. വൈശാഖ് സംവിധാനം ചെയ്യുന്ന മധുരരാജയുടെ ചിത്രീകരണവും പുരോഗമിച്ച് വരികയാണ്. ഖാലിദ് റഹ്മാന്‍ ചിത്രമായ ഉണ്ടയുടെ ചിത്രീകരണവും ഇതിനോടകം തന്നെ പുരോഗമിച്ചിരുന്നു. മാമാങ്കത്തിലൂടെയും അദ്ദേഹം പ്രേക്ഷകരെ വിസ്മയിപ്പിക്കാനെത്തുന്നുണ്ട്. അമീര്‍, ഗാനഗന്ധര്‍വ്വന്‍, യാത്ര, പേരന്‍പ് തുടങ്ങി നിരവധിവ സിനിമകളാണ് താരത്തിന്റെതായി പുറത്തിറങ്ങാനുള്ളത്.