മമ്മൂട്ടി കാട്ടാളന്‍ പൊറിഞ്ചുവാകുന്നു? ഇതിഹാസങ്ങള്‍ മാത്രമല്ല, പട്ടികയിലുള്ള സിനിമകള്‍ കിടുക്കും!!

ടോം ഇമ്മട്ടിയുടെ സിനിമ

ഒരു മെക്‌സിക്കന്‍ അപാരതയിലൂടെ സംവിധാനത്തില്‍ അരങ്ങേറ്റം കുറിച്ച സംവിധായകന്‍ ടോം ഇമ്മട്ടിയുടെ വരാനിരിക്കുന്ന സിനിമയിലെ നായകന്‍ മമ്മൂട്ടിയാണെന്നാണ് റിപ്പോര്‍ട്ടുകള്‍. ഇക്കാര്യം സംവിധായകന്‍ തന്നെ വ്യക്തമാക്കിയതായി ചില ഓണ്‍ലൈന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു.

കാട്ടാളന്‍ പൊറിഞ്ചു

ഇത്തവണ സിനിമയുടെ പേരില്‍ വളരെയധികം വ്യത്യസ്തതയുണ്ട്. കാട്ടാളന്‍ പൊറിഞ്ചു എന്നാണ് ടോമിന്റെ പുതിയ സിനിമയുടെ പേര്. 1985 കാലഘട്ടത്തിലുള്ള തൃശൂരിനെ പശ്ചാതലമാക്കിയാണ് സിനിമ നിര്‍മ്മിക്കുന്നത്.

തിരക്കഥയൊരുങ്ങുന്നു..

സിനിമയുടെ കഥ മമ്മൂട്ടിയ്ക്ക് ഇഷ്ടമായിരിക്കുകയാണ്. എന്നാല്‍ സിനിമയുടെ തിരക്കഥ രചന അവസാന ഘട്ടത്തിലേക്ക് എത്തുന്നതെ ഉള്ളു. മമ്മൂട്ടി നിലവില്‍ ഏറ്റെടുത്തിരിക്കുന്ന സിനിമകളുടെ തിരക്ക് കഴിഞ്ഞിട്ടായിരിക്കും കാട്ടാളന്‍ പൊറിഞ്ചു നിര്‍മ്മിക്കുന്നത്.

മറ്റൊരു സിനിമ

ആദ്യ സിനിമയ്ക്ക് ശേഷം ആറോളം സിനിമയായിരുന്നു ടോം ഇമ്മട്ടി ഏറ്റെടുത്തിരിക്കുന്നത്. മമ്മൂട്ടി ചിത്രം നിര്‍മ്മിക്കാന്‍ വൈകിയാല്‍ അതിന് മുമ്പ് മറ്റൊരു സിനിമ നിര്‍മ്മിക്കാനുള്ള സാധ്യതയുണ്ടെന്നും സംവിധായകന്‍ വ്യക്തമാക്കുന്നു.

ടൊവിനോയുടെ സിനിമ

ടൊവിനോ തോമസിനെ നായകനാക്കി ഒരു ബിഗ് ബജറ്റ് ചിത്രം അനൗണ്‍സ് ചെയ്തിരുന്നു. ഹനോ എന്ന് പേരിട്ടിരിക്കുന്ന ഒരു ത്രീഡി സിനിമയാണ് ടോം ഇമ്മട്ടി സംവിധാനം ചെയ്യുന്നതായി പ്രഖ്യാപിച്ചിരുന്നത്. സിനിമ ഉപേക്ഷിച്ചിട്ടില്ലെന്നും അതിനെ കുറിച്ചുള്ള ചര്‍ച്ചകള്‍ നടക്കുന്നതായിട്ടുമാണ് റിപ്പോര്‍ട്ടുകള്‍.