മമ്മൂട്ടിയ്ക്ക് നൂറ് കോടി കടക്കാന്‍ പുലിയും ആക്ഷനും വേണ്ട, കോമഡി മതി!!

കോമഡിയിലൂടെ

മമ്മൂട്ടിയുടെ ബ്ലോക്ബസ്റ്റര്‍ ചിത്രങ്ങള്‍ എടുത്തു നോക്കിയാല്‍ അറിയാം, ഹാസ്യത്തിന് പ്രാധാന്യം നല്‍കുന്ന മമ്മൂട്ടി ചിത്രങ്ങള്‍ക്കാണ് റേറ്റിങ് കൂടുതല്‍. രാജ്യമാണിക്യവും പോക്കിരി രാജയുമൊക്കെ ഉദാഹരണം. മറ്റൊരു കോമഡി ചിത്രത്തിലൂടെ മമ്മൂട്ടി അമ്പത് കോടിയും നൂറ് കോടിയും കടക്കും എന്നാണ് ആരാധകര്‍ പറയുന്നത്.

ഏത് ചിത്രം?

ഷാഫി സംവിധാനം ചെയ്യുന്ന പുതിയ ചിത്രത്തിലാണ് മമ്മൂട്ടി അടുത്തതായി അഭിനയിക്കുന്നത്. ഹാസ്യത്തിന് പ്രധാന്യം നല്‍കിയൊരുക്കുന്ന ചിത്രം 2017 ല്‍ റിലീസ് ചെയ്യും. ഈ ചിത്രം നൂറ് കോടി നേടും എന്ന് മമ്മൂട്ടി ഫാന്‍സ് പറയുന്നു. സിദ്ദിഖിന്റെ എസ് ടാക്കീസാണ് ചിത്രം നിര്‍മിയ്ക്കുന്നത്.

നൂറ് കോടി നേടും എന്ന് പറയുന്നത്

സംവിധായകനിലുള്ള വിശ്വാസമാണ് ഈ ആത്മിവിശ്വാസത്തിന് കാരണം. ഷാഫി ഏറ്റവും ഒടുവില്‍ സംവിധാനം ചെയ്ത ടു കണ്‍ട്രീസ് എന്ന ചിത്രം മലയാളത്തിലെ ബ്ലോക്ബസ്റ്റര്‍ ചിത്രങ്ങളിലൊന്നാണ്. ദിലീപും മംമ്ത മോഹന്‍ദാസും ഒന്നിച്ച ചിത്രം 50 കോടിയിലേറെ കലക്ഷന്‍ നേടി.

മമ്മൂട്ടിയും ഷാഫിയും

മമ്മൂട്ടി - ഷാഫി കൂട്ടുകെട്ടിലാണ് പിന്നെ ആരാധകര്‍ക്ക് പ്രതീക്ഷ. തൊമ്മനും മക്കളും (2005) എന്ന ചിത്രത്തിന് വേണ്ടിയാണ് ഈ കൂട്ടുകെട്ട് ഏറ്റവും ആദ്യം ഒന്നിച്ചത്. പിന്നീട് മായാവി (2007), ചട്ടമ്പിനാട് (2009), വെനിസിലെ വ്യാപാരി (2011) എന്നീ ചിത്രങ്ങള്‍ക്ക് വേണ്ടിയും ഷാഫിയും മമ്മൂട്ടിയും ഒന്നിച്ചു.