ഷൈലോക്കിലെ ഐറ്റം സോംഗ് ആഘോഷമാക്കി ആരാധകര്‍! ട്രെന്‍ഡിംഗില്‍ ഒന്നാമതായി പാട്ട്

ഗോപി സുന്ദറാണ് ഷൈലോക്കിന് വേണ്ടി സംഗീതമൊരുക്കിയിരിക്കുന്നത്. ഷൈലോക്കിലെ ബാര്‍ സോങ് എന്ന പേരില്‍ പുറത്തിറങ്ങിയ പാട്ട് ആറ് ലക്ഷത്തിലധികം പേരാണ് ഇപ്പോള്‍ യൂടുബില്‍ കണ്ടുകഴിഞ്ഞിരിക്കുന്നത്. യൂടുബ് ട്രെന്‍ഡിംഗില്‍ ഒന്നാമത് എത്തിക്കൊണ്ടാണ് ഈ പാട്ട് മുന്നേറികൊണ്ടിരിക്കുന്നത്. രജനീകാന്ത് ചിത്രം പടയപ്പയില്‍ രമ്യാ കൃഷ്ണ പറയുന്ന ഡയലോഗും ഗാനരംഗത്തില്‍ ഉള്‍പ്പെടുത്തിയിരുന്നു.

ഷൈലോക്കിലെ ആദ്യ ഗാനത്തിന് മികച്ച പ്രേക്ഷക സ്വീകാര്യതയാണ് ലഭിച്ചുകൊണ്ടിരിക്കുന്നത്. ഷൈലോക്കില്‍ മമ്മൂക്ക പൂണ്ടുവിളയാടുമെന്നാണ് ആരാധകര്‍ ഒന്നടങ്കം അഭിപ്രായപ്പെടുന്നത്. രാജമാണിക്യം പോലെ പക്ക എന്റര്‍ടെയ്‌നറായിരിക്കും ചിത്രമെന്നും കമന്റുകള്‍ വരുന്നു. ഈ ഗാനരംഗത്തിന് ശേഷം മമ്മൂക്കയുടെ കിടിലന്‍ ആക്ഷന്‍ രംഗങ്ങളുണ്ടാകുമെന്നും ആരാധകര്‍ അഭിപ്രായപ്പെടുന്നുണ്ട്.

മമ്മൂട്ടിക്കൊപ്പം ബൈജു സന്തോഷ്, ഹരീഷ് കണാരന്‍ തുടങ്ങിയവരാണ് ഷൈലോക്കിലെ ആദ്യ ഗാനരംഗത്തില്‍ പ്രത്യക്ഷപ്പെടുന്നത്. ഗോപി സുന്ദറിന്റെ സംഗീതത്തില്‍ ശ്വേത അശോക്, നാരായണി ഗോപന്‍, നന്ദ തുടങ്ങിയവര്‍ ചേര്‍ന്നാണ് ഈ പാട്ട് പാടിയിരിക്കുന്നത്. മധുരരാജയുടെ വന്‍ വിജയത്തിന് പിന്നാലെയാണ് മെഗാസ്റ്റാറിന്റെ മറ്റൊരു മാസ് എന്റര്‍ടയെ്‌നര്‍ കൂടി വരുന്നത്.

ഷൈലോക്ക് ഓഡിയോ ലോഞ്ചില്‍ സ്റ്റെെലിഷ് ഗെറ്റപ്പില്‍ മെഗാസ്റ്റാര്‍! തരംഗമായി ചിത്രങ്ങള്‍

അജയ് വാസുദേവാണ് ഷൈലോക്ക് സംവിധാനം ചെയ്തിരിക്കുന്നത്. രാജാധിരാജ,മാസ്റ്റര്‍പീസ് തുടങ്ങിയ സിനിമകള്‍ക്ക് ശേഷമാണ് ഷൈലോക്കില്‍ മമ്മൂക്കയും സംവിധായകനും ഇവര്‍ ഒന്നിച്ചിരിക്കുന്നത്. മീന ഒരിടവേളയ്ക്ക് ശേഷം മമ്മൂട്ടിയുടെ നായികയാവുന്ന ചിത്രത്തില്‍ തമിഴ് താരം രാജ്കിരണ്‍, ബിബിന്‍ ജോര്‍ജ്ജ്, കലാഭവന്‍ ഷാജോണ്‍ തുടങ്ങിയവരും മറ്റു പ്രധാന വേഷങ്ങളില്‍ എത്തുന്നുണ്ട്.

പക്രു ചേട്ടനൊക്കെ നല്‍കാറുളള പിന്തുണ വാക്കുകള്‍ക്കതീതമാണ്! നടനെക്കുറിച്ച് മനസ് തുറന്ന് സൂരജ്‌