പേരൻപിൽ അഞ്ജലിയ്ക്ക് പകരം പരിഗണിച്ചത് പ്രമുഖ നടിയെ! പിന്നീട് ഉണ്ടായത്,വെളിപ്പെടുത്തലുമായി മമ്മൂട്ടി

ക്വീന്‍ ഓഫ് ദ്വയ 2018

ട്രാന്‍സ്‌ജെന്‍ഡര്‍ കൂട്ടായ്മ ദ്വയ സംഘടിപ്പിച്ച സൗന്ദര്യ മത്സരമായിരുന്നു ക്വീൻ ഓഫ് ദ്വയ. പരിപാടി ഉദഘാടനം ചെയ്തത് മലയാളികളുടെ പ്രിയ താരം മമ്മൂട്ടിയാണ്. ട്രാൻസ് ജെഡർ സമൂഹത്തിനെ കുറിച്ച് മമ്മൂക്ക പറഞ്ഞത് സോഷ്യൽ മീഡിയയിൽ വൈറലാകുകയാണ്. . ലിംഗത്തിന്റെയോ നിറത്തിന്റെയോ ഭേദമില്ലാതെ എല്ലാവരെയും ഒരു പോലെ മനുഷ്യരായി കണക്കാക്കുന്ന കേരള സമൂഹത്തിന്റെ ഭാഗമായതില്‍ താന്‍ അഭിമാനിക്കുന്നുവെന്ന് അദ്ദേഹം പറഞ്ഞു. ഇന്ത്യയിൽ മറ്റൊരിടത്തം ഇത്തരത്തിലുള്ള ഒരു പരിപാടി സംഘടിക്കാൻ ഒരിക്കലും കഴിയില്ല. വ്യത്യസ്തമായ പരിപാടിയിൽ പങ്കെടുക്കാൻ സാധിച്ചതിലുളള സന്തോഷവും അദ്ദേഹം പങ്കുവെച്ചു.

പേരൻപിലെ അഞ്ജലി അമീർ‌

പരിപാടിയിൽ താരം അഞ്ജലി അമീറിനെ കുറിച്ചും അദ്ദേഹം മനസ് തുറന്നു. പേരൻപ് എന്ന ചിത്രത്തിൽ ട്രാൻജെൻഡറായിട്ടുള്ള ഒരു കഥാപാത്രമുണ്ടെന്നു കേട്ടപ്പോൾ തന്നെ ആദ്യം തന്റെ മനസിൽ എത്തിയത് അഞ്ജലിയുടെ മുഖമായിരുന്നു. മറ്റൊരു പ്രമുഖ താരത്തെയാണ് ഈ കഥാപാത്രത്തിനായി പരിഗണിച്ചത്. അത് തന്നോട് സംവിധായകൻ സൂചിപ്പിക്കുകയും ചെയ്തിരുന്നു. എന്നാൽ ആ കഥാപാത്രം ഒരു ട്രാൻസ് ജെൻഡർ ചെയ്താൽ മാത്രമേ ശരിയാകുകയുള്ളുവെന്ന് ഞാൻ അദ്ദേഹത്തിനോട് പറഞ്ഞു. അങ്ങനെയാണ് അഞ്ജലി ആ സിനിമയിൽ എത്തുന്നത്.

ദ്വയയ്ക്ക് പിന്തുണയുമായി സനിമ ലോകം

സിനിമാ രംഗത്തേയും സാമൂഹിക രംഗത്തേയും നിരവധി പേര്‍ ചടങ്ങില്‍ പങ്കെടുത്തു. പ്രശസ്ത ട്രാൻസ്ജെൻഡർ നർത്തകിയായ മാലിക പണിക്കർ, സിനിമാ താരങ്ങളായ ലക്ഷ്മി ഗോപാലസ്വാമി, ഇനിയ, ഷംന കാസിം, കൃഷ്ണപ്രിയ ആൻഡ് ബോണി സംഘം, ട്രാൻസ്ജെൻഡർ നർത്തകിയായ ദീപ്തി കല്യാണി തുടങ്ങിയവരുടെ നൃത്തവും നിരവധി പ്രഗദ്ഭരുടെ സംഗീത പരിപാടിയും വേദിയിൽ അരങ്ങേറിയിരുന്നു. കൂടാതെ ട സമൂഹത്തിൽ തന്നെ മറ്റൊരു മാറ്റം സൃഷ്ടിച്ച കേരളത്തിലെ ആദ്യ ട്രാന്‍സ്‌ജെന്‍ഡര്‍ ദമ്പതിമാരായ സൂര്യ, ഇഷാന്‍ എന്നിവരെ ചടങ്ങില്‍ ആദരിച്ചു.

ദ്വയയിൽ ജയസൂര്യയും‌‌

മമ്മൂട്ടിയെ കൂടാതെ ജയ സൂര്യയും ചടങ്ങിലെ അതിഥിയായിരുന്നു. ട്രാൻസ് ജെൻഡേഴ്സിന്റെ ജീവിത കഥ പറഞ്ഞ ചിത്രമായ ജയസൂര്യയുടെ ഞാൻ മേരിക്കുട്ടി സൂപ്പർ ഡ്യൂപ്പർ ഹിറ്റായി തിയേറ്ററുകൾ ഓടുകയാണ്. സമൂഹത്തിൽ നിന്ന് മികച്ച പ്രതികരണമാണ് മേരിക്കുട്ടിയ്ക്ക് ലഭിക്കുന്നത്. ഈ ചിത്രം ട്രാൻസ് ജെൻഡർ സമൂഹത്തിന് ഒരു മുതൽകൂട്ടാണ്.