തിരക്കുകള്‍ മാറ്റി വെച്ചു, മമ്മൂട്ടിയും നയന്‍താരയും വീണ്ടും ഒന്നിക്കുന്നു!

ജീവചരിത്രം

റിപ്പോര്‍ട്ടുകള്‍ അനുസരിച്ച് ആന്ധ്രപ്രദേശിലെ മുന്‍ മുഖ്യമന്ത്രി വൈഎസ് രാജശേഖര റെഡ്ഡിയുടെ ജീവചരിത്രമാണ് പുതിയ ചിത്രമെന്നും കേള്‍ക്കുന്നുണ്ട്. യാത്ര എന്ന പേരില്‍ തെലുങ്കിലാണ് ചിത്രം ഒരുക്കുന്നത്.

നയന്‍താര

നയന്‍താരയാണ് ചിത്രത്തിലെ നായിക വേഷം അവതരിപ്പിക്കുന്നതെന്നാണ് അറിയുന്നത്. എന്നാല്‍ ഇതുമായി ബന്ധപ്പെട്ട് ഔദ്യോഗിക പ്രഖ്യാപനം ഉണ്ടായിട്ടില്ല.

പുതിയ നിയമത്തിന് ശേഷം

പുതിയ നിയമം എന്ന ചിത്രത്തിലാണ് മമ്മൂട്ടി ഒടുവിലായി അഭിനയിച്ചത്. എകെ സാജന്‍ സംവിധാനം ചെയ്ത പുതിയ നിയമം പ്രേക്ഷക ശ്രദ്ധ നേടുകയും ബോക്‌സോഫീസിലും ഏറ്റവും മികച്ച കളക്ഷനാണ് ആ വര്‍ഷം നേടിയത്.

യാത്ര-സംവിധാനം

തെലുങ്ക് യാത്ര തിരക്കഥ എഴുതി സംവിധാനം ചെയ്യുന്നത് തെലുങ്ക് സംവിധായകനായ മാഹി രാഘവാണ്. ചിത്രത്തെ കുറിച്ചുള്ള കൂടുതല്‍ വിവരങ്ങള്‍ ഉടന്‍ പ്രഖ്യാപിക്കുമെന്നാണ് പ്രതീക്ഷിക്കുന്നത്.

മമ്മൂട്ടിയുടെ അടുത്ത ചിത്രം

ഈ വര്‍ഷം ചെറുതും വലുതുമായി ഒട്ടേറെ ചിത്രങ്ങളിലാണ് മമ്മൂട്ടി അഭിനയിക്കുന്നത്. എബ്രഹാമിന്റെ മകന്‍ എന്ന ചിത്രത്തിലാണ് മമ്മൂട്ടി ഇപ്പോള്‍ അഭിനയിച്ചുകൊണ്ടിരിക്കുന്നത്.