ദിലീപിന്റെ ലക്കി നായിക മഞ്ജു വാര്യരുടെ ചിത്രത്തില്‍, മഞ്ജു സ്വീകരിക്കുമോ .. ?

മഞ്ജുവിനൊപ്പം

നവാഗതനായ ഫാന്റം പ്രവീണ്‍ സംവിധാനം ചെയ്യുന്ന പുതിയ ചിത്രത്തിലാണ് മംമ്ത മോഹന്‍ദാസ് മഞ്ജു വാര്യര്‍ക്കൊപ്പം അഭിനയിക്കുന്നത്. ഒരു സ്ത്രീപക്ഷ ചിത്രമാണ്. മഞ്ജുവാണ് കേന്ദ്ര കഥാപാത്രം.

സിനിമാ പശ്ചാത്തലം

വിധവയായ സാധാരണ ഒരു സ്ത്രീയായിട്ടാണ് മഞ്ജു ചിത്രത്തില്‍ എത്തുന്നത്. പതിനഞ്ചുകാരിയായ മകളെ വളര്‍ത്താന്‍ സുജാത എന്ന കഥാപാത്രം പെടുന്ന പെടാപ്പാടുകളാണ് സിനിമയുടെ പശ്ചാത്തലം. ചിത്രത്തില്‍ ജില്ലാ കലക്ടറായിട്ടാണ് മംമ്ത എത്തുന്നത്.

ചാര്‍ലി ടീം

ദുല്‍ഖര്‍ സല്‍മാന്റെ ചാര്‍ലി ടീം വീണ്ടും മഞ്ജുവിന് വേണ്ടി ഒന്നിയ്ക്കുന്നു എന്ന പ്രത്യേകതയും ഈ പേരിടാത്ത ചിത്രത്തിനുണ്ട്. ജോജു ജോര്‍ജ്ജും മാര്‍ട്ടിന്‍ പ്രക്കാട്ടും ചേര്‍ന്നാണ് സിനിമ നിര്‍മിയ്ക്കുന്നത്.

മംമ്ത തിരക്കിലാണ്

മമ്മൂട്ടിയ്‌ക്കൊപ്പം അഭിനയിച്ച തോപ്പില്‍ ജോപ്പനാണ് മംമ്തയുടേതായി ഏറ്റവുമൊടുവില്‍ തിയേറ്ററിലെത്തിയ ചിത്രം. പൃഥ്വിരാജിന്റെ ഡെട്രോയിറ്റ് ക്രോസിങ് എന്ന ചിത്രത്തിലാണ് നിലവില്‍ നടി അഭിനയിച്ചുകൊണ്ടിരിയ്ക്കുന്നത്. വേണു സംവിധാനം ചെയ്യുന്ന ഫഹദ് ഫാസിലിന്റെ കാര്‍ബണ്‍ എന്ന ചിത്രത്തിലും മംമ്ത കരാറൊപ്പുവച്ചിട്ടുണ്ട്.