ദാമ്പത്യ തകര്‍ച്ചയുടെ പ്രതികാരം?'ലേഡി സൂപ്പര്‍സ്റ്റാറും' 'ബോംബെ കുമാരനും' 'മുഖ്യസാക്ഷി' എത്തുന്നു!

സിനിമയാക്കിയാല്‍ എങ്ങനെയിരിക്കും?

ലേഡി സൂപ്പര്‍ സ്റ്റാര്‍ നായികയാവുന്ന മുഖ്യ സാക്ഷി എന്ന സിനിമയുടെ ചിത്രീകരണമാണ് നടക്കുന്നതെന്ന തരത്തിലാണ് ഫേസ്ബുക്ക് പോസ്റ്റ്. ശ്രീജിത്ത് പെരുമനയുടെ പോസ്റ്റ് പ്രകാരം സ്രാവ് സുനി പ്രധാന വേഷത്തിലെത്തുന്ന ചിത്രം ടവര്‍ ലൊക്കേഷന് കീഴില്‍ ബോംബെ കുമാരനാണ് നിര്‍മ്മിക്കുന്നത്. ഈവനിങ് പോലീസ് വിതരണം ചെയ്യുമെന്നും അദ്ദേഹം കുറിച്ചിട്ടുണ്ട്.

പ്രധാനസാക്ഷിയായി മഞ്ജു വാര്യര്‍

നടി ആക്രമിക്കപ്പെട്ട കേസിലെ കുറ്റപത്രം സമര്‍പ്പിച്ച സാഹചര്യത്തിലാണ് പ്രധാന സാക്ഷി മഞ്ജു വാര്യരെന്ന തരത്തില്‍ റിപ്പോര്‍ട്ടുകള്‍ വന്നത്. നിരവധി സിനിമാപ്രവര്‍ത്തകര്‍ സാക്ഷിപ്പട്ടികയില്‍ ഉണ്ടെന്നും റിപ്പോര്‍ട്ടില്‍ പറയുന്നുണ്ട്.

പക തീര്‍ക്കാന്‍ വേണ്ടി ചെയ്തത്

വ്യക്തിപരമായ വൈരാഗ്യം തീര്‍ക്കുന്നതിന് വേണ്ടിയാണ് ദിലീപ് നടിയെ ആക്രമിച്ചതെന്നാണ് അന്വേഷണ സംഘത്തിന്റെ ഭാക്ഷ്യം. ആദ്യ വിവാഹത്തിലെ തകര്‍ച്ചയാണ് ഈ പകയ്ക്ക് പിന്നിലെന്നും അന്വേഷണ സംഘം പറയുന്നു.

പകയുടെ കാരണങ്ങള്‍

നടിയോട് പക തോന്നാനുള്ള കാരണവും കുറ്റപത്രത്തില്‍ വിവരിച്ചിട്ടുണ്ട്. പ്രധാനമായും എട്ട് കാരണങ്ങളാണ് ഈ കൃത്യത്തിലേക്ക് വഴി തെളിയിച്ചതെന്നും അന്വേഷണ സംഘം കണ്ടെത്തിയിട്ടുണ്ട്.

ദാമ്പത്യ ജീവിതം തകര്‍ന്നതിന് പിന്നില്‍

സുഗമമായി മുന്നേറിയിരുന്ന ദാമ്പത്യ ജീവിതത്തില്‍ വിള്ളലുകള്‍ വീണത് നടിയുടെ ഇടപെടലിന് ശേഷമായിരുന്നു. നടിയുടെ ചില പെരുമാറ്റങ്ങളും പരമാര്‍ശങ്ങളുമാണ് വിവാഹ മോചനത്തിലേക്ക് വഴി തെളിയിച്ചതെന്നാണ് ദിലീപ് വിശ്വസിക്കുന്നതെന്ന് അന്വേഷണം സംഘം ചൂണ്ടിക്കാണിക്കുന്നു.

സിനിമാ മേഖലയില്‍ നിന്നുള്ള സാക്ഷികള്‍

മഞ്ജു വാര്യരടക്കം സിനിമാ മേഖലയില്‍ നിന്നുള്ള നിരവധി പേരെ സാക്ഷികളായി കുറ്റപത്രത്തില്‍ ഉള്‍പ്പെടുത്തിയിട്ടുണ്ട്. ദിലീപും നടിയും തമ്മിലുള്ള പ്രശ്‌നങ്ങള്‍ അറിയാവുന്നവരെയാണ് സാക്ഷികളായി ഉള്‍പ്പെടുത്തിയതെന്നും അന്വേഷണ സംഘം പറയുന്നു.