പ്രൊഡക്ഷന്‍ കണ്‍ട്രോളര്‍ ബാദ്ഷായുടെ ഗൃഹപ്രവേശന ചടങ്ങില്‍ മമ്മൂട്ടി എത്തിയപ്പോള്‍

ചിത്രീകരണത്തിനിടെ

ശ്യാംദര്‍ സംവിധാനം ചെയ്യുന്ന പുള്ളിക്കാരന്‍ സ്റ്റാറാണ് എന്ന ചിത്രത്തിന്റെ ഷൂട്ടിങിനിടെയാണ് മമ്മൂട്ടി പ്രൊഡക്ഷന്‍ കണ്‍ട്രോളര്‍ ബാദ്ഷായുടെ ഗൃഹപ്രവേശന ചടങ്ങില്‍ പങ്കെടുക്കാനെത്തിയത്.

സ്‌പെഷ്യല്‍ റിലീസ്

ചിത്രം റിലീസ് ചെയ്യുന്ന ദിവസവും മമ്മൂട്ടിയുടെ ജന്മദിനമായ സെപ്തംബര്‍ ഏഴിനും ചിത്രത്തിന്റെ സ്‌പെഷ്യല്‍ പ്രദര്‍ശനങ്ങളുണ്ടാകുമെന്നാണ് അറിയുന്നത്.

മമ്മൂട്ടിയുടെ കഥാപാത്ര രഹസ്യം

ടീച്ചേഴ്‌സ് ട്രെയിനറുടെ വേഷത്തിലാണ് ചിത്രത്തില്‍ മമ്മൂട്ടി എത്തുന്നത്. അടുത്തിടെ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടിരുന്നുവെങ്കിലും മമ്മൂട്ടിയുടെ കഥാപാത്രം വെളിപ്പെടുത്തിയിരുന്നില്ല. പിന്നീടാണ് കഥാപാത്രത്തെ വെളിപ്പെടുത്തി ഫോട്ടോസ് സോഷ്യല്‍ മീഡിയയില്‍ എത്തിയിരുന്നത്.

സൂപ്പര്‍സ്റ്റാറുകള്‍ ഒന്നിച്ച് എത്തും

ടീച്ചേഴ്‌സ് ട്രെയിനറായി മമ്മൂട്ടി എത്തുന്ന പുള്ളിക്കാരന്‍ സ്റ്റാറാ എന്ന ചിത്രത്തിനൊപ്പം മോഹന്‍ലാല്‍ അധ്യാപകന്റെ വേഷത്തിലെത്തുന്ന വെളിപാടിന്റെ പുസ്തകം എന്ന ചിത്രവും തിയേറ്ററുകളില്‍ എത്തും. പ്രേക്ഷകരെ ആകാംക്ഷയിലാഴ്ത്തുന്നതും ഇത് തന്നെയാണ്.

മമ്മൂട്ടിയ്‌ക്കൊപ്പം

ആശാ ശരതും ദീപ്തി സതിയുമാണ് പുള്ളിക്കാരന്‍ സൂപ്പര്‍സ്റ്റാറാണ് എന്ന ചിത്രത്തില്‍ നായികമാരായി എത്തുന്നത്. കൊച്ചിയിലും ഇടുക്കിയിലുമായാണ് ചിത്രത്തിന്റെ ഷൂട്ടിങ് നടന്നത്.

നിര്‍മാണം

യൂണിവേഴ്‌സല്‍ സിനിമയുടെ ബാനറില്‍ ബി രാകേഷാണ് ചിത്രം നിര്‍മിക്കുന്നത്. ആന്റോ ജോസഫ് ഫിലിം കമ്പനിയാണ് ചിത്രം തിയേറ്ററുകളില്‍ എത്തിക്കുന്നത്.

ക്യാമറയ്ക്ക് പിന്നില്‍

നവാഗതനായ രതീഷ് രവിയാണ് ചിത്രത്തിന്റെ രചന നിര്‍വ്വഹിക്കുന്നത്. എം ജയചന്ദ്രനാണ് സംഗീത സംവിധാനം നിര്‍വ്വഹിച്ചത്. ക്യാമറ വിനോദ് ഇല്ലമ്പിള്ളിയാണ്.

മാസ്റ്റര്‍ പീസ്

അതേസമയം അജയ് വാസുദേവ് സംവിധാനം ചെയ്യുന്ന മാസ്റ്റര്‍ പീസ് എന്ന ചിത്രത്തിന്റെയും ചിത്രീകരണം പുരോഗമിക്കുകയാണ്. വരലക്ഷ്മിയാണ് ചിത്രത്തിലെ മമ്മൂട്ടിയുടെ നായിക വേഷം അവതരിപ്പിക്കുന്നത്.