മാമാങ്കത്തിന് പിന്നാലെ പൊളിച്ചടുക്കാന്‍ മെഗാസ്റ്റാറിന്റെ ഷൈലോക്ക്! ഫസ്റ്റ്‌ലുക്ക് പോസ്റ്റര്‍ നാളെ

ഷൈലോക്കില്‍ നെഗറ്റീവ് ഷേഡുളള ഒരു കഥാപാത്രത്തെയാണ് മമ്മൂക്ക അവതരിപ്പിക്കുന്നതെന്ന് മുന്‍പ് റിപ്പോര്‍ട്ടുകളുണ്ടായിരുന്നു. മമ്മൂട്ടിക്കൊപ്പം തമിഴ് താരം രാജ്കിരണും ചിത്രത്തില്‍ പ്രധാന വേഷത്തില്‍ എത്തുന്നു. ഇത്തവണയും ഒരു മാസ് എന്റര്‍ടെയ്‌നര്‍ ചിത്രമാണ് ഈ കൂട്ടുകെട്ടില്‍ ഒരുങ്ങുന്നത്‌. ഷൈലോക്കില്‍ പലിശക്കാരന്റെ റോളിലാണ് സൂപ്പര്‍ താരം എത്തുന്നതെന്നും റിപ്പോര്‍ട്ടുകളുണ്ടായിരുന്നു.

മെഗാസ്റ്റാറിന്റെ ആരാധകര്‍ ഒന്നടങ്കം വലിയ പ്രതീക്ഷകളോടെയാണ് ചിത്രത്തിന് വേണ്ടി കാത്തിരിക്കുന്നത്. അതേസമയം സിനിമയുടെ ഫസ്റ്റ്ലുക്ക് റിലീസ് സംബന്ധിച്ച പുതിയ റിപ്പോര്‍ട്ട് സോഷ്യല്‍ മീഡിയയില്‍ പുറത്തിറങ്ങിയിരുന്നു. നവംബര്‍ 9 രാത്രി ഏഴ് മണിക്ക് ഷൈലോക്കിന്റെ ഫസ്റ്റ്‌ ലുക്ക് പുറത്തുവിടുമെന്നാണ് അണിയറ പ്രവര്‍ത്തകര്‍ അറിയിച്ചിരിക്കുന്നത്.

ഗുഡ്‌വില്‍ എന്റര്‍ടെയ്ന്‍മെന്‌റസിന്റെ ബാനറില്‍ ജോബി ജോര്‍ജ്ജാണ് മെഗാസ്റ്റാര്‍ ചിത്രം നിര്‍മ്മിക്കുന്നത്. അതേസമയം ചിത്രീകരണം പൂര്‍ത്തിയായ സിനിമ അവസാന ഘട്ട പോസ്റ്റ് പ്രൊഡക്ഷന്‍ ജോലികളിലാണുളളത്. ഒരിടവേളയ്ക്ക് ശേഷം മീന മമ്മൂട്ടിയുടെ നായികയായി വീണ്ടും എത്തുന്ന ചിത്രമാണ് ഷൈലോക്ക്. ഇവര്‍ക്കൊപ്പം കലാഭവന്‍ ഷാജോണ്‍,ബിബിന്‍ ജോര്‍ജ്ജ് തുടങ്ങിയവരും സിനിമയില്‍ പ്രധാന വേഷങ്ങളില്‍ എത്തുന്നുണ്ട്.

Recommended Video

Shylock and Big Brother To Fight It Out For Christmas | FIlmiBeat Malayalam

വില്ലന്‍ വേഷത്തിലാണ് ഷൈലോക്കില്‍ കലാഭവന്‍ ഷാജോണ്‍ എത്തുന്നത്. രണദിവ് ഛായഗ്രാഹണം നിര്‍വഹിക്കുമ്പോള്‍ ഗോപി സുന്ദറാണ് സംഗീത സംവിധാനം. മമ്മൂട്ടി അജയ് വാസുദേവ് കൂട്ടുകെട്ടില്‍ പുറത്തിറങ്ങിയ ആദ്യ രണ്ട് ചിത്രങ്ങളും തിയ്യേറ്ററുകളില്‍ വിജയം നേടിയിരുന്നു. ഷൈലോക്കും ഊ കൂട്ടുകെട്ടിലെ അടുത്ത വിജയ ചിത്രമാകുമെന്നാണ് എല്ലാവരും പ്രതീക്ഷിക്കുന്നത്.