Click it and Unblock the Notifications
സച്ചിയുടെ തിരക്കഥയില് മമ്മൂട്ടി ചിത്രം
ഇപ്പോഴിതാ മമ്മൂട്ടി ഒരിയ്ക്കല് കൂടി ബാവുട്ടിയാകാനൊരുങ്ങുകയാണ്. ഒരു രണ്ടാംഭാഗമാണെന്ന് തെറ്റിദ്ധരിയ്ക്കേണ്ട, നവാഗതനായ അരുണ് ഗോപി സംവിധാനം ചെയ്യുന്ന പുതിയ ചിത്രത്തില് ബാവുട്ടിയെന്ന കഥാപാത്രത്തിനോട് സാദൃശ്യമുള്ള വേഷത്തിലാണ് മമ്മൂട്ടിയെത്തുന്നത്.
ബാവുട്ടിയെന്ന കഥാപാത്രവുമായി ഏറെ ചേര്ന്ന് നില്ക്കുന്നതായിരിക്കും തന്റെ സിനിമയിലെ കഥാപാത്രവുമെന്ന് അരുണ് ഗോപി പറയുന്നു. കുടുംബപ്രേക്ഷകരെ ലക്ഷ്യം വച്ചൊരുക്കുന്ന ചിത്രത്തില് ബന്ധങ്ങളുടെ മൂല്യവും പ്രാധാന്യവുമാണ് ചര്ച്ച ചെയ്യുന്നത്..യുവതിരക്കഥാകൃത്തുക്കളില് ശ്രദ്ധേയനായ സച്ചിയാണ് ഈ ചിത്രത്തിന് വേണ്ടി തൂലിക ചലിപ്പിയ്ക്കുന്നത്.
എന്നും നവാഗതര്ക്ക് പ്രോത്സാഹനം നല്കിയിട്ടുള്ള മമ്മൂട്ടിയെന്നും തനിയ്ക്കും അത് ലഭിയ്ക്കുമെന്ന് തന്നെയാണ് കരുതുന്നതെന്നും അരുണ് പറയുന്നു. ഈ വര്ഷാവസാനത്തോടെ ചിത്രം തിയറ്ററുകളിലെത്തിയ്ക്കാനാണ് സംവിധായകന്റെ ശ്രമം.
Continue with Google