ഹോളിവുഡ് താരങ്ങളൊക്കെ എന്ത്! മമ്മൂക്ക കൂളിങ് ഗ്ലാസ് ധരിച്ചാൽ കഥ മാറും...

അടുത്തയിടത്ത് പ്രേക്ഷകരുടെ ഇടയിൽ ചർച്ചയായ മമ്മൂട്ടി ചിത്രമാണ് പതിനെട്ടാം പടി. ചിത്രത്തിലെ മമ്മൂട്ടിയുടെ ലുക്ക് ഏറെ ശ്രദ്ധിക്കപ്പെട്ടിരുന്നു. കൂളിങ് ഗ്ലാസ് ധരിച്ച് കെട്ടിവെച്ച് നീണ്ട മുടിയുമായി പ്രത്യക്ഷപ്പെട്ട മമ്മൂക്കയുടെ ലുക്ക് ചിത്രത്തിലെ ഒരു പ്രധാനപ്പെട്ട ഹൈലൈറ്റ് ആയിരുന്നു. ഇത്തരത്തിലുളള ലിക്കിൽ ആദ്യമായിട്ടായിരുന്നു താരം എത്തുന്നത്.

പ്രേക്ഷകർ ആകാംക്ഷയോടെ കാത്തിരിക്കുന്ന ചിത്രമാണ് ഷൈലോക്ക്. അജയ് വാസുദേവ് സംവിധാനം ചെയ്യുന്ന ചിത്രത്തിൽ കിടിലൻ ലുക്കിലാണ് മമ്മൂക്ക പ്രത്യക്ഷപ്പെട്ടിരിക്കുന്നത്. മുടി നീട്ടി വളർത്തിയ ഗെറ്റപ്പിൽ തന്നെയാണ് ഈ ചിത്രത്തിൽ എത്തുന്നത്. ക്ലീൻ ഷേവിൽ കട്ടി മീശയാണ് ലിക്കിലെ പ്രധാന ഹൈലൈറ്റ്. കറുത്ത വസ്ത്രം ധരിച്ചാണ് ചിത്രത്തിൽ താരം എത്തുന്നതെന്നുള്ള റിപ്പോർട്ടുകൾ പ്രചരിക്കുന്നു. പുറത്തു വന്ന ചിത്രം അതിനെ ശരി വയ്ക്കുന്നതാണ്.

2018 ൽ പുറത്തു വന്ന അബ്രഹാമിന്റെ സന്തതികളിലെ പോലീസ് ഓഫീസറായുള്ള ഗെറ്റപ്പും ശ്രദ്ധിക്കപ്പെട്ടിരുന്നു. നിരഹവധി പോലീസ് വേഷത്തിൽ താരം എത്തിയിട്ടുണ്ടെങ്കിലും അബ്രഹാമിന്റെ സന്തതികളിലെ ബ്ലാക്ക് ആന്റ് വൈറ്റ് ഗെറ്റപ്പ് ശ്രദ്ധിക്കപ്പെട്ടിരുന്നു. രണ്ട് ലുക്കിലായിരുന്നു ചിത്രത്തിൽ മമ്മൂക്ക എത്തിയത്. ഒന്ന് താടിവെച്ചുള്ള ഗെറ്റപ്പിൽ എത്തിയപ്പോൾ മറ്റെന്ന് ക്ലീൻ ഷേവ് ചെയത, കട്ടി മീശയിൽ തനി പോലീസ് ശൈലിയിൽ എത്തിയിരുന്നു.

2017 ൽ പുറത്തു വന്ന മാസ്റ്റർപീസിലെ തരത്തിന്റെ ലുക്കും സ്റ്റൈലും പ്രേക്ഷകർ ആഘോഷമാക്കിയിരുന്നു. ചിത്രം പുറത്തു വന്നപ്പോൾ സമൂഹമാധ്യമങ്ങളിലും സിനിമ കോളങ്ങളിലും താരത്തിന്റെ ലുക്കും സ്റ്റൈലുമെല്ലാം ചർച്ചയായിരുന്നു. പ്രേക്ഷകർ തിയേറ്ററുകളിൽ ആരവത്തോടെയാണ് ചിത്രത്തെ സ്വീകരിച്ചത്.

Recommended Video

മമ്മൂക്കയുടെ മൊഞ്ചിന് കാരണം ഈ ഭക്ഷണം | secret food behind mammootty's diet | FIlmiBeat Malayalam

ഗ്രേറ്റ് ഫാദറിലെ ഡേവിഡ് നൈനാനെ പ്രേക്ഷകർക്ക് അത്ര വേഗം മറക്കാൻ സാധിക്കില്ല. 2017 ൽ പുറത്തിറങ്ങിയ മമ്മൂട്ടി ചിത്രങ്ങളിൽ ഏറ്റവും കിടിലൻ ലുക്കിൽ പ്രത്യക്ഷപ്പെട്ട ചിത്രമായിരുന്നു ഗ്രേറ്റ് ഫാദർ. ചിത്രത്തിലെ താരത്തിന്റെ ലുക്ക് പോലെ തന്നെ അതീവ സ്റ്റൈലീഷായിട്ടാണ് ചിത്രത്തിൽ മമ്മൂക്കയെ അവതരിപ്പിച്ചിരിക്കുന്നത്. ചിത്രത്തിലെ മെഗാസ്റ്റാറിന്റ ഇൻടോ തിയേറ്ററുകളിൽ കയ്യടിയോടെയായിരുന്നു വരവേറ്റത്.